Jeremías 33:9 - Bible in Tzeltal Bachajón

⁹ Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Bible in Tzeltal de Oxchuc y Tenejapa

⁹ Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Jeremías 33:9 Referans Kwoze

Isaías 60:5

Yac awil, hich ya xtihl yutsil awo'tan, bayel yutsil awo'tan yu'un, como ya x'ich'botat talel te sc'ulejal te mar, ya xtal ta atojol te sc'ulejalic te nacionetique.

Jeremías 13:11

Como hich te bin ut'il ya sut' ta chuquel sch'uht te winic, hich la jcac' te ya sut' ta chuquel ta jtojol spisil te sna Israel soc spisil te sna Judá, scuenta yu'un ha pueblo cu'un ya xc'oht, scuenta yu'un ya ya'bon ta na'el te jbihil soc ya yich' halbeyel yutsil jc'oblal soc te ya x'ich'otic ta muc' a, pero ma ba la ya'iyic, xchi te Jehová.

Isaías 62:7

soc ma me xawa'beyic scux yo'tan ha to c'alal ya scha'pas te Jerusalén soc ya yac' te ha ya xhalbot yutsil sc'oblal yu'un ta bahlumilal!

Nehemías 6:16

C'alal la ya'iyic spisil te jcontratic, xiw spisil te nacionetic ta joyobaltic; peq'uel c'oht la ya'iy sbahic, como la sna'ic te ha ta scuenta te Dios cu'untic te hu' te a'tele.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Jeremías 31:4

Ya jcha'pasat xan ta yach'il, hich yac awich' pasel, ha'at ach'ix Israel. Ya me acha'ich' xan te panderohetic awu'unic soc ya xloc'at bahel ta ahc'ot soc yutsil q'uinal.

Jeremías 26:6

ya cac' te hich ya xc'oht te na ini te bin ut'il Silo soc te pueblo ini ya cac' te ma lecuc sc'oblal ya xc'oht ta stojol spisil te nacionetic ta bahlumilal, xchi.

Isaías 62:12

Ya x'a'bot sbihilinic: Ch'ul Pueblo, xchi, te mach'atic ac'otic ta libre yu'un Jehová, xchi me sc'oblal. Soc ya x'a'botat abihilin: C'ambil Pueblohat, Pueblo te ma ba ihquitaybil, xchi me ac'oblalic.

Salmos 40:3

La ya'bon ta que yach'il c'ayoj, ha sc'ayoj yutsilal te Dios cu'untique. Bayel mach'atic ya me yilic soc ya me xi'ic, soc ya me smuc'ulin yo'tanic te Jehová.

Zacarías 12:2

Ya cac' te ha copa ya xc'oht te Jerusalén te ya yac' ya x'ahnlajanic spisil te pueblohetic ta sjoyobal; soc ha nix hich ya yich' contrahinel Judá te c'alal ya yich' joytayel ta guerra te Jerusalén.

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 29:1

Hich ya yal te carta la sticon bahel te jalwanej Jeremías c'alal ta Jerusalén ta stojol te mamaletic te cuxulic to te ayic ta yohlil te mach'atic ic'otic bahel ta chuquel, soc te sacerdotehetic, jalwanejetic soc spisil te pueblo te ic'otic bahel yu'un Nabucodonosor ta Babilonia.

Jeremías 3:17

Ta hich ora ya me ya'beyic sbihilin te Jerusalén Muc'ul Huctajibal yu'un Jehová, xchi, soc spisil te nacionetic ya me stsob sbahic ta Jerusalén ta scuenta te sbihil Jehová; ma ba ya yo'tantayiquix st'unel bahel te chopol yo'tanique.

Ester 8:17

Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

2 Crónicas 20:29

Te xiwel yu'un Dios c'oht ta stojol spisil te nacionetic te c'alal la ya'iyic te Jehová la ya'be guerra te scontratac te Israel.

Salmos 130:4

Pero ay perdón ta atojol, scuenta yu'un ya x'ich'otat ta muc'.

Isaías 55:13

Ta banti ay jpeht ch'ix, ya xcol tal ciprés, ta banti ay ch'ixetic, ya xcol tal mirto-te'; ha ya ya'be bayel yutsil te sbihil Jehová, jun seña te sbahtel q'uinal ma xjihn.

Isaías 62:4

Ma ba hich ya yalbatix xan abihil: Ihquitaybil, te xchihe, soc ma ba hich ya yalbeyiquix xan sc'oblal aq'uinal: Jihnem, ma xchihuquic; ha ya x'a'botat abihil: Hefzi-bá, xchi, soc: Beula, xchi sbihil te aq'uinale; como mulambilat yu'un te Jehová, soc ha smamalal te aq'uinal ya xc'oht.

Isaías 64:2

hich te bin ut'il c'ahc' te ya schic' te ch'ixtiquil, te ha te ya sbuhlantes te ha'e! Hich yac awac' te ya sna'bat aba te acontratac soc te ya xnihquic ta atojol te nacionetique.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 24:6

Ya cac' jsit ta stojolic scuenta yutsil slequilic, soc ya cac' suhtuc talel ta q'uinal ini. Ya ca'be yich' yipic, ma ba ya jinticlan; ya jts'unticlan, ma ba ya jbulticlan.

Jeremías 32:42

Como hich yaloj te Jehová: Hich te bin ut'il la jquich' tal ta stojol te pueblo ini spisil te bintic chopol ini, ha nix hich ya quich' tal ta stojolic spisil te bintic lec te calbeyej sc'oblale.

Jeremías 33:14

Ya me xc'oht sc'ahc'alel, xchi te Jehová, te ya xc'oht ta pasel cu'un te bintic lec calbeyej te sna Israel soc te sna Judá.

Jeremías 49:25

¡Ilawil bin ut'il ihquitayot te pueblo te halbot yutsil sc'oblal, te pueblo te ya smulan co'tan!

Ezequiel 26:20

Ya cac' te pajal ya xcohat bahel soc te mach'atic ya xcohic bahel ta muquenal, ha te mach'atic c'axic ta namey; ya cac' x'ayinat ta sc'ubulil te lumq'uinal, hich te bin ut'il q'uinal te nameyix jimbil, soc te mach'atic ya xcohic bayel ta muquenal, scuenta yu'un mayuquix bin ora ay mach'a ya xnahin ta awohlil. Soc ya cac' utsilal ta q'uinal yu'un mach'atic cuxulic.

Ezequiel 39:13

Spisil te ants-winiquetic yu'un te q'uinal ya me smuquic; soc te bin c'ahc'alil ya cac' ta ilel te cutsilal, ha c'ahc'al yu'un tse'el-o'tanil ya xc'oht yu'unic, xchi te Jehová, te Ajwalil.

Deuteronomio 30:5

Te Jehová te Dios awu'un ya yac' te ya suhtat xan tal tey ta q'uinal la yich'ic hilel te ame'atatique, ha awu'un ya xc'oht. Lec bin ya spasbat, c'ax hich ya yac' p'ohlucat a te bin ut'il te ame'atatique.

Isaías 43:21

Ha te pueblo te la jchicnajtes yu'un cu'un ya xc'ohtic, scuenta yu'un ya spuquic ta halel te yutsil jc'oblale.

Isaías 62:1

Ta scuenta te c'ux ta co'tan te Sión ma ba ya xch'abon ta c'op; ta scuenta te c'ux ta co'tan te Jerusalén ma ba ya jcux co'tan, ha to c'alal ya xtihl bahel te bin stojil ta pasel yu'une, soc te colel yu'un hich ya xtihl te bin ut'il tsumbil c'ahc'.

Jeremías 31:14

Ya jnojes ta bayel yutsil slequil te sch'uhlel te sacerdotehetic, soc te pueblo cu'un ya xnoj ta bintic lec ay cu'un, xchi te Jehová.

Ezequiel 36:35

Hich me ya yalic: Te q'uinal ini te jochol hil, hich c'oht te bin ut'il ts'umbil te'etic ta Edén; soc te pueblohetic ini te jimbilic soc jocholic, yo'tic ayix ts'ahquetic yu'unic soc ay mach'atic ya xnahinic tey a, xchihic.

Zacarías 1:17

Soc puca ta halel ini: Hich yaloj te Jehová te scuentahinej spisil: Te pueblohetic cu'un ya xnoj yan buelta ta bayel biluquetic, soc te Jehová ya smuc'ubtesbe q'uinal ya'iy te Sión soc ya scha'tsa xan te Jerusalén, xchi.