Jeremías 32:22 - Bible in Tzeltal Bachajón

²² La awa'be yich'ic te q'uinal ini te la awal ta jamal te sme'static te yac awa'be, ha te q'uinal te banti ya x'oquin leche soc chab.

Bible in Tzeltal de Oxchuc y Tenejapa

²² La awac'bey israeletic in lumq'uinal to, te bay ya x'oquin leche soc chab c'oeme, jich nix bit'il awalojbey sc'oplal te antiguo sme'-statique.

Jeremías 32:22 Referans Kwoze

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Jeremías 11:5

Hich ya jc'ohtes ta pasel te bin la jcalbe ta jamal te ame'atatic te ya ca'be te q'uinal te banti ya x'oquin leche soc chab, hich te bin ut'il ta ora ini, xchihon. La jac': Hichuc, Jehová, xchihon.

Deuteronomio 1:8

Ilawil, la jca'beyex te q'uinale; ochanic, u'untayahic te q'uinal te jc'axel la yal ta jamal te Jehová te ya ya'be te ame'atatic, ha te Abraham, Isaac soc Jacob, soc te patil al-nich'anetic yu'unique, xchi.

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Ezequiel 20:15

Ha nix hich la jach jc'ab ta jochol taquin q'uinal, la jcalbe ta jamal te ma ba ya cac'ticlan ochel ta q'uinal te ca'beyejic, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Ezequiel 20:6

Te bin ora la jach jc'ab, te la jcal jba ta jamal te ya quic'ticlan loq'uel tal ta sq'uinal Egipto yu'un ya xbahtic ta q'uinal te tsahbil cu'un, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Nehemías 9:15

La awac'ticlambe pan yu'un ch'ulchan scuenta slahmajtesbeyel swi'nalic, te c'alal taquin yo'tanic a la aloq'uesbe ha' yuch'ic ta muc'ul ton. La awalbe te ya me x'och yu'untayic te q'uinal te la atoy ac'ab soc la awal ta jamal te yac awa'be.

Josué 21:43

Te Jehová hich la ya'be Israel spisil te q'uinal te yaloj ta jamal te ya ya'be te sme'statique. La yu'untayic soc nahinic tey a.

Josué 1:6

Ac'a me fuersa soc ayuc me yip awo'tan, yu'un ha'at yac awa'be yich'ic te q'uinal te pueblo ini te la jcalbe ta jamal te sme'static te ya ca'beye.

Deuteronomio 8:1

Tsahtaybiluc me awu'unic ta spasel spisil te mandariletic yacon ta yalel ta atojolic ta ora ini, scuenta yu'un hich ya xcuxajex, ya xp'ohlex soc ya x'och awu'untayic a te q'uinal te jc'axel la yal ta jamal te Jehová te ya ya'be te ame'atatique.

Deuteronomio 7:13

C'ux me ya ya'iyat ta yo'tan, ya ya'bat bendición, ya yac' ya xp'ohlat, soc ya ya'be bendición te alal yac awalatay soc te sit ats'unub awawal, te trigo, vino soc te aceite awu'un, te yalatac awacax soc yalatac atuminchij soc atentsun. Hich ya spasbat ta q'uinal te jc'axel la yalbe ta jamal te ame'atatic te ya ya'bate.

Deuteronomio 6:23

La sloq'uesotic tal tey a yu'un ya ya'botic te q'uinal te jc'axel la yalbe ta jamal te jme'jtatic te ya ya'beyique.

Deuteronomio 6:18

Ha me xapas te bin toj soc te bin lec ta stojol te Jehová, scuenta yu'un hich lec ya xc'ohat soc hich ya x'och awu'untay a te lequil q'uinal te Jehová la yalbe ta jamal te ya ya'be te ame'atatique;

Deuteronomio 6:10

Te c'alal la yac'atix ochel te Jehová te Dios awu'un tey ta q'uinal te jc'axel la yalbe ta jamal te atatic Abraham, Isaac soc Jacob te ya ya'bat, te la yac'atix ochel ta buen t'ujbil muc'ul pueblohetic te ma ha'ucat la apas,

Deuteronomio 1:35

Ni jtuhluc winic yu'un ha'i chopol jcaj ts'umbalil ini ya xc'oht yil te lequil q'uinal te jc'axel la jcal ta jamal te ya ca'be te ame'atatique;

Números 14:30

Ta smelelil mayuc jtuhluc ya x'ochex ta q'uinal te la jtoy jc'ab ta yalel ta jamal te tey ya cac' ya xnahinex a, ha nax te Caleb snich'an Jefone, soc te Josué snich'an Nun.

Números 14:16

Te bin ut'il ma ba hu' yu'un Jehová te ya yotses bahel ta q'uinal te jc'axel yalojix ta jamal te ya ya'be, hich la smilticlan hilel ta jochol taquin q'uinal, xchihic me yu'un.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

Génesis 24:7

Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 13:15

Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.