Jeremías 34:22 - Bible in Tzeltal Bachajón

²² Ya cal mandar, xchi te Jehová, soc ya cac' te ya suhtic tal ta pueblo ini. Ya me ya'beyic guerra, ya me yu'untayic soc ya me ya'beyic sc'ahc'al. Soc ya cac' te ya xlaj te pueblohetic yu'un Judá, mayuc mach'a ya xhil ta nahinel tey a, xchi.

Bible in Tzeltal de Oxchuc y Tenejapa

²² Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 34:22 Referans Kwoze

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Jeremías 39:8

Te caldeohetic la ya'beyic sc'ahc'al te sna ajwalil soc te nahetic ta pueblo, soc la sjinticlanic te ts'ahquetic yu'un Jerusalén.

Jeremías 52:13

La schic' te sna Jehová, te sna te ajwalil soc spisil te nahetic ta Jerusalén. La slajin ta c'ahc' spisil te muc'ul nahetic te ay sc'oblalique.

Jeremías 52:7

la yich' jamel te sts'ahcul te pueblo, spisil te soldadohetic loq'uic ta ahnel. Ta ahc'abal loq'uic bahel ta pueblo ta ochibal te ay ta yohlil te cheb ts'ahc te nopol ayic ta ts'umbil nichimetic yu'un te ajwalile, bahtic ta sbehlal Arabá, aunque joytaybil yu'un te caldeohetic te pueblohe.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Jeremías 33:10

Hich yaloj te Jehová: Ta lugar ini te yac awalic te ha jochol q'uinal, te mayuc ants-winiquetic o chambahlametic, ya me schicnaj ta pueblohetic yu'un Judá soc ta callehetic ta Jerusalén te jochol, te mayuc mach'a nahinem tey a, ni ants-winiquetic ni chambahlametic,

San Mateo 22:7

C'alal hich la ya'iy te ajwalil, ilin yu'un, la sticon bahel soldadohetic yu'un, la slajin te jmilawetic soc la schic'be te pueblo yu'unique.

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.

Zacarías 1:12

Te ch'ul a'bat yu'un Jehová hich la yal: Jehová te scuentahinej spisil, ¿jayeb xan ora te ma ba yac ac'uxultay te Jerusalén soc te pueblohetic yu'un Judá, te ayix lajuneb schanwinic (70) ha'bil te ilinemat ta stojolique? xchi.

Miqueas 7:13

Jochol taquin q'uinal ya xc'oht te q'uinal ta scaj te mach'atic nahinemic tey a, ta scaj te sit te ya'telique.

Amós 3:6

¿Ya bal yich' oq'uesinel corneta ta pueblo te ma ba ya xnihquic ants-winiquetic yu'un? ¿Ay bal wocol ya xc'oht ta pueblo te ma ba ticombil yu'un Jehová?

Lamentaciones 1:1

¡Mero stuquel hil te Jerusalén, te nojel ta ants-winiquetic ta nahil to! Te mach'a muc' ta yohlil te nacionetic hich c'ohem te bin ut'il me'ba' ants; te ants ich'bil ta cuenta ta jsehpelsehp q'uinal ochix ta mosohil.

Jeremías 38:23

Spisil te antsetic awu'un soc te anich'nab ya me x'ac'otic ta sc'ab te caldeohetique. Te ha'ate ma ba ya xcolat ta sc'abic, ya me x'ochat ta sc'ab te ajwalil yu'un Babilonia, te ha ya schic' te pueblo ini, xchi.

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Isaías 64:10

Jochol taquin q'uinal c'ohem te ch'ul pueblohetic awu'un, te Sión ha jochol taquin q'uinal, te Jerusalén jc'axel jihnemix.

Isaías 37:26

¿Ma bal awa'iyejuc te nameyix hich la jchahpan? Nameyix chahpambil cu'un, ta ora yo'tic la jc'ohtes ta pasel. Ha te la ajinticlan pueblohetic te joybilic ta sts'ahc, te busul hilic ta jinel.

Isaías 24:12

Jimbil hilel te pueblo, wuybil c'oht te yochibal.

Isaías 13:3

La jpas ta mandar te mach'atic cu'un te ch'uhltesbilic, la jquiq'uix te mach'atic ay yipic yu'un ya sc'ohtes ta pasel te bin ya sc'an te quilimba, ha te mach'atic tse'el yo'tanic yu'un te cutsilal.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

2 Crónicas 36:17

Ha yu'un te Jehová la yac' taluc te ajwalil yu'un te caldeohetic te la smilticlambe ta espada te yal-snich'nabic ta sna ta ch'ul awilal, ma ba la sna'be yo'bolil sbahic te queremetic, ach'ixetic, mamaletic o te mach'atic mayuc yipic; spisilic ac'ticlambotic ta sc'ab yu'un te Diose.

2 Samuel 16:11

Patil te David hich la yalbe te Abisai soc spisil te winiquetic yu'un: Ha nix te jnich'an te yo'tanuc ya smilon, ¿ha'uc to balix a te sts'umbal Benjamín? Ihquitayahic, ac'a sbohlc'optayon, como ha nix te Jehová te halbot yu'une.

2 Reyes 25:6

Chucul a te ajwalil la yiq'uic bahel ta stojol te ajwalil yu'un Babilonia ta Ribla, tey la yich' halbeyel te bin castigo ya xc'oht ta scuenta.

Jeremías 34:2

Hich yaloj te Jehová, te Dios yu'un Israel: Bahan, halbeya te Sedequías ajwalil yu'un Judá te hich yaloj te Jehová: Ya cac' ta sc'ab te ajwalil yu'un Babilonia te pueblo ini, ha ya schic' ta c'ahc'.

Jeremías 50:13

Ta scaj yilimba Jehová mayuc mach'a ya xnahin tey a, jc'axel jochol ya xhil. Spisil te mach'atic ya xc'axic bahel ta stojol Babilonia xcham yo'tanic soc ya slabanic yu'un te swocole.

Ezequiel 13:22

Te bin ut'il yac awa'beyic smel yo'tan ta scuenta lot te mach'a toj yo'tan, te ma ho'ucon la jca'be smel yo'tan, soc te la awa'beyic yip sc'ab te mach'a chopol yo'tan scuenta yu'un ma ba ya yihquitay te chopol be, ha te la awa'beyic xan yip yo'tan,

2 Reyes 25:9

La schic'be te sna Jehová, te sna ajwalil soc spisil te nahetic ta Jerusalén, spisil te snahic mach'atic ich'bilic ta muc'.

Jeremías 2:15

Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.