Jeremías 34:13 - Bible in Tzeltal Bachajón

¹³ Hich yaloj te Jehová, te Dios yu'un Israel: La jchahp jc'op soc te ame'atatic te c'alal la jloq'ues tal ta sq'uinal Egipto, ta banti ayic ta mosohinel, hich la jcal:

Bible in Tzeltal de Oxchuc y Tenejapa

¹³ —Jo'on Ajwalilon, te Dioson yu'un Israel, la jpas trato soc te antiguo ame'-atatic te c'alal la jloq'ues tel ta sq'uinal Egipto, ta bay la yich'ic abatinel ta mosoinele. La calbey mandal:

Jeremías 34:13 Referans Kwoze

Jueces 6:8

te Jehová la sticombe jtuhl jalwanej te hich c'oht yalbe: Hich yaloj te Jehová te Dios yu'un Israel: Ho'on la jloq'uesex tal ta Egipto soc la jloq'uesex tal ta mosohil.

Josué 24:17

Como ha te Jehová te Dios cu'untic te la sloq'uesotic tal soc te jme'jtatic ta sq'uinal Egipto te banti ayotic ta mosohil; ha te mach'a la spas te muc'ul señahiletic ini soc te la scanantayotic ta spisil be banti behenotic soc ta spisil te nacionetic banti c'axotic tale.

Jeremías 31:32

Ma hichuc te bin ut'il te chapbil-c'op la jpas soc te sme'static c'alal la jnit loq'uel ta sc'abic ta sq'uinal Egipto; como la sc'axuntaybonic te chapbil-c'op cu'un, aunque ha smamalal c'ohon, xchi te Jehová.

Deuteronomio 5:27

Nohpojan bahel ha'at, a'iya awa'iy bin ya yal te Jehová te Dios cu'untic. Ha'at yac awalbotic ca'iycotic spisil te bintic ya yalbat te Jehová te Dios cu'untic, te ho'otcotic ya ca'iycotic soc ya jpascotic, xchihex.

Éxodo 24:3

Te Moisés tal yalbe te pueblo spisil te bin la yal te Jehová soc spisil te mandariletic. Ta spisil te pueblo junax la sjaq'uic: Ya jpascotic spisil te bin yalojix te Jehová, xchihic.

Jeremías 11:7

C'alal bin ora la jloq'ues tal ta sq'uinal Egipto te ame'atatic c'alal ora ini ma ba quechajon ta stsitsel, hich la jcalbe: A'iybon awa'iyic te jc'ope, xchihon.

Jeremías 11:4

ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Jeremías 7:22

Como te c'alal la jloq'ues tal ta Egipto te ame'atatic, ma ba la jpas ta mandar ta scuenta scohtol chic'bil mahtaniletic soc milbil mahtaniletic.

Deuteronomio 29:1

Hich ay te bin ya yal te chapbil-c'op te Jehová la spas ta mandar Moisés te ya yich' chapel soc te snich'nab Israel ta sq'uinal Moab, ha yan te chapbil-c'op la spas ta stojolic ta wits Horeb.

Deuteronomio 24:18

ya me ana' te c'axat ta mosohil ta Egipto, te tey la sloq'uesat tal a te Jehová te Dios awu'une; ha scuentahil te ya jpasat ta mandar te hich yac apas.

Deuteronomio 16:12

Na'a me te c'axat ta mosohil ta Egipto; ha yu'un ya me acanantay soc ya me apas te bintic chapal ini.

Deuteronomio 15:15

Ya me ana' te ayat ta mosohinel ta sq'uinal Egipto soc te la scoltayat loq'uel tal te Jehová te Dios awu'un; ha scuentahil te hich ya jpasat ta mandar ta ora ini.

Deuteronomio 13:10

Ya me ach'oj ta ton ha to teme laj, yu'un ya c'an ya'bat awihquitay te Jehová te Dios awu'un te la sloq'uesat tal ta sq'uinal Egipto ta mosohil,

Deuteronomio 8:14

te hich ya xhahchat ta toybahil yu'un soc ya xch'ay ta awo'tan te Jehová te Dios awu'un te la sloq'uesat tal ta Egipto ta mosohil;

Deuteronomio 7:8

Pero ha ta scaj te c'uxex ta yo'tan te Jehová soc la sc'an te la sc'ohtes ta pasel te bin jc'axel la yalbe ta jamal te ame'atatique; hich la sloq'uesex tal ta scuenta yu'el sc'ab soc la scoltayex loq'uel ta mosohil ta sc'ab faraón te ajwalil yu'un Egipto.

Deuteronomio 6:12

ma me xch'ay ta awo'tan te Jehová te la sloq'uesat tal ta sq'uinal Egipto te banti ayat ta mosohil.

Deuteronomio 5:6

Ho'on Jehovahon te Dioson awu'un te la jloq'uesat tal ta Egipto te banti nahinat ta mosohil.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 13:14

Te c'alal ya sjoc'obat te anich'an: ¿Bin scuentahil ini? teme xchihe, hich me xawalbe: Te Jehová, ta scuenta yu'el sc'ab la sloq'uesotic tal ta Egipto te banti ayotic ta mosohil;

Éxodo 13:3

Te Moisés hich la yalbe te pueblo: Na'ahic me te c'ahc'al ini, ha te bin ora loq'uex tal ta Egipto te banti ayex ta mosohil, como te Jehová la sloq'uesex tal ta scuenta smuc'ul yu'el sc'ab; ha yu'un ma me xawe'ic te bin yich'oj levadura.

Jeremías 34:12

Ha yu'un tal te sc'op Jehová ta stojol Jeremías, hich la yal: