Jeremías 33:6 - Bible in Tzeltal Bachajón

⁶ hich la yal: Ya cac' te ya xlecubic soc te lec q'uinal ya ya'iyic, ya jpoxtay soc ya ca'be yilic bayel lamal q'uinal soc jun-o'tanil.

Bible in Tzeltal de Oxchuc y Tenejapa

⁶ Ja'uc me to ya jpoxtay, ya cac' lecubuc q'uinal yaiyic, soc ya me cac' yaiybeyic yutsilal ta lec te lamal-o'tanil, soc ya me cac' te jun yo'tanique.

Jeremías 33:6 Referans Kwoze

San Juan 10:10

Te j'elec' ha nax ya xtal ta elec', ta milaw soc ta jinaw. Ho'on talemon scuenta yu'un ya yich' scuxlejalic, scuenta yu'un bayel ya yich' scuxlejalic a.

Isaías 30:26

Te sc'ahc'al te u hich ya xc'oht te bin ut'il sc'ahc'al te c'ahc'ale, soc te sc'ahc'al te c'ahc'al huqueb buelta ya xtohy xan yip, hich te bin ut'il sc'ahc'al huqueb c'ahc'al, te bin ora te Jehová ya spoxtaybe yehchen te pueblo yu'un soc te ya spoxtaybe te sc'a'el te a'botic yu'une.

Salmos 67:2

scuenta yu'un ya xna'bot sba ta bahlumilal te behetic awu'un, te colel awu'un ta stojol spisil te nacionetique.

Isaías 58:8

Hich me ya xtihl te sacal q'uinal awu'un te bin ut'il ya sacub tal te q'uinale, soc ora ya xchicnaj te lecubtesel awu'une; ya xnahilij bahel ta atojol te bin stojil ta pasel awu'un, soc te yutsilal te Jehová ya scanantayat ta apat.

Oseas 6:1

La'ic, suhtucotic ta stojol Jehová; ha nix la stsacotic, pero ya spoxtayotic; la yehchentesotic, pero ya spotsbotic.

Isaías 66:12

Como hich ya yal te Jehová: Ho'on ya ca'be lamal q'uinal ta stojol hich te bin ut'il muc'ul-ha', soc te sc'ulejal te nacionetic ya cac' te ya xtal ta stojol hich te bin ut'il snojel ha' te ya xmahl loq'uel; ya me xchu'unex, ya xpetotex bahel ta sc'ab, soc ya xhuhcanotex ta sjol yacan.

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

Isaías 54:13

Spisil te awal-anich'nabic ya yich'ic nohptesel yu'un te Jehová, soc ya xp'ohl te lamal quinal ya ya'iyic te awal-anich'nabique.

Oseas 7:1

Te c'alal yac jpoxtaybel a te Israel, chicnaj smul te Efraín soc schopolil te Samaria, como la ya'iyic lo'loywanej; ya x'och bahel te j'eleq'uetic, soc te jchahp j'eleq'uetic ya ya'iyic elec' ta calle.

Jeremías 17:14

Lecubtesawon, Jehová, hich ya xlecubon; coltayawon, hich ya xcolon, como ha'at te ya calbat yutsil ac'oblal.

Miqueas 4:3

Ha ya xchahpanwan ta yohlil bayel pueblohetic soc ya stojobtes te nacionetic te ay yipic, te namal ayique. Ya sc'atp'unic ta azadonetic te espadahetic yu'unic, soc ta hocetic te slanzahique. Mayuc nación te ya shach espada ta scontrahinel yan nación, ma ba ya snopiquix bin ut'il ya yaq'uic guerra.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Isaías 2:4

Ha ya schahpambe te c'op hahchem yu'un te nacionetic soc ya me stsitsticlan tsobol pueblohetic. Ya sc'atp'unic ta arado te espada yu'unic, soc te slanzahic ya sc'atp'unic ta hoz. Mayuc nación ya shach espada ta scontrahinel yan nación, soc ma ba ya schahpanix sbahic ta yaq'uel guerra.

Salmos 37:11

Yan te mach'atic manso yo'tanic ya me yich'ic hilel te q'uinal soc ya me smulanic bayel lamal q'uinal.

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Efesios 6:23

Te Jtatic Dios soc te Cajwaltic Jesucristo ac'a ya'be lamal q'uinal soc sc'uxul yo'tan soc sch'uhunel yo'tan te quermanotactique.

Salmos 72:7

Ta yorahil te ajwalil ya me xnichin te bin stojil ta pasel soc ay bayel lamal q'uinal ha to c'alal mayuquix a te uhe.

Éxodo 34:6

Te Jehová c'ax bahel ta stojol Moisés soc hich la yal: ¡Jehová! ¡Jehová! te ay bayel sc'uxul yo'tan soc te ay yutsil yo'tan, ma orahuc ya x'ilin, mero muc' sc'uxul yo'tan soc stalel jun yo'tan,

Isaías 39:8

Te Ezequías la yalbe te Isaías: Lec te sc'op Jehová te la awale, xchi. Yu'un hich la yal ta yo'tan: Ay me lamal q'uinal soc jun me co'tan te jayeb xan c'ahc'al cuxulone, xchi.

Jeremías 3:22

Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

Salmos 147:3

Ha ya slecubtes te mach'a pich'il yo'tan, soc ya spotsbe yehchen.

Eclesiastés 3:3

ay yorahil milaw, ay yorahil poxtayel; ay yorahil ta jinel, ay yorahil ta pasel;

Isaías 57:18

Quilojbe te behetic yu'unic, pero ya jlecubtes soc ya jtojobtes bahel; ya jmuc'ubtesbe q'uinal ya'iy soc te mach'atic ayic ta oq'uel yu'une.

Isaías 57:19

Ya ca'be yalic te yutsil c'oblalil ini: Lamaluc me q'uinal ta stojol te mach'a namal ay, lamaluc me q'uinal ta stojol te mach'a nopol ay, xchihic, soc ya jlecubteslan, xchi te Jehová.

Jeremías 29:11

Como ya jna' te bin jnopoj ta acuentahic, xchi te Jehová, ha jnopoj te lec ya xc'ohex, ma ha'uc te ya xc'ax awocolic, ya ca'beyex te bin yaquex ta smahliyele.

Miqueas 7:20

Stalel junuc me awo'tan ta stojol Jacob, soc ya me ac'uxultay te Abraham, hich te bin ut'il la awal ta jamal ta namey ta stojol te me'iltatiletic cu'uncotique.