Jeremías 34:7 - Bible in Tzeltal Bachajón

⁷ c'alal te soldadohetic yu'un te ajwalil yu'un Babilonia yacalic ta ya'beyel guerra a te Jerusalén soc spisil te yantic pueblohetic yu'un Judá te hilemic to, ha te Laquis soc Azeca; como ha nax te pueblohetic ini te joytaybilic ta ts'ahc te hilemique.

Bible in Tzeltal de Oxchuc y Tenejapa

⁷ Ja' yorail te yac ta stenel ta guerra a te Jerusalén, te Laquis soc Azeca te soldadoetic yu'un te muc' ajwalil yu'un Babilonia. Ja'ic nax te oxpam lum te jilemic to xane, te tulan to sts'ajc'ulic ta sq'uinal Judá.

Jeremías 34:7 Referans Kwoze

Josué 10:3

Ha scuentahil te Adonisedec te ajwalil yu'un Jerusalén la sticonlambe c'op te Hohan ajwalil yu'un Hebrón, Piream ajwalil yu'un Jarmut, Jafía ajwalil yu'un Laquis, soc Debir ajwalil yu'un Eglón, hich la yalbe:

Jeremías 4:5

Pucahic ta halel ta Judá, halbeyahic sc'oblal ta Jerusalén, hich me yac awalic: Oq'uesinahic corneta ta q'uinal, xchihex; awonanic, hich me yac awalic: Tsoba abahic, ochucotic bahel ta pueblohetic te ayic sts'ahcul, xchihanic me.

Josué 15:35

Jarmut, Adulam, Soco, Azeca,

Miqueas 1:13

Chucahic ta carreta te cawuhetic, ha'ex te nahinemex ta Laquis. Tey hahch a te smul te yantsil-nich'an Sión, como chicnaj ta atojolic te toybahiletic yu'un Israel.

Jeremías 34:1

Ha te sc'op Jehová te tal ta stojol Jeremías c'alal la ya'beyic guerra te Jerusalén te Nabucodonosor ajwalil yu'un Babilonia soc spisil te soldadohetic yu'un, spisil te nacionetic te cuentahimbilic yu'un soc spisil te pueblohetic yu'un, hich la yal:

Jeremías 11:12

Ha yu'un te pueblohetic yu'un Judá soc te mach'atic nahinemic ta Jerusalén ya me xbaht yawtayic te diosetic te ya schic'beyic pom, pero ma xhu' ya xcoltayotic yu'un te c'alal ya xtal yorahil wocol.

Jeremías 8:14

¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

2 Crónicas 27:4

Soc la spas pueblohetic ta witsiltic yu'un Judá, soc ahnibal ts'ahquetic soc ilo-q'uinaletic ta tohyem te'etic.

2 Reyes 19:8

Te c'alal suht bahel te mach'a tulan ya'tel, la ya'iy te loq'uemix tal ta Laquis a te ajwalil yu'un Asiria, c'oht sta yac ta ya'beyel guerra te Libna.

Josué 15:39

Laquis, Boscat, Eglón,

Josué 12:11

Jarmut, Laquis,

Deuteronomio 28:52

Ya me sjoytaylan ta ya'beyel guerra spisil te pueblohetic awu'un ha to c'alal ya xhemts'uj cohel ta spisil aq'uinal te ts'ahquetic te ha toyol soc te ay yipic, te ha smuc'ulinej awo'tan. Ya sjoytaylan ta ya'beyel guerra spisil te pueblohetic ayic ta aq'uinal te la ya'bat Jehová te Dios awu'une.

Josué 10:5

Ha yu'un te ho'eb ajwaliletic yu'un te amorreohetic, ha te ajwaliletic yu'un Jerusalén, Hebrón, Jarmut, Laquis soc Eglón la stsob sbahic, mohic bahel soc spisil te soldadohetic yu'unic, c'oht spas scampamentohic ta nopol Gabaón, hahch ya'beyic guerra.

2 Reyes 14:19

La schapbeyic sc'oblal ta milel ta Jerusalén te Amasías, hich loc' ta ahnel, baht ta Laquis. Pero la snutsic bahel c'alal ta Laquis, tey c'oht smilic a.

Isaías 36:2

Te ajwalil yu'un Asiria la sticon bahel jtuhl capitan-soldado soc bayel soldadohetic te ayic ta Laquis, bahtic ta stojol te ajwalil Ezequías ta Jerusalén. La slahman sbahic ta be-ha' yu'un te yawil ha' ay ta ahc'ol, ta sbehlal te Jsac'omajel.