Jeremías 33:4 - Bible in Tzeltal Bachajón

⁴ Como te Jehová, te Dios yu'un Israel, hich yalbeyej sc'oblal te nahetic ta pueblo ini soc te nahetic yu'un te ajwaliletic yu'un Judá te la yich'ic jinel yu'un ya scoltay sbahic a ta stojol te busambil mohel lum soc ta stojol te espada,

Bible in Tzeltal de Oxchuc y Tenejapa

^4-5 Jo'on Ajwalilon, te Dioson yu'un Israel, ay me jc'op ya cal yu'un te nanatic ta Jerusalén soc te nanatic yu'un muc' ajwaliletic ta Judá te ya yich'ic tijel coel. Te yacuc xloq'uex bael ta guerra soc puñal ta stojol te caldeoetic, te yacalic ta sbut'el moel te ts'ajc' ta swenta yac'bel guerra te lume, ja' nax me ya xtuun te ya xnoj ta nanatic yu'un te sbaq'uetalic te ya xlaje. Jo'on, te xiweltic sba quilimba, ya cac' ta lajel, melel la jq'uejix bael sit ta stojol te lum ta scaj te spasojic bayal te bila amene.

Jeremías 33:4 Referans Kwoze

Habacuc 1:10

Ya slabanic ajwaliletic soc ya stse'layic te príncipaletique; ya stse'layic te ahnibal ts'ahquetic, ya sbusanic lum ta spat, hich ya yochintayic a.

Ezequiel 4:2

Ac'a ta joytayel ta guerra, pasa a'tejibaletic yu'un guerra ta sjoyobal, busambeya smohibalul ta spat, pasa campamento ta sjoyobal, soc ac'a a'tejibaletic yu'un sjinel ts'ahc.

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

Ezequiel 21:22

Te jna'ojel la yac' ta na'el te swa'el-c'ab, ha te Jerusalén, yu'un ya yal mandar te ya me xhahch ya'be guerra, yu'un ya xhahch te miltamba, yu'un ya xtohy aw yu'un guerra, yu'un ya schahpan a'tejibaletic yu'un sjinel te ochibaletic, yu'un ya spas mohel but'bil lum soc smohibaletic te sts'ahcule.

Ezequiel 26:8

Ya me smilbat ta espada te tut pueblohetic awu'un te ayic ta aq'uinal; ya schahpan toyol mohibaletic yu'un guerra, ya sbusambat lum scuenta smohibal te ts'ahc awu'une; soc ya scontrahinat soc bayel mahquilaletic yu'un guerra.

Isaías 32:13

Ta sq'uinal te pueblo cu'un ya xcol ch'ixileltic soc pehtel ch'ixetic; soc ta spisil nahetic te yutsil q'uinal ya ya'iyic te ayic ta pueblo te yutsil q'uinal ya ya'iy.

Isaías 32:14

Como ya x'ihquitayot te sna ajwalil, jochol ya xhil te pueblo te bayel yajwal, te toyol ilo-q'uinaletic soc te joyob ts'ahquetic ya sutp'ijic ta ch'entiquil ta spisil ora, te banti jun yo'tan ya xnahinic te ha'mal burrohetic soc te ya sta swe'elic te chambahlametic,

Jeremías 6:6

Hich la yal te Jehová te scuentahinej spisil: Ts'etahic te'etic, busanahic mohel lum ta spat ts'ahc ta scontrahinel te Jerusalén. Te muc'ul pueblo ini ya sc'an ya x'a'bot castigo, como nojel ta uts'inel.

Lamentaciones 2:7

Te Cajwaltic la sp'aj te scajtajib ta chiq'uel mahtanil yu'un soc mayuc sc'oblal c'oht ta yo'tan te ch'ul awilal yu'une; la ya'be ta sc'ab scontra te spahc'ul te nahetic yu'un ajwalil; awonic ta sna Jehová hich te bin ut'il ta sc'ahc'alel q'uin.

Deuteronomio 20:20

Yan te te' ana'oj te ma xyac' sit, ya xhu' yac alajin ta ts'etel yu'un yac apas amahquilic ta sti'il te pueblo te ya ya'bat guerra, ha to c'alal ya x'och ta ac'ab.

Isaías 22:10

La awahtay te nahetic ta Jerusalén, la ajinticlan cohel nahetic yu'un ya yich' xan yip a te sts'ahque.