Jeremías 32:19 - Bible in Tzeltal Bachajón

¹⁹ C'ax muc' te bintic anopoj ta awo'tan soc c'ax t'ujbil te a'teliletic awu'une. Yac awil spisil te bintic ya spasic te ants-winiquetic, yac awa'be stoj ta jujutuhl chican bin yilel te stalelic soc te sit te ya'telique.

Bible in Tzeltal de Oxchuc y Tenejapa

¹⁹ Te ja'ate c'ax muc'at yu'un te bila achapoje soc bayal awu'el ta spasel te at'eliletic awu'une. Te ja'ate ya awil spisil te bitic ya spasic te ants-winiquetique, soc ya awac'bey stojic juju-jtul te yat'elic te bit'il ya sc'ane.

Jeremías 32:19 Referans Kwoze

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

Isaías 28:29

Ha nix ini te loq'uem tal ta stojol Jehová te scuentahinej spisil, bayel yutsil te bin snopoj, c'ax lec te sp'ijil yo'tan.

Salmos 62:12

soc ha'at awu'un, Cajwal, te c'uxultaywanej. Ta jujutuhl yac awa'be stojol sc'abic, ha chican bin yilel te ya'telique. Salmo yu'un David te c'alal ay ta jochol taquin q'uinal yu'un Judá.

Apocalipsis 22:12

Hich la yal te Jesús: ¡Nopol ya xtalon! Soc quich'oj ya xtal te stojol sc'abic, ya ca'be stojol ta jtuhlutuhl ha chican bin spasoj.

Jeremías 16:17

Como yac quilbel spisil te ya'telic, ma ba mucul ta jtojol, ma ba nac'bil ta jsit te smulique.

Job 34:21

Como Dios ya yil te behetic yu'un te ants-winic, ya yil te jujujihm te yoque.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

San Juan 5:29

soc ya me xloq'uic talel; te mach'atic lec bin la spasic ya me xcha'cuxajic yu'un ya yich' scuxlejalic, yan te mach'atic chopol bin la spasic, ya xcha'cuxajic yu'un ya stoj smulic.

Jeremías 23:24

¿Ay bal mach'a ya xhu' ya snac' sba te banti ma xhu' ya quil? xchi te Jehová. ¿Ma bal nojeluc cu'un te ch'ulchan soc te bahlumilal? xchi te Jehová.

Isaías 40:13

¿Mach'a sna'oj te bin snopoj te Jehová, o te la ya'be snop?

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Proverbios 5:21

Te behetic yu'un te ants-winic ay ta sit te Jehová, ha ya stsahtay yil spisil te behetic yu'un.

Efesios 1:11

Ta scuenta Cristo ha nix hichotcotic la yac' te ya x'ac'ot quich'cotic bintic ay yu'un Dios, te bin ut'il namey tsahbilotcotic yu'un te mach'a ya yac' c'ohtuc ta pasel spisil bin ya sc'an yo'tan stuquel,

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Eclesiastés 12:14

Como Dios ya sc'ambe cuenta yu'un spisil a'tel, soc ha nix hich spisil bintic muquen pasbil, teme lec o teme ma lecuque.

Salmos 34:15

Te sit Jehová ay ta stojol te mach'atic toj yo'tanic, ts'ehel schiquin ta ya'iybeyel yawic.

2 Crónicas 16:9

Como te sit Jehová ya yil spisil te q'uinal, yu'un ya ya'be yip te mach'atic jun yo'tanic ta stojol. Sjel ta shoquem ajol te bin la apasix; ha yu'un yo'tic soc li' bahel ay me guerra ta atojol, xchi.

1 Reyes 8:32

a'iybeya awa'iy c'alal ta ch'ulchan, pasa te bin ya sc'an pasele. Chahpana te a'batetic awu'un, a'beya stoj smul te mach'a ay smul, ac'a c'ohtuc ta stojol te castigo yu'un te bin spasoj, soc ya me awal te mayuc smul te mach'a toj soc a'beya stojol ha chican bin yilel te ya'tele.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Job 34:11

Ha ya ya'be stoj te winic ha chican te ya'tele, ya ya'be ta scuenta ha chican te bin spasoje.

Proverbios 8:14

Sjoquinejon te j'ac'-o'tanil soc stojil chahpanel; ho'on cu'un te bin ay ta na'el soc te yip ta pasele.

Jeremías 21:14

Ho'on ya ca'beyex castigo, hich te bin ut'il ya sc'an te sit te awa'telique, xchi te Jehová. Ya ca'be sc'ahc'al te tohyem te'etic awu'unic te ya schic' spisil ta sjoyobal, xchi.

Daniel 2:45

hich te bin ut'il la awil te t'ohch talel ton ta wits, te mayuc mach'a t'ohchot yu'un, te la swuyticlan te hierro, bronce, chic'bil lum, plata soc te oro. Te muc'ul Dios la ya'be yil te ajwalil te bin ya xc'oht ta pasel ta patil. Smelelil te wayichil soc smelelil te sc'oblale, xchi.

Salmos 92:6

Te mach'a ma sna' q'uinal ma sna'be scuentahil, te sonso ma xc'oht ta yo'tan ini:

Salmos 111:2

Muq'uic te a'teliletic yu'un Jehová, tsahtaybilic yu'un spisil mach'atic ya smulanic.

Isaías 59:18

Ha chican bintic spasojic, hich ya ya'be stojic: ha ya yilintay te scontratac, soc ya ya'be spacol te mach'atic ya xcontrahinot yu'unic, ¡Ya me ya'be stoj te mach'atic nahinemic ta ti'ti'mar!

Jeremías 25:14

Ha nix hich ya x'ochic ta mosohil yu'un bayel nacionetic soc muc'ul ajwaliletic; ya ca'be stojolic ha chican bin spasojic soc te ya'tel te sc'abique, xchi.

Zacarías 9:1

Ha ini te sc'op Jehová ta stojol te q'uinal yu'un Hadrac soc ta stojol Damasco: Spisil te ants-winiquetic soc spisil te jchahp sts'umbal Israel ya sc'an ya yac' sitic ta stojol Jehová.