Jeremías 34:8 - Bible in Tzeltal Bachajón

⁸ Te sc'op Jehová te tal ta stojol Jeremías c'alal lajix yo'tan a te Sedequías ta schapel c'op soc spisil te ants-winiquetic ta Jerusalén te ha ya xhilic ta libre te mach'atic ayic ta mosohil,

Bible in Tzeltal de Oxchuc y Tenejapa

⁸ Te Cajwaltic la sc'opon Jeremías c'alal lajix yo'tan ta xchapel c'op te muc' ajwalil Sedequías soc spisil te yajwal te Jerusalén, te ya xjil ta libre te mach'atic smozoinejique.

Jeremías 34:8 Referans Kwoze

Levítico 25:10

Ya me ach'ultesic te slajunebal yoxwinic (50) ha'bil, yac awalic ta bayuc te libre ay spisil mach'atic nahinemic tey a. Ha te ha'bil ya xhilex ta libre; jujutuhl ya suht bahel ta sq'uinal, jujutuhl ya suht bahel ta yohlil mach'atic ay yu'un.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

2 Reyes 11:17

Patil te Joiada la schap sc'op soc Jehová, te ajwalil soc te pueblo te ha pueblo yu'un Jehová ya xc'ohtic. Soc la schap sc'opic te ajwalil soc te pueblo.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Nehemías 9:38

Ta scaj spisil ini, ya jchap jc'optic soc ya jts'ihbaytic hilel ta hun, ya spasic firmar te príncipaletic, levitahetic soc te sacerdotehetic cu'uncotic.

2 Crónicas 29:10

Ha yu'un yo'tic ho'on jnopoj te ya jchap jc'op soc Jehová te Dios yu'un Israel scuenta yu'un hich ya xloc' bahel a te yilimba ta jtojoltic.

2 Crónicas 23:16

Hich te Joiada la schap sc'op soc spisil te pueblo soc te ajwalil, te ha pueblo yu'un Jehová ya xc'ohtic.

Deuteronomio 15:12

Teme ay ya schon sba ta a'batinel ta atojol te amohlol ta hebreohil, winic o ants, teme ya x'a'tej ta atojol waqueb ha'bil, ta shuquebal ha'bil ya me awac' ta libre.

Isaías 58:6

Te lequil scomel we'elil te ya jc'an: ¿ma bal ha'uc te yac aloq'ues te scadenahil te pasel te bin chopol, te yac atihl te ihcatsiletic yu'un uts'inel, te yac awac' ta libre te mach'atic tembilic ta uts'inel, soc te yac awac'ticlan spisil yugohetic?