Jeremías 33:2 - Bible in Tzeltal Bachajón

² Hich yaloj te Jehová, te la spas te bahlumilal, te Jehová te la schahpan soc la ya'be yich' yip, ha Jehová te sbihile:

Bible in Tzeltal de Oxchuc y Tenejapa

² —Jo'on Ajwalilon te la jpas balumilal, la jchajban soc tulan la jwolan ta bay yawil, jo'on ya calbat:

Jeremías 33:2 Referans Kwoze

Isaías 37:26

¿Ma bal awa'iyejuc te nameyix hich la jchahpan? Nameyix chahpambil cu'un, ta ora yo'tic la jc'ohtes ta pasel. Ha te la ajinticlan pueblohetic te joybilic ta sts'ahc, te busul hilic ta jinel.

Éxodo 15:3

Te Jehová ha te mach'a ya yac' guerra; ha Jehová te sbihile.

Éxodo 6:3

Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

Apocalipsis 21:10

Hich ta scuenta te Espíritu la yic'on bahel ta muc'ul toyol wits, la ya'bon quil te muc'ul ch'ul pueblo Jerusalén te yac ta cohel tal ta ch'ulchan ta stojol Dios.

Isaías 62:7

soc ma me xawa'beyic scux yo'tan ha to c'alal ya scha'pas te Jerusalén soc ya yac' te ha ya xhalbot yutsil sc'oblal yu'un ta bahlumilal!

Isaías 43:21

Ha te pueblo te la jchicnajtes yu'un cu'un ya xc'ohtic, scuenta yu'un ya spuquic ta halel te yutsil jc'oblale.

Isaías 43:1

Pero yo'tic, hich ya yal te Jehová, te mach'a la schicnajtesat, Jacob, te mach'a la spasat, Israel: Ma xiwat, como ho'on la jcac'at ta libre; la jquic'at ta abihil, ha'at cu'unat.

Isaías 14:32

¿Bin ya sutbe te jal-c'opetic yu'un te nación? Ha te Jehová la shach te Sión, tey ya snac' sbahic a te mach'atic ay swocolique.

Salmos 102:16

como te Jehová ya me scha'pas xan te Sión, soc tey ya xchicnaj a te yutsilale.

Salmos 87:5

Hich ya xhalbot sc'oblal te Sión: Ha ini soc te yane ayinemic tey a, xchi sc'oblal. Ha nix te Mach'a toyol ay ya me ya'be yich' yip.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Hebreos 11:10

como te Abraham yac smahliybel te pueblo te ay tulan yich'o-ip, te la yich' nopel yu'un Dios bin yilel ya xc'oht soc te pasbil yu'une.

Amós 9:6

Ha la spas sna ta ch'ulchan soc la ya'be yich' yip te sjamalil ch'ulchan ta yahc'olal te lumquinale; ha ya yic' tal te ha'etic yu'un te mar, soc ya smal bahel ta sba te lumq'uinal: ha Jehová te sbihile.

Amós 5:8

Te mach'a la spas te Xana-ec' soc te Cruz-ec', te ya sc'atp'un ta sacal q'uinal te yihc'al q'uinal soc ya yac' ta ahc'abal te c'ahc'alele, te ya yic' tal te ya'lel te mar soc ya smal ta sba te lumq'uinal: ha Jehová te sbihile.

Jeremías 32:18

Yac ac'uxultay bayel ta mil, soc yac awa'be castigo te yal-snich'nabic yu'un te bintic chopol spasojic te me'iltatiletique. ¡Muc' Diosat soc bayel awu'el, ha Jehová te scuentahinej spisil, te abihile!

Jeremías 10:16

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Jeremías 16:21

Ha yu'un ya ca'be snopic, ya ca'be sna'ic te yu'el jc'ab, hich ya sna'ic a te ha Jehová te jbihile, xchi te Jehová.

Jeremías 51:19

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel ha te jchahp te ha yu'un c'oht, ha Jehová te scuentahinej spisil te sbihile.

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.