Jeremías 33:11 - Bible in Tzeltal Bachajón

¹¹ ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Bible in Tzeltal de Oxchuc y Tenejapa

¹¹ c'ayojetic yu'un q'uin, soc sbujts-o'tanil, soc te c'ayojetic yu'un nujbinel, soc ya me xchicnaj ta alel: “Albeyaic wocol te Cajwaltic te Spisil ya xju' yu'une, melel te Cajwaltic lec yo'tan stuquel, te xc'uxul yo'tan stalel ay sbajt'el q'uinal”, xiic me. Yu'un ya me yich'ic tel majt'anil ta templo yu'un yalel wocol. Melel ya cac'bey xan yutsilal in lumq'uinal to, swenta yu'un jich ya xcha'c'ot xan te bit'il ay ta xjajch'ibale. Jo'on Ajwalilon, jich ya cal —xi'.

Jeremías 33:11 Referans Kwoze

1 Crónicas 16:34

Halbeyahic wocol te Jehová, como lec yo'tan; como sbahtel q'uinal te sc'uxul yo'tan.

Salmos 107:22

Ac'a ya'beyic milbil mahtaniletic scuenta yalel wocol, soc bayeluc me yutsil yo'tanic ac'a yalbeyic yutsil ya'tel.

Salmos 107:1

Halbeyahic wocol te Jehová, como lec yo'tan, sbahtel q'uinal ay te sc'uxul yo'tane.

Salmos 106:1

¡Aleluya! ¡Halbeyahic wocol te Jehová, como lec yo'tan; como sbahtel q'uinal ay te sc'uxul yo'tan!

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

Isaías 51:11

Ya me suhtic tal te mach'atic ac'bilic ta libre yu'un Jehová; ya me x'ochic bahel ta Sión soc c'ayoj, soc ha corona ya xc'oht yu'unic te tse'el-o'tanil te stalel ay. Ya me stahic yutsil yo'tanic soc tse'elil yo'tanic, ya x'ahn loq'uel te bin c'ux soc te ahcane.

2 Crónicas 29:31

Patil hich la yal te ajwalil Ezequías: Yo'tic, ha'ex ach'ultesejix abahic ta stojol te Jehová; nohpojanic tal hiche, ac'ahic milbil mahtaniletic soc mahtaniletic scuenta yalel wocol, xchi. Hich te pueblo la yaq'uic milbil mahtaniletic soc mahtaniletic scuenta yalel wocol; soc spisil te mach'atic ay sc'anojel yo'tanic la yiq'uic tal scohtol chic'bil mahtaniletic.

2 Crónicas 5:13

Ta spisilic junax la yac' sbahic ta yoq'uesinel te cornetahetic soc ta c'ayoj ta yalbeyel yutsil sc'oblal soc ta yalel wocol ta stojol te Jehová. Yaquic ta yoq'uesinel te cornetahetic soc ta stijel te platillohetic soc te yantic a'tejibaletic yu'un música, hich la yalbeyic ta c'ayoj te Jehová: Lec yo'tan stuquel, como sbahtel q'uinal ay te sc'uxul yo'tan, xchihic. C'alal hich yac spasbelic a, noj ta tocal te sna Jehová.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

1 Crónicas 16:8

¡Halbeyahic yutsilal te Jehová, c'oponahic ta scuenta sbihil, ac'ahic ta na'el ta nacionetic te a'teliletic yu'une!

Zacarías 8:19

Hich yaloj te Jehová te scuentahinej spisil: Te scomel we'elil ta schanebal u, ta yo'ebal, shuquebal soc ta slajunebal u, ya xc'atp'uj ta tse'el-o'tanil soc yutsil-o'tanil, soc ta muc'ul q'uinetic yu'un te sna Judá. Ha yu'un c'uxuc ta awo'tanic te bin smelelil soc te lamal q'uinale.

Sofonías 3:14

¡C'ayojinan, yantsil-nich'anat Sión! ¡awonan yu'un yutsil q'uinal, Israel! ¡Tse'eluc awo'tan, spisil awo'tan ayuc yutsil q'uinal yac awa'iy, yantsil-nich'anat Jerusalén!

Jeremías 33:7

Ya cac' suhtuc tal te jchuqueletic yu'un Judá soc yu'un Israel, soc ya jcha'pas xan hich te bin ut'il ayic ta nahil to.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Isaías 52:9

¡Pajal hahchanic ta aw yu'un yutsil q'uinal, ha'ex te bintic jimbilex yu'un Jerusalén, como te Jehová la smuc'ubtesbe q'uinal ya'iy te pueblo yu'une, la yaq'uix ta libre te Jerusalén!

Salmos 116:17

Ya me ca'bat milbil mahtanil scuenta yalel wocol soc ya jc'opon te Jehová ta scuenta sbihil.

2 Crónicas 7:3

C'alal la yilic spisil te snich'nab Israel te co tal c'ahc' soc te yutsilal te Jehová ta stojol te Na, la spahcan sbahic c'alal ta lum, la yich'ic ta muc' te Jehová soc la yalbeyic wocol, hich la yalic: Ha lec yo'tan stuquel, soc te sc'uxul yo'tan sbahtel q'uinal ay, xchihic.

Zacarías 10:7

Te Efraín hich ya xc'oht te bin ut'il soldado, soc tse'el yo'tan hich te bin ut'il ta scuenta vino; te yal-snich'nab ya me yilic soc ha tse'el yo'tanic yu'un, tse'el yo'tanic ta scuenta Jehová.

Zacarías 9:17

¡Cax lec soc buen t'ujbil! Te trigo ya ya'be yutsil q'uinal ya'iyic te queremetic soc te vino ya ya'be yutsil q'uinal ya'iyic te ach'ixetique.

Jonás 2:9

Pero te ho'one, ta scuenta yalel wocol, ya ca'bat milbil mahtanil; ya jpas te bin caloj ta jamal ta atojol. ¡Yu'un Jehová te colele! xchi ta sc'oponel Dios.

Jeremías 33:26

hich ya sp'aj co'tan te sts'umbal Jacob soc David te a'bat cu'un, yu'un ma ba ya jtsa te sts'umbal David te ha ya scuentahin te sts'umbal Abraham, Isaac soc Jacob. Ya me cac' suhtuc te jchuqueletic yu'unic soc ya me jc'uxultay, xchi.

Jeremías 25:10

Ya cac' ch'ayuc bahel te sc'op tse'el-o'tanil soc yutsil-o'tanil, te sc'op mach'atic slecolinej sbahic, te sc'op molino soc te sc'ahc'al tsumbil c'ahc'.

Jeremías 16:9

Como hich yaloj te Jehová te scuentahinej spisil, te Dios yu'un Israel: Ya cac' te ya xquehchaj ta lugar ini, ta atojolic soc ta yorahil awu'unic, te sc'op tse'el-o'tanil soc yutsil q'uinal, soc te sc'op mach'atic slecolinej sbahique.

Nehemías 12:43

Ta hich ora la yaq'uic bayel milbil mahtaniletic, mero tse'el yo'tanic yu'un, como Dios ya'beyej bayel yutsil yo'tanic. Ha nix hich tse'el yo'tanic te antsetic soc te alaletic. Namal chican ta a'iyel xjuyetic ta Jerusalén.

Nehemías 8:12

Ha yu'un spisil te pueblo bahtic ta we'el uch'el soc ta sq'uebenel we'eliletic, mero tse'el yo'tanic, como c'oht ta yo'tanic te bin a'bot snopique.

Esdras 6:22

Huqueb c'ahc'al mero tse'el yo'tanic la spasic te Q'uin yu'un Pan te ma ba yich'oj levadura, como te Jehová la yac'ticlambe tse'el yo'tanic, soc la ya'beyix lecub yo'tan ta stojol te ajwalil yu'un Asiria yu'un ya scoltay ta a'tel ta scha'pasel te sna Dios, ha te Dios yu'un Israel.

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

2 Crónicas 20:21

Te c'alal laj sjoc'obel a te pueblo, la yac' mach'atic slapojic ch'ul c'u'uletic a ya sc'ayojtaybeyic yutsilal te Jehová c'alal yaquic ta bahel a te mach'atic chapajtic yu'un ya'tejib yu'un guerra, hich yac yalbelic: Halbeyahic wocol te Jehová, como sbahtel q'uinal te sc'uxul yo'tan, xchihic.

Isaías 35:10

Te mach'atic colemic ta libre yu'un te Jehová yaquic ta c'ayoj a ya suhtic tal ta Sión; spisil ora tse'el yo'tanic. Ay yutsil q'uinal ya ya'iyic soc tse'el-o'tanil, ya x'ahn bahel te mel-o'tan soc ahcan.

Jeremías 17:26

Ya xtalic ants-winiquetic ta pueblohetic yu'un Judá soc ta tut pueblohetic ta sjoyobal Jerusalén, ta sq'uinal Benjamín, ta Sefela, ta tut witsiltic soc ta Neguev, ya me yich'ic tal ta sna Jehová scohtol chic'bil mahtaniletic soc milbil mahtaniletic, mahtanil harina soc pom, soc te mahtanil yu'un yalel wocol.

Jeremías 30:19

Ya xloc' ta stojolic c'ayoj yu'un yalel wocol soc aw yu'un yutsil q'uinal. Ya cac' te ya xp'ohlic, ma ba ya xpehc'aj awahtalulic; ya cac'ticlan ta ich'el ta muc', ma ba ya xp'ajotic.

Jeremías 32:44

Ya me yich' manel q'uinal, ya yich' pasbeyel shunal, ya yich' sello soc ya yac' sfirmahic te testigohetic li' ta sq'uinal Benjamín, ta sjoyobal Jerusalén, ta pueblohetic ta Judá, ta witsiltic, ta tsehletic soc ta pueblohetic ta Neguev, yu'un ya cac' te ya suhtic tal te jchuqueletic yu'unique, xchi te Jehová, xchi te Jeremías.

Nahúm 1:7

Te Jehová lec yo'tan, ha tulan ahnibal ta yorahil wocol; ya scanantay te mach'atic ha smuc'ulinej yo'tanique.

Salmos 85:7

¡Jehová, ac'a quilcotic te sc'uxul awo'tan, a'botcotic te colel awu'une!

Salmos 147:13

como ya ya'be yip te sc'atal te'el te ochibaletic awu'unic, soc ya ya'be bendición te anich'nabic te ay ta awohlil.

Isaías 52:8

¡A'iya awa'iy! Ya stoy sc'opic te j'il-q'uinaletic awu'une; junax ya x'awonic yu'un yutsil q'uinal ya ya'iyic; como ya yilic ta sitic te ya suht tal ta Sión te Jehová.

Jeremías 29:14

Ya cac' jba ta tahel awu'unic, xchi te Jehová, soc ya cac' te ya suhtic talel te jchuqueletic awu'unic; ya jtsobex tal ta spisil te nacionetic soc ta banti la jpuquex bahel, xchi te Jehová. Ya cac' te ya suhtex tal ta banti loq'uex hahchele, xchi.

Jeremías 30:3

Como ya xtal sc'ahc'alel, xchi te Jehová, te ya cac' te ya suhtic tal te jchuqueletic yu'un te pueblo cu'un, ha te Israel soc te Judá. Ya quic'ticlan tal ta q'uinal te la jca'be te sme'static, ya me yu'untayic, xchi.

Amós 9:14

Ya quic' suhtel tal te pueblo Israel cu'un te bahemic ta chuquel; ha ya scha'pasic xan te pueblohetic te jihnemic soc tey ya xnahinic a; ya sts'unic ts'usubiletic soc ya me yuch'beyic te vino yu'une; ya sts'unic awal-ts'unubiletic soc ya me swe'beyic te site.