Jeremías 32:7 - Bible in Tzeltal Bachajón

⁷ Te Hanameel snich'an atajun Salum ya xtal yalbat: Mambon te jq'uinal te ay ta Anatot, como ay ta acuenta te bin ut'il amohlol-ats'ahquil, xchi.

Bible in Tzeltal de Oxchuc y Tenejapa

⁷ “Aiya awaiy, te Hanameel te snich'an atajun Salum, ya xtal yalbat te yacuc amanbey sq'uinal te ay ta Anatot. Jich yu'un, ay me ta awenta smanel, melel ma yanuc, pajal abiil soc”, la yuton.

Jeremías 32:7 Referans Kwoze

Jeremías 1:1

Ha sc'op Jeremías snich'an Hilcías, jtuhl sacerdote yu'un te sacerdotehetic ta Anatot te ay ta sq'uinal Benjamín.

Jeremías 11:21

Ha yu'un hich yaloj te Jehová sc'oblal te winiquetic yu'un Anatot te ya slehbat acuxlejal, te hich ya yalic: Ma me xawal sc'op-jalwanej ta scuenta sbihil Jehová, scuenta yu'un ma ba ya xchamat ta jc'abcotic, te xchihique.

Levítico 25:25

Teme ay ya xhil ta pobrehil jtuhl alumal, teme ay ya schon j'ohlil te sq'uinale, ya me xtal te smohlol sts'ahquil, ya sman suhtel te bin la schon te yermanohe.

1 Reyes 14:5

Pero halbot yu'un Jehová te Ahías: Ya xtal te yihnam Jeroboam ta sjoc'oyel te bin ya xc'oht ta stojol te yal te ay ta chamel. Ya calbat te bin yac awalbe. Te c'alal ya xtal, scuyoj sba ta yan ants, xchi.

Números 35:2

Halbeya te snich'nab Israel te ta banti te sq'uinalic te ya yich'ic ya me ya'beyic te levitahetic pueblohetic te banti ya xhu' ya xnahinic; soc ya me ya'beyic aquiltic te ay ta sjoyobal te pueblohetique.

Levítico 25:49

o te stajun, snich'an stajun o yan smohlol sts'ahquil ya xhu' ya sman yu'un ya xhil ta libre; o teme ay bin ya sta, ya xhu' ya scoltay sba a.

Levítico 25:34

Yan te aquiltic yu'un te pueblohetic yu'unic, ma xhu' ta chonel, como stalel yu'un stuquelic.

Levítico 25:23

Te q'uinal ma xhu' ta chonel ta jc'axel, como ho'on cu'un te q'uinale; te ha'exe jbehyom soc jyanlum c'ohemex ta jtojol.

Jeremías 32:6

Hich la yal te Jeremías: Tal ta jtojol te sc'op Jehová, hich la yalbon:

Jeremías 32:8

Hich te bin ut'il la yal te Jehová, tal ta jtojol ta yamaq'uil te cárcel te Hanameel snich'an jtajun, hich la yalbon: Mambon te jq'uinal te ay ta Anatot ta sq'uinal Benjamín, como ay ta acuenta smanel. Mana yu'un awu'un ya xc'oht, xchi. Hich la jna' te ha sc'op te Jehová;

Levítico 25:24

Ha yu'un, ta spisil te q'uinal awu'untayejic ya me awaq'uic te ya xhu' ya suht te q'uinale.