Jeremías 32:40 - Bible in Tzeltal Bachajón

⁴⁰ Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

Bible in Tzeltal de Oxchuc y Tenejapa

⁴⁰ Ya me jpas trato soc ta sbajt'el q'uinal: Ya me cal ta jamal te ma'yuc bi ora ya xquejch'aj ta pasel cu'un ta stojolic te bila leque, soc ya jnojesbey ta yo'tanic ta yich'belonic ta muc', soc te ma'yuc bi ora q'uejel ya yac' bael yo'tanic.

Jeremías 32:40 Referans Kwoze

Ezequiel 36:26

Ya ca'beyex yach'il awo'tanic, soc ya ca'beyex yach'il espíritu. Ya jloq'uesbeyex te o'tanil yu'un ton, ya ca'beyex o'tanil yu'un baq'uet.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Ezequiel 39:29

Ma ba ya jnaq'uix jsit quelaw ta stojolic, como ya jmal cohel te Espíritu cu'un ta stojol te sna Israel, xchi te Jehová, te Ajwalil.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Jeremías 50:5

Ya me sjoc'oyic bahel te sbehlal Sión, tey ya stojlinic bahel a, hich ya yalic: Conic, junax ya cac' jbahtic soc te Jehová ta scuenta chapbil-c'op te sbahtel q'uinal ay, te ma xch'ay ta o'tanil, xchihic me.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,

2 Samuel 23:4

hich ay te bin ut'il sacal q'uinal ta sab, hich te bin ut'il ya xloc' tal c'ahc'al ta sab c'alal mayuc tocal, hich te bin ut'il ya xcol te ha'mal ta lum c'alal ya xc'ax te ha'ale, xchi.

Hebreos 7:24

yan te Jesús te stalel ay, ma xyanij te sacerdotehil yu'une.

Hebreos 4:1

Ha yu'un, te bin ut'il cuxul to te bin yaloj ta jamal, te ya xhu' ya x'ochotic te banti ay te cux-o'tanil yu'une, ac'a jtsahtay jbahtic te ma me ayuc mach'a ma ba ya sta sc'ohel.

Isaías 61:8

Como ho'on, Jehovahon, c'ux ta co'tan te bin stojil ta pasel, ha ya quihlay te elec' soc te bin chopol ta pasele. Ha yu'un smelelil ya ca'be stojol sc'abic soc ya jchap c'op soc ta scuenta sbahtel q'uinal.

Isaías 24:5

Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.

Deuteronomio 31:6

Ac'a me fuersa soc ayuc me yip awo'tanic, ma me xiwex, ma me xnihc awo'tanic ta stojolic, como ha te Jehová te Dios awu'un te ya sjoquinat bahel; ma ba ya yihquitayat soc ma ba spihtesat, xchi te Moisés.

Deuteronomio 31:8

Te Jehová ya xnahilij bahel awu'un, ya sjoquinat, ma ba ya yihquitayat soc ma ba ya spihtesat; ma me xiwat soc ma me xpehc'aj awo'tan, xchi.

Jeremías 31:34

Mayuquix mach'a ya snohptes te spat-xuhc, mayuc mach'a ya ya'be snop te yermano, te hich ya yal: Na'beya sba te Jehová, te xchihe, como spisilic ya me sna'bonic jba, muc' biq'uit, xchi te Jehová. Como ya jpasbe perdón yu'un te schopolilic soc ma ba ya jna'beyix xan te smulique, xchi.

Ezequiel 37:26

Ya jpas chapbil-c'op scuenta lamal q'uinal ta stojolic; ha chapbil-c'op sbahtel q'uinal ta stojolic. Ya ca'be yich' yipic soc ya cac' te ya xp'ohlic, soc ya cac' ta yohlilic te ch'ul awilal cu'un sbahtel q'uinal.

Salmos 80:19

¡Jehová, Diosat te acuentahinej spisil, ac'a tihluc sts'anabul awelaw ta jtojolcotic, hich ya xcolotcotic a!

Ezequiel 36:27

Ya ca'beyex ta awo'tanic te espíritu cu'un, ya cac' te yac at'unic te chahpambil mandariletic cu'un, soc te yac ach'uhunic spasel te mandariletic cu'une.

Miqueas 4:5

Aunque spisil te pueblohetic ya xbehenic ta scuenta sbihilic te dios yu'unic, te ho'otic ya xbehenotic ta scuenta sbihil Jehová te Dios cu'untic sbahtel q'uinal.