Jeremías 33:8 - Bible in Tzeltal Bachajón

⁸ Ya jpocbe loq'uel spisil schopolilic te la sta smulic a ta jtojol; ya jpasticlambe perdón yu'un spisil smulic te la spasic ta jtojol soc te la stoyticlan sbahic ta jtojole.

Bible in Tzeltal de Oxchuc y Tenejapa

⁸ Ya jlecubtes yu'un spisil te smulic la spasic ta jtojol; ya jpasbey perdón yu'un spisil te bitic amen la spasique, soc te la stoy sbaic ta jtojole.

Jeremías 33:8 Referans Kwoze

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Salmos 51:2

¡Pocbon loq'uel spisil te bin chopol jpasoj, lecubtesawon yu'un te jmule!

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Ezequiel 36:33

Hich yaloj te Jehová, te Ajwalil: Te bin ora ya jpoquex yu'un spisil achopolilic, ya cac' te ya xnahinex ta pueblohetic soc te ya xcha'ich'ic xan pasel te banti jihnemique.

Jeremías 31:34

Mayuquix mach'a ya snohptes te spat-xuhc, mayuc mach'a ya ya'be snop te yermano, te hich ya yal: Na'beya sba te Jehová, te xchihe, como spisilic ya me sna'bonic jba, muc' biq'uit, xchi te Jehová. Como ya jpasbe perdón yu'un te schopolilic soc ma ba ya jna'beyix xan te smulique, xchi.

Jeremías 50:20

Ta hich ora, xchi te Jehová, ya yich' lehel te schopolil te Israel, pero ma ba ya xchicnajix; soc ya yich' lehel te smul te Judá, ma ba ya xtahbot; yu'un ya jpasbe perdón te mach'atic cuxul ya xhilic cu'une.

Isaías 44:22

Hich la jmes bahel te ac'axun-c'opic te bin ut'il tocal, te muliletic awu'un hich te bin ut'il sahb ha'. Suhtanic tal ta jtojol, como la jcac'at ta libre, xchi.

Salmos 65:3

Te c'alal la yu'untayotcotic te bintic chopol, ha'at la apasbotic perdón yu'un te jmulcotique.

Joel 3:21

Ya ca'be spacol te ch'ich' malem te ma ba ca'beyej spacol. Soc ya xnahin ta Sión te Jehová.

Isaías 56:7

ha'ic me ya quic' tal ta ch'ul wits cu'un soc ya ca'be yutsil yo'tanic ta jna te banti ya quich' c'oponele. Ya jtsacbe te scohtol chic'bil mahtaniletic soc te yantic milbil mahtaniletic ya ya'bonic ta scajtajib cu'un, como hich ya x'a'bot sbihil te jna: ha te na yu'un sc'oponel Dios yu'un spisil pueblohetic, xchi.

Isaías 4:2

Ta hich ora te spuhl te Jehová ha t'ujbil soc ay yutsilal ya xc'oht, soc te sit ya yac' te lumq'uinal ha toybeyel sc'oblal soc ich'el ta muc' ya xc'oht yu'un te mach'atic hilemic ta Israel.

Levítico 16:30

como ha sc'ahc'alel te ya yich' pasel te stojel mulil awu'unic, hich ya xlecubex yu'un spisil amulic ta stojol Jehová.

Salmos 130:4

Pero ay perdón ta atojol, scuenta yu'un ya x'ich'otat ta muc'.

Lamentaciones 4:22

Ts'acayix te castigo awu'un, yantsil-nich'anat Sión; ma ba ya xcha'ic'atix bahel ta chuquel. Pero ha'at yantsil-nich'anat Edom, ya ya'bat castigo yu'un amul, ya yac' chicnajuc te muliletic awu'une.

Salmos 130:8

Ha me ya yac' ta libre Israel yu'un spisil smul. C'ayoj yu'un mohel bahel ta Jerusalén; yu'un David.