Jeremías 32:25 - Bible in Tzeltal Bachajón

²⁵ ¡Ah, Cajwal Jehová! aunque ya x'ac'otix ta sc'ab caldeohetic te pueblo, ¿hich bal yac awalbon: Mana te q'uinal soc ayuc me testigohetic, xchihat bal? xchi ta sc'oponel Dios te Jeremías.

Bible in Tzeltal de Oxchuc y Tenejapa

²⁵ Ja'uc me to, Cajwal, ja'at la awalbon mandal te ya jman soc te ya jtoj te q'uinal ta stojol testigoetic, manchuc teme ya x'och ta sc'ab caldeoetic te lume —xoon ta sc'oponel te Cajwaltique.

Jeremías 32:25 Referans Kwoze

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

San Juan 13:7

La sjac' te Jesús: Te bin yac jpasbel ta ora ini, ma ba yac ana'be scuentahil, pero patil to ya me ana'be scuentahil, xchi sc'oblal.

Salmos 97:2

Ha joytaybil yu'un tocaletic soc yihc'al q'uinal; te bin toj ta pasel soc te stojil chahpanel ha yich'o-ip te smuc'ul-huctajibe.

Salmos 77:19

C'ax ta mar te be awu'un, te behetic awu'un c'axic ta yohlil te ha'etic; aunque ma ba chicnaj te awoque.

Jeremías 32:8

Hich te bin ut'il la yal te Jehová, tal ta jtojol ta yamaq'uil te cárcel te Hanameel snich'an jtajun, hich la yalbon: Mambon te jq'uinal te ay ta Anatot ta sq'uinal Benjamín, como ay ta acuenta smanel. Mana yu'un awu'un ya xc'oht, xchi. Hich la jna' te ha sc'op te Jehová;

Jeremías 32:26

Tal sc'op Jehová ta stojol Jeremías:

Jeremías 32:43

Ya me smanic q'uinal li'i te banti hich yac awalic: Ha jochol q'uinal, mayuc ants-winiquetic o chambahlametic, ac'bilix ta sc'ab te caldeohetic, te xchihexe.

Jeremías 24:10

Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Jeremías 32:15

Como hich yaloj te Jehová te scuentahinej spisil, te Dios yu'un Israel: Ya to yich'ic manel nahetic, q'uinaletic soc ts'usubiltic li' ta q'uinal ini, xchi te Jehová, xchihon.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.