Jeremías 32:23 - Bible in Tzeltal Bachajón

²³ Ha'ic ochic talel soc la yu'untayic, pero ma ba la sch'uhumbat ac'op soc ma ba la st'unic te Ley awu'une; mayuc bin la spasic te la awalbe ta mandar. Ha yu'un la aticombe tal ta stojolic spisil te bintic chopol ini.

Bible in Tzeltal de Oxchuc y Tenejapa

²³ Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Jeremías 32:23 Referans Kwoze

Esdras 9:7

C'alal ta yorahil te jme'jtatcotic ha to c'alal ora yo'tic bayel te jmulcotic. Ta scaj te jmulcotic, te ho'otcotic soc te ajwaliletic soc sacerdotehetic cu'uncotic ac'otcotic ta sc'ab te ajwaliletic ta yantic nacionetic, ac'otcotic ta lajel ta espada, ta chuquel, ta elc'anel soc ta q'uexlal, hich te bin ut'il ta ora ini.

Lamentaciones 1:18

Pero te Jehová toj yo'tan stuquel, como la jtoy jba ta stojol te sc'ope. A'iya awa'iy apisilic, pueblohetic, ilawilic te jwocole: Te queremetic soc te ach'ixetic cu'un, ic'otic bahel ta chuquel.

Santiago 2:10

Como te mach'a ya scanantay spisil te Ley, pero teme ya sc'axuntay jp'ahluc, stahojix smul ta stojol spisil te Ley abi.

Gálatas 3:10

Spisil te mach'atic te ayic ta scuenta spasel bin ya yal te Ley, ayic ta scuenta chopol c'oblalil, como hich ts'ihbabil: Chopol sc'oblalic spisil mach'atic ma ba ya spasic spisil bintic ts'ihbabil ta libro yu'un te Ley, xchi.

San Juan 15:14

Jun me co'tan jbahtic teme yac apasic te bin ya calbeyexe.

San Lucas 17:10

Ha nix hich te ha'exe, teme la apasic spisil te bin halbotex, hich me yac awalic: Ma xtuhunotcotic ta a'batinel, ha nax la jpascotic te bin ay ta jcuentacotic spasel, chihanic me, xchi te Jesús.

Ezequiel 20:21

Pero te yal-snich'nabic la stoy sbahic ta jtojol; ma ba la st'unic te chahpambil mandariletic cu'un soc ma ba la sch'uhunic spasel te halbil mandariletic cu'un te ha ta scuentahic ya xcuxajic te mach'atic ya sch'uhunique; soc la sbohlobtesbe sc'oblal te sc'ahc'alel cux-o'tan. Ha yu'un la jnop ta co'tan te ya jmal cohel ta stojolic te quilimba, scuenta yu'un hich ya xlahmaj a te sc'ahc'al co'tan ta jochol taquin q'uinal.

Ezequiel 20:18

Hich la jcalbe te yal-snich'nabic ta jochol taquin q'uinal: Ma me xat'unic te halbil mandariletic yu'un te ame'atatic, ma me xach'uhunic spasel te leyetic yu'unic, soc ma me xabohlobtes abahic ta scuenta te loc'ombahetic yu'unique.

Ezequiel 20:8

Pero la stoy sbahic ta jtojol, ma ba la sc'an la ya'iybonic jc'op; ma ba la sch'ojic bahel te bintic ilobtic sba te ayic ta stojolic soc ma ba la yihquitayic hilel te loc'ombahetic yu'un Egipto. Ha yu'un la jcal te ya jmal cohel quilimba ta stojolic, hich ya sts'acay te sc'ahc'al co'tan ta stojolic ta sq'uinal Egipto.

Lamentaciones 1:8

Jerusalén bayel stahoj smul, ha scuentahil te bohlob sc'oblal; spisil te mach'atic la yich'ic ta muc' ya sp'ajiquix, como watal la yilic; ya x'ahcanaj, ya sut bahel sit ta spat.

Nehemías 9:15

La awac'ticlambe pan yu'un ch'ulchan scuenta slahmajtesbeyel swi'nalic, te c'alal taquin yo'tanic a la aloq'uesbe ha' yuch'ic ta muc'ul ton. La awalbe te ya me x'och yu'untayic te q'uinal te la atoy ac'ab soc la awal ta jamal te yac awa'be.

Josué 23:16

teme yac ac'axuntaybe te chapbil-c'op yu'un Jehová te Dios awu'unic te la spasex ta mandar, teme yac awich'ic ta muc' yantic diosetic soc teme yac aquejan abahic ta stojolique. Hich me ya xtihl te yilimba Jehová ta atojolic soc ora ya xch'ayex ta lequil q'uinal ini te la ya'beyexe, xchi te Josué.

Salmos 78:10

Ma ba la yich'ic ta cuenta te chapbil-c'op yu'un Dios soc ma ba la sc'an la st'unic te Ley yu'une.

Jeremías 2:7

Ho'on la jquiq'uex tal ta lequil q'uinal scuenta yu'un yac awe'beyic sit te awal ts'unubic soc te bintic lec tey a. Pero tal abohlobtesbonic sc'oblal te q'uinal cu'un soc la awaq'uic te ilobtic sba c'oht te bin quich'oje.

Jeremías 26:4

Hich yac awalbe: Hich yaloj te Jehová: Teme ma ba yac awich'bonic ta cuenta soc ma ba yac at'unic te Ley cu'un te la jca'beyexe,

Jeremías 44:10

C'alal ora yo'tic ma ba pehc'ajem yo'tanic soc ma ba xi'ojic; ma ba st'unojic te Ley cu'un o te mandariletic te la jca'beyex ta atojolic soc ta stojol te ame'atatique.

Josué 21:43

Te Jehová hich la ya'be Israel spisil te q'uinal te yaloj ta jamal te ya ya'be te sme'statique. La yu'untayic soc nahinic tey a.

Jeremías 7:26

Pero ma ba la ya'iybonic jc'op, ma ba la yac' schiquinic, la stulanijtes yo'tanic, c'ax hich chopol c'ohtic a te bin ut'il te sme'statique.