Jeremías 33:7 - Bible in Tzeltal Bachajón

⁷ Ya cac' suhtuc tal te jchuqueletic yu'un Judá soc yu'un Israel, soc ya jcha'pas xan hich te bin ut'il ayic ta nahil to.

Bible in Tzeltal de Oxchuc y Tenejapa

⁷ Ya cac'bey xan yutsilal Judá soc Israel, soc ya jcha'pas xan, swenta yu'un jich ya xcha'c'otic te bit'il ayic ta xjajch'ibale.

Jeremías 33:7 Referans Kwoze

Jeremías 30:3

Como ya xtal sc'ahc'alel, xchi te Jehová, te ya cac' te ya suhtic tal te jchuqueletic yu'un te pueblo cu'un, ha te Israel soc te Judá. Ya quic'ticlan tal ta q'uinal te la jca'be te sme'static, ya me yu'untayic, xchi.

Isaías 1:26

Ya cac' te hich ya xc'oht te juecetic awu'un te bin ut'il ta nahil to, soc te j'ac'-o'taniletic awu'unic hich te bin ut'il ta shahchibal; ta patil hich ya x'a'botat abihilin: Pueblo yu'un tojil-o'tanil, Pueblo te jun yo'tan ta jtojol.

Jeremías 32:44

Ya me yich' manel q'uinal, ya yich' pasbeyel shunal, ya yich' sello soc ya yac' sfirmahic te testigohetic li' ta sq'uinal Benjamín, ta sjoyobal Jerusalén, ta pueblohetic ta Judá, ta witsiltic, ta tsehletic soc ta pueblohetic ta Neguev, yu'un ya cac' te ya suhtic tal te jchuqueletic yu'unique, xchi te Jehová, xchi te Jeremías.

Jeremías 31:4

Ya jcha'pasat xan ta yach'il, hich yac awich' pasel, ha'at ach'ix Israel. Ya me acha'ich' xan te panderohetic awu'unic soc ya xloc'at bahel ta ahc'ot soc yutsil q'uinal.

Jeremías 29:14

Ya cac' jba ta tahel awu'unic, xchi te Jehová, soc ya cac' te ya suhtic talel te jchuqueletic awu'unic; ya jtsobex tal ta spisil te nacionetic soc ta banti la jpuquex bahel, xchi te Jehová. Ya cac' te ya suhtex tal ta banti loq'uex hahchele, xchi.

Jeremías 42:10

Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Jeremías 33:26

hich ya sp'aj co'tan te sts'umbal Jacob soc David te a'bat cu'un, yu'un ma ba ya jtsa te sts'umbal David te ha ya scuentahin te sts'umbal Abraham, Isaac soc Jacob. Ya me cac' suhtuc te jchuqueletic yu'unic soc ya me jc'uxultay, xchi.

Jeremías 31:28

Hich te bin ut'il la jtsahtay ta sbulel loq'uel soc ta jinel cohel, ta slajinel, ch'ayel soc ta ya'beyel swocolic, ha nix hich ya jtsahtay ta spasel soc ta sts'unel, xchi te Jehová.

Jeremías 30:20

Te yal-snich'nabic hich ya xc'ohtic te bin ut'il ta nahil; soc te pueblo yu'unic ya me yich' yip ta jtojol. Ya ca'be castigo spisil te j'uts'inwanejetic yu'unique.

Jeremías 30:18

Hich yaloj te Jehová: Ilawil, ya cac' suhtuc tal te yutsil slequil te snahilpac' Jacob, soc ya me jna'be yo'bolil sba banti nahinemic; te pueblo ya yich' cha'pasel ta sba te banti jimbil, soc te sna ajwalil ya xc'oht ta mero yawile.

Jeremías 24:6

Ya cac' jsit ta stojolic scuenta yutsil slequilic, soc ya cac' suhtuc talel ta q'uinal ini. Ya ca'be yich' yipic, ma ba ya jinticlan; ya jts'unticlan, ma ba ya jbulticlan.

Jeremías 23:3

Te tuminchijetic cu'un te cuxulic hilel ho'on ya jtsobticlan tal ta spisil q'uinaletic ta banti la jtenticlan bahele, ya cac' te ya suhtic tal ta aquiltic yu'unic; tey ya xmuc'ubic soc tey ya sp'ohl sbahic a.

Salmos 126:4

Jehová, ¡suhtesa talel te jchuqueletic cu'uncotic, hich te bin ut'il te uc'umetic ta Neguev!

Salmos 85:1

Jehová, lec awo'tan ta stojol te lumq'uinal awu'un; la awac' te suht xan tal ta chuquel te Jacob.

Salmos 14:7

¡Ayuc bin ut'il ya xloc' tal ta Sión te colel yu'un Israel! Te c'alal Jehová ya yac' suhtuc tal te pueblo chucule, ay me stse'elil yo'tan te Jacob soc ay me yutsil yo'tan te Israel.

Zacarías 1:17

Soc puca ta halel ini: Hich yaloj te Jehová te scuentahinej spisil: Te pueblohetic cu'un ya xnoj yan buelta ta bayel biluquetic, soc te Jehová ya smuc'ubtesbe q'uinal ya'iy te Sión soc ya scha'tsa xan te Jerusalén, xchi.

Sofonías 3:20

Ta hich ora ya quiq'uex talel, ya jtsobex tal ta hich ora; ya cac' te ya xpuhc ac'oblalic soc ya x'ich'otex ta muc' ta stojol spisil te pueblohetic ta bahlumilal, te c'alal ya jcha'a'beyex ac'ulejalic ta atojol te yac awilique, xchi te Jehová.

Oseas 2:15

Tey ya jsutbe a te ts'usubiletic yu'un, soc ya cac' te ha yochibal smuc'ul-o'tanil ya xc'oht te spamlej Acor. Tey ya xc'ayojin a hich te bin ut'il c'alal ach'ix to a, hich te bin ut'il te bin c'ahc'alil loc' tal ta Egipto.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Salmos 126:1

C'alal te Jehová la yac' suhtuc tal te jchuqueletic ta Sión, hichotic te bin ut'il mach'atic ya ya'iyic wayich.

Jeremías 31:38

Ya xtal sc'ahc'alel, xchi te Jehová, te ya yich' cha'pasel xan ta stojol Jehová te muc'ul pueblo ini, c'alal ta toyol bahlal ts'ahc yu'un Hananeel ha to ta Ochibal ta xuhc.

Jeremías 50:4

Ta hich sc'ahc'alel, ta hich ora, xchi te Jehová, ya xtalic te yal-snich'nab Israel soc te yal-snich'nab Judá, yacalic ta oq'uel a ya xtal slehic te Jehová te Dios yu'unique.

Lamentaciones 4:22

Ts'acayix te castigo awu'un, yantsil-nich'anat Sión; ma ba ya xcha'ic'atix bahel ta chuquel. Pero ha'at yantsil-nich'anat Edom, ya ya'bat castigo yu'un amul, ya yac' chicnajuc te muliletic awu'une.

Ezequiel 39:25

Ha yu'un, hich yaloj te Jehová, te Ajwalil: Yo'tic ya cac' suhtuc talel te jchuqueletic yu'un Jacob, soc ya jna'be yo'bolil sba spisil te sna Israel; soc ya cac' ta ilel te xut'et co'tan yu'un te jch'ul bihile.

Isaías 52:8

¡A'iya awa'iy! Ya stoy sc'opic te j'il-q'uinaletic awu'une; junax ya x'awonic yu'un yutsil q'uinal ya ya'iyic; como ya yilic ta sitic te ya suht tal ta Sión te Jehová.