Jeremías 34:11 - Bible in Tzeltal Bachajón

¹¹ Pero patil la suht sc'opic, la scha'iq'uic xan ta mosohinel te winiquetic soc antsetic te yac'ojiquix ta libre.

Bible in Tzeltal de Oxchuc y Tenejapa

¹¹ Ja'uc me to, patil la xcha'na'ic xan te la yaq'uic ta libre, jich la xcha'sujic xan ta abatinel ta yan buelta ta mosoil.

Jeremías 34:11 Referans Kwoze

Eclesiastés 8:11

Teme ma ba ya x'a'bot castigo ta ora yu'un te bin chopol la yich' pasele, te ants-winiquetic ya xbaht ta yo'tanic spasel te bin chopole.

Proverbios 26:11

Hich te bin ut'il ts'i' te ya suht tal ta slo'el xe, hich ya scha'pas te sonsohil te mach'a ma sna' q'uinale.

Sofonías 1:6

te mach'atic ya yihquitayic st'unel te Jehová, te mach'atic ma ba ya slehic te Jehová o te ya sjoc'oyic.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

Jeremías 37:5

Te c'alal loq'uemiquix tal ta Egipto a te soldadohetic yu'un faraón, la ya'iyic te caldeohetic te yac sjoytaybelic te Jerusalén, hich la yihquitayic hilel te Jerusalén.

Jeremías 34:21

Soc te Sedequías ajwalil yu'un Judá soc te príncipaletic ya cac' ta sc'ab scontratac soc te mach'atic ya xlehbot scuxlejalic yu'un, ta sc'ab soldadohetic yu'un te ajwalil yu'un Babilonia, te loq'uemiquix ta atojolique.

Salmos 125:5

Yan te mach'atic ya st'unic bahel te chopol be, te Jehová pajal me ya sloq'ues soc te mach'atic chopol ya'telique. ¡Ac'a lahmajuc q'uinal ta stojol Israel! C'ayoj yu'un mohel bahel ta Jerusalén.

Salmos 36:3

Te c'opetic ya xloc' ta ye ha chopol c'op soc lo'loywanej; hilix yu'un te sp'ijil soc spasel te bin leque.

1 Samuel 26:21

Ha yu'un hich la yal te Saúl: Jtahoj jmul; suhtan tal, jnich'an David. Mayuc bin chopol xan ya jpasbat, como yo'tic bayel sc'oblal ta atojol te jcuxlejale. Sonsohon, bayel howiyemon, xchi.

1 Samuel 24:19

Como ¿mach'a a te ya sta scontra te lec ya scoltay bahele? Te Jehová ac'a stojbat te bin lec, yu'un te bin la apasbonix ha'i c'ahc'al ini.

Éxodo 9:28

C'opona te Jehová, yu'un tic' a te chahwuc yu'un Dios soc te bat. Ya caq'uex bahel, ma ba ya jcomexix, xchi.

Éxodo 8:15

Pero te faraón, c'alal la yil te mayuquix swocol, la stulanubtesbe yo'tan, ma ba la ya'iybe sc'opic, hich te bin ut'il la yal te Jehová.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Jeremías 34:10

Spisil te jtsobawetic soc spisil te pueblo, te c'alal la ya'iyic te bin chapbil, ha te ya me yaq'uic ta libre te winiquetic soc antsetic te ayic ta mosohinel yu'unic, te mayuquix mach'a ya smosohinic, la sch'uhunic spasel soc la yaq'uic ta libre.

Jeremías 34:12

Ha yu'un tal te sc'op Jehová ta stojol Jeremías, hich la yal:

Jeremías 34:16

Pero cha'suhtexix ta apatic soc la abohlobtesbonic te jbihile; jujutuhlex la acha'iq'uic xan te winic soc ants te awac'ojiquix ta libre te mach'a la sc'anique, la acha'otsesic xan ta mosohil.