Jeremías 32:44 - Bible in Tzeltal Bachajón

⁴⁴ Ya me yich' manel q'uinal, ya yich' pasbeyel shunal, ya yich' sello soc ya yac' sfirmahic te testigohetic li' ta sq'uinal Benjamín, ta sjoyobal Jerusalén, ta pueblohetic ta Judá, ta witsiltic, ta tsehletic soc ta pueblohetic ta Neguev, yu'un ya cac' te ya suhtic tal te jchuqueletic yu'unique, xchi te Jehová, xchi te Jeremías.

Bible in Tzeltal de Oxchuc y Tenejapa

⁴⁴ Puersa me ya yich' manel, ya me yich' pasel contratoetic ta ts'ibuyel sc'oplal, ya me yich' maquel ta sello, soc ya me yac' sfirmaic te testigoetique. Tey me ya xc'ot ta pasel ta sq'uinal sts'umbal Benjamín, ta sjoylejal Jerusalén soc ta bay lumetic yu'un Judá, ta toyol witstiquil, ta peq'uel witstiquil, soc ta bay lumetic ta Néguev. Melel ya sta sc'aalelal te ya cac'bey xan te yutsilale. Jo'on Ajwalilon, jich ya cal —xi' te Cajwaltique.

Jeremías 32:44 Referans Kwoze

Jeremías 17:26

Ya xtalic ants-winiquetic ta pueblohetic yu'un Judá soc ta tut pueblohetic ta sjoyobal Jerusalén, ta sq'uinal Benjamín, ta Sefela, ta tut witsiltic soc ta Neguev, ya me yich'ic tal ta sna Jehová scohtol chic'bil mahtaniletic soc milbil mahtaniletic, mahtanil harina soc pom, soc te mahtanil yu'un yalel wocol.

Jeremías 33:26

hich ya sp'aj co'tan te sts'umbal Jacob soc David te a'bat cu'un, yu'un ma ba ya jtsa te sts'umbal David te ha ya scuentahin te sts'umbal Abraham, Isaac soc Jacob. Ya me cac' suhtuc te jchuqueletic yu'unic soc ya me jc'uxultay, xchi.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Jeremías 33:7

Ya cac' suhtuc tal te jchuqueletic yu'un Judá soc yu'un Israel, soc ya jcha'pas xan hich te bin ut'il ayic ta nahil to.

Jeremías 32:10

La jpasbe shunal, la jca'be sello, la jquic' tal testigohetic soc la jlicbe yalal te taq'uin ta balanza.

Jeremías 32:37

Ya me jtsobticlan tal ta spisil q'uinal banti la jpucticlan bahel ta scuenta quilimba soc smuc'ul c'ahc'al co'tan; ya cac' suhtuc tal ta lugar ini soc jun yo'tan ya x'ayinic tey a.

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.

Jeremías 13:19

Te pueblohetic ta Neguev la yich'ic maquel, mayuc mach'a ya xhu' ya sjam; spisil Judá ic'ot bahel, spisilic ic'otic bahel ta chuquel.

Jeremías 30:3

Como ya xtal sc'ahc'alel, xchi te Jehová, te ya cac' te ya suhtic tal te jchuqueletic yu'un te pueblo cu'un, ha te Israel soc te Judá. Ya quic'ticlan tal ta q'uinal te la jca'be te sme'static, ya me yu'untayic, xchi.

Jeremías 31:23

Hich yaloj te Jehová te scuentahinej spisil, te Dios yu'un Israel: C'alal ya cac' te ya suhtic tal te jchuqueletic, hich me ya yalic yan buelta ta sq'uinal Judá soc ta pueblohetic yu'un: Te Jehová ac'a ya'bat bendición, ha'at yawilat te bin stojil ta pasel, ha'at ch'ul witsat, xchihic.

Jeremías 33:13

Ta pueblohetic ta witsiltic, ta tsehletic, ta Neguev, ta sq'uinal Benjamín, ta sjoyobal Jerusalén soc ta pueblohetic yu'un Judá, ya me xcha'c'axic xan tuminchijetic ta ye'tal sc'ab te mach'a ya yahtaylan, xchi te Jehová.

Abdías 1:19

Te mach'atic ayic ta Neguev ya me yu'untayic te wits yu'un Esaú, soc te mach'atic ayic ta tsehletic ya me yu'untaybeyic sq'uinal te filisteohetique; soc ya me yu'untaybeyic te sq'uinal Efraín soc te sq'uinal Samaria. Te Benjamín ya me yu'untay Galaad.

Abdías 1:20

Te tsobol yu'un Israel te bahemic ta chuquel ya me yu'untaybeyic sq'uinal te cananeohetic c'alal ta Sarepta, soc te mach'atic yu'un Jerusalén te bahemic ta chuquel te ayic ta Sefarad ya me yu'untayic te pueblohetic yu'un te Neguev.

Sofonías 2:7

Ha yu'un ya xc'oht te mach'atic hilemic yu'un Judá, tey ya sta swe'elic a. Ya xwayic ta ahc'abal ta nahetic yu'un Ascalón, yu'un ya xna'botic yu'un te Jehová te Dios yu'unic, ha ya yac'ticlan tal te banti chuculique.

Zacarías 7:7

¿Ma bal ha'uc ini te c'opetic la yal te Jehová ta scuenta te nahil jalwanejetic, te c'alal ay mach'atic nahinemic ta Jerusalén soc te lamal q'uinal a, soc te ay mach'atic nahinemic a ta pueblohetic yu'un ta sjoyobal soc te Neguev soc te Sefela?

Jeremías 30:18

Hich yaloj te Jehová: Ilawil, ya cac' suhtuc tal te yutsil slequil te snahilpac' Jacob, soc ya me jna'be yo'bolil sba banti nahinemic; te pueblo ya yich' cha'pasel ta sba te banti jimbil, soc te sna ajwalil ya xc'oht ta mero yawile.