Jeremías 34:3 - Bible in Tzeltal Bachajón

³ Te ha'ate ma ba ya xcolat loq'uel ta sc'ab, ya me xtsacotat soc ya x'ac'otat ta sc'ab. Ya me awil ta asit te ajwalil yu'un Babilonia te ya sjucat ta c'op ta asit; soc ya me xbahat ta Babilonia.

Bible in Tzeltal de Oxchuc y Tenejapa

³ Te ja'ate ma xju' xcolat loq'uel ta sc'ab, ya me xchucat soc ya me x'ac'otat ta stojol. C'alal ya xlaj yo'tan te ya stejc'anat ta stojol, ya me yic'at bael ta Babilonia.

Jeremías 34:3 Referans Kwoze

Jeremías 32:4

soc te ajwalil Sedequías ma ba ya xcol ta sc'ab te caldeohetic, ya me x'och ta sc'ab te ajwalil yu'un Babilonia, ya me stehc'an sba ta c'op ta stojol, ya me yilbe sit,

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.

Jeremías 34:21

Soc te Sedequías ajwalil yu'un Judá soc te príncipaletic ya cac' ta sc'ab scontratac soc te mach'atic ya xlehbot scuxlejalic yu'un, ta sc'ab soldadohetic yu'un te ajwalil yu'un Babilonia, te loq'uemiquix ta atojolique.

Ezequiel 21:25

Ha'at ajwalilat yu'un Israel te chopolat soc bohloben ac'oblal, te la stahix aworahil te yac awich' te castigo scuenta slajibal,

Ezequiel 12:13

Pero ya jlim bahel jyac ta stojol, ya yich' tsaquel ta yaquil cu'un; ya quic' bahel ta Babilonia, ta sq'uinal te caldeohetic, pero ma ba ya yil te sq'uinalique; tey ya xcham a.

Jeremías 38:18

Pero teme ma ba yac awac' aba ta sc'ab te príncipaletic yu'un te ajwalil yu'un Babilonia, ya me x'och ta sc'ab te caldeohetic te pueblo ini soc ya me ya'beyic sc'ahc'al; te ha'ate ma ba ya xcolat ta sc'abic, xchi.

Jeremías 37:17

Te ajwalil Sedequías la sticon ta iq'uel tal, muquen la sjoc'obe ta sna: ¿Ay bal bin yaloj te Jehová? xchi. Ay, xchi te Jeremías, ya me x'ochat ta sc'ab te ajwalil yu'un Babilonia, xchi.

Jeremías 27:22

Ya me x'ich'otic bahel ta Babilonia, tey ya xhilic a ha to c'alal ya sta yorahil te ya xtal quile, xchi te Jehová. Hich ya quich' suhtel tal soc ya jcha'ac'ticlan ta lugar ini, xchi.

Jeremías 32:3

Como Sedequías ajwalil yu'un Judá yac'ojix ta chuquel tey a, yu'un hich la yal: ¿Bin yu'un te hich yac awal ta sc'op-jalwanej: Hich yaloj te Jehová: Ya cac' ta sc'ab te ajwalil yu'un Babilonia te pueblo ini, ha me ya yu'untay;

Jeremías 32:28

Ha yu'un hich yaloj te Jehová: Ya me cac' ta sc'ab te caldeohetic soc ta sc'ab Nabucodonosor te pueblo ini, ha me ya yu'untay.

Jeremías 34:4

Pero, Sedequías ajwalil yu'un Judá, a'iya me awa'iy bin ya yal te Jehová, yu'un hich ya yalbat ac'oblal: Ma ba ya xlajat ta espada;

Ezequiel 17:15

Pero te ajwalil la stoy sba ta stojol, la sticonlan bahel jal c'opetic ta Egipto yu'un ya x'a'bot cawuhetic soc bayel soldadohetic. ¿Lec bal ya xc'oht? ¿Ya bal xhu' ya scoltay sba te mach'a hich ya spase? Te mach'a la sjin te chapbil-c'op ¿ya bal xhu' ya xcol?

Jeremías 38:23

Spisil te antsetic awu'un soc te anich'nab ya me x'ac'otic ta sc'ab te caldeohetique. Te ha'ate ma ba ya xcolat ta sc'abic, ya me x'ochat ta sc'ab te ajwalil yu'un Babilonia, te ha ya schic' te pueblo ini, xchi.

Ezequiel 17:16

Ho'on cuxulon, xchi te Jehová te Ajwalil, ya me xcham ta Babilonia, tey ta banti nahinem te ajwalil te otsesot ta ajwalil yu'un, te ha la sp'aj te bin yaloj ta jamal soc te la sjin te chapbil-c'op te la schap soque.