Jeremías 34:1 - Bible in Tzeltal Bachajón

¹ Ha te sc'op Jehová te tal ta stojol Jeremías c'alal la ya'beyic guerra te Jerusalén te Nabucodonosor ajwalil yu'un Babilonia soc spisil te soldadohetic yu'un, spisil te nacionetic te cuentahimbilic yu'un soc spisil te pueblohetic yu'un, hich la yal:

Bible in Tzeltal de Oxchuc y Tenejapa

¹ Te Nabucodonosor, muc' ajwalil yu'un Babilonia soc spisil te soldadoetic yu'une, ja'ic te mach'atic loq'uemic tel ta yantic nacionetic te ayic ta sc'abe, yacalic ta stenel ta guerra te Jerusalén soc spisil te lumetic te nopol ayic soque. Te Cajwaltic la sc'opon te Jeremías, jich la yalbey:

Jeremías 34:1 Referans Kwoze

Jeremías 1:15

Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

Jeremías 32:2

Ha nix yorahil a te soldadohetic yu'un te ajwalil yu'un Babilonia la sjoyintayic ta guerra te Jerusalén, soc te jalwanej Jeremías chucul ta yamaq'uil te cárcel te ay ta sna te ajwalil yu'un Judá.

Daniel 5:19

Ta scuenta te smuc'ul c'oblal te a'bot yu'une, spisil te pueblohetic, nacionetic soc c'opiletic xiwic soc nihquic ta stojol. La smil te mach'a la sc'an la smil, soc la yac' cuxajuc te mach'a la sc'an la yac' c'axuc; la stoybe sc'oblal te mach'a la sc'an la stoybe sc'oblal, soc la spehc'an te mach'a la sc'an la spehc'an.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Daniel 4:1

Ho'on, ajwalil Nabucodonosor, ta stojol spisil te pueblohetic, nacionetic soc c'opiletic te nahinemic ta spisil te q'uinal: Ayuc me bayel lamal q'uinal yac awa'iyic.

Jeremías 34:7

c'alal te soldadohetic yu'un te ajwalil yu'un Babilonia yacalic ta ya'beyel guerra a te Jerusalén soc spisil te yantic pueblohetic yu'un Judá te hilemic to, ha te Laquis soc Azeca; como ha nax te pueblohetic ini te joytaybilic ta ts'ahc te hilemique.

Jeremías 21:2

Joc'obeya te Jehová ta jcuentacotic, como te Nabucodonosor ajwalil yu'un Babilonia yac ya'belotic guerra. Te Jehová ya wan spasbotic jchahp a'teliletic yu'un, te hich ya yihquitayotic hilel, xchihic.

Jeremías 32:1

Ha te sc'op Jehová te tal ta stojol Jeremías ta slajunebal ha'bil yochel ta ajwalil yu'un Judá a te Sedequías; ha te swaxaclajunebal (18) ha'bil yochel ta ajwalil a te Nabucodonosor.