Jeremías 32:5 - Bible in Tzeltal Bachajón

⁵ soc ha ya x'ic'ot bahel yu'un ta Babilonia, tey ya x'ayin a ha to c'alal ya jna' xan. Teme yac awa'beyic guerra te caldeohetic, ma xhu' awu'un, te xhihate? xchi.

Bible in Tzeltal de Oxchuc y Tenejapa

⁵ Te Nabucodonosor ya yic' bael te Sedequías ta Babilonia, tey me ya x'ain a ja' to me te c'alal ya cat'elin xan sna'ele. Manchuc me ya atsac aba soc caldeoetic te ja'exe, ma ba lec ya xc'oex. Jo'on Ajwalilon, jich ya cal —xi'.

Jeremías 32:5 Referans Kwoze

Ezequiel 17:15

Pero te ajwalil la stoy sba ta stojol, la sticonlan bahel jal c'opetic ta Egipto yu'un ya x'a'bot cawuhetic soc bayel soldadohetic. ¿Lec bal ya xc'oht? ¿Ya bal xhu' ya scoltay sba te mach'a hich ya spase? Te mach'a la sjin te chapbil-c'op ¿ya bal xhu' ya xcol?

Jeremías 39:7

soc la sloq'uesbe sit te Sedequías, la schuc bahel ta cadena, la yic' bahel ta Babilonia.

Jeremías 33:5

(como teme ya xloq'uic bahel ta ya'beyel guerra te caldeohetic, ha nax ya xtuhun te nahetic te ya xnojic yu'un ta chamen baq'uet te ya cac'ticlan ta lajel ta scuenta quilimba, yu'un la jnac' jsit quelaw ta stojol te muc'ul pueblo ini),

Jeremías 27:22

Ya me x'ich'otic bahel ta Babilonia, tey ya xhilic a ha to c'alal ya sta yorahil te ya xtal quile, xchi te Jehová. Hich ya quich' suhtel tal soc ya jcha'ac'ticlan ta lugar ini, xchi.

Ezequiel 12:13

Pero ya jlim bahel jyac ta stojol, ya yich' tsaquel ta yaquil cu'un; ya quic' bahel ta Babilonia, ta sq'uinal te caldeohetic, pero ma ba ya yil te sq'uinalique; tey ya xcham a.

Jeremías 37:10

Aunque yac atsalic spisil te soldadohetic yu'un te caldeohetic te yac ta yaq'uel guerra ta atojolic, teme ha xanix ya xhilic te mach'atic ehchenajemic, ta jujutuhl ya me xhahchic tal ta snahilpaq'uic, ya me ya'beyic sc'ahc'al te pueblo ini, xchi.

Jeremías 2:37

Ha nix hich, atsacoj ajol a ya xloc'at tey a, como te Jehová la sp'ajticlan te mach'atic smuc'ulinejic awo'tane; ma ba lec ya xc'ohat ta scuentahic.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

2 Crónicas 24:20

Ha yu'un te Espíritu yu'un Dios hul ta stojol te Zacarías snich'an te sacerdote Joiada, la stehc'an sba ta banti toyol, hich la yalbe te pueblo: Hich ya yal te Diose: ¿Bin yu'un yac ac'axuntaybeyic te mandariletic yu'un Jehová? Ma ba lec ya xc'ohex yu'un, como te bin ut'il la awihquitayic te Jehová, ha nix hich ya yihquitayex, xchi.

2 Crónicas 13:12

Ilawil, ha jolal cu'uncotic te Diose, soc te sacerdotehetic yu'un ya yoq'uesinic te xulubiletic ta acontrahic. Snich'nabex Israel, ma me xawa'be guerra te Jehová te Dios yu'un te jme'jtatic, como ma ba ya xhu' awu'unic stsalel, xchi.

Números 14:41

Pero la sjac' te Moisés: ¿Bin yu'un yac ac'axuntaybeyic smandar te Jehová? Ha nix hich ma ba lec ya xloq'uex yu'un.

Jeremías 32:6

Hich la yal te Jeremías: Tal ta jtojol te sc'op Jehová, hich la yalbon:

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

Jeremías 39:5

Pero te soldadohetic yu'un te caldeohetic la snutsic bahel, la stahic te Sedequías ta spamlej yu'un Jericó. La stsaquic, la yiq'uic bahel ta Ribla ta sq'uinal Hamat ta stojol te Nabucodonosor ajwalil yu'un Babilonia, te la yal bin ya xpasbot.

Lamentaciones 1:14

Te muliletic cu'un la schucbon ta jnuc' hich te bin ut'il yugo, te Jehová ha nix ta sc'ab la schucbon ta jnuc', laj quip yu'un. ¡Te Cajwal yac'ojon ta sc'ab te mach'atic ma xhu' ya jcoltay jba ta stojolic!

Ezequiel 12:12

Te ajwalil te ay ta yohlilic ya me scajan sbiluc ta snehquel ta ahc'abal, ya xloc' bahel. Ya me shotic te ts'ahc te banti ya xloc' bahel, soc ya me smac sit yelaw scuenta yu'un ma ba ya yil a te q'uinale.

Jeremías 39:4

Te Sedequías ajwalil yu'un Judá soc spisil te soldadohetic, c'alal la yilic, loq'uic ta ahnel ta pueblo ta ahc'abal ta sbehlal te ts'umbil nichimetic yu'un te ajwalil, ta ochibal te ay ta ohlil yu'un te cheb ts'ahquetique, loq'uic bahel ta sbehlal te Arabá.