Jeremías 32:15 - Bible in Tzeltal Bachajón

¹⁵ Como hich yaloj te Jehová te scuentahinej spisil, te Dios yu'un Israel: Ya to yich'ic manel nahetic, q'uinaletic soc ts'usubiltic li' ta q'uinal ini, xchi te Jehová, xchihon.

Bible in Tzeltal de Oxchuc y Tenejapa

¹⁵ Melel te Cajwaltic te Spisil ya xju' yu'une, te Dios yu'un Israel, la yal: Ta bay in q'uinal to, ya to me yich' manel naetic tey a, soc q'uinaletic soc ts'usubiltic”, xi' te Cajwaltique —la cut.

Jeremías 32:15 Referans Kwoze

Zacarías 3:10

Ta hich ora, xchi te Jehová te scuentahinej spisil, talel c'axel yac awic' abahic ta huclej ta ye'tal ats'usubilic soc ta ye'tal higuerahetic awu'unic, xchi.

Jeremías 30:18

Hich yaloj te Jehová: Ilawil, ya cac' suhtuc tal te yutsil slequil te snahilpac' Jacob, soc ya me jna'be yo'bolil sba banti nahinemic; te pueblo ya yich' cha'pasel ta sba te banti jimbil, soc te sna ajwalil ya xc'oht ta mero yawile.

Jeremías 32:37

Ya me jtsobticlan tal ta spisil q'uinal banti la jpucticlan bahel ta scuenta quilimba soc smuc'ul c'ahc'al co'tan; ya cac' suhtuc tal ta lugar ini soc jun yo'tan ya x'ayinic tey a.

Jeremías 31:24

Te Judá soc spisil te pueblohetic yu'un pajal ya xnahinic tey a, te j'a'teletic ta q'uinal soc te mach'atic ya xbahtic soc te tsohbotsohb tuminchijetique.

Jeremías 31:12

Ya me xtalic soc aw yu'un tse'el-o'tanil ta sba wits Sión, ya me smulambe yutsil slequil te Jehová: ha te trigo, vino soc aceite, te yalatac te tuminchijetic soc te wacaxetique. Hich ya xc'oht scuxlejalic te bin ut'il awal-ts'unubil te ay ya'lel, mayuquix bin ora ya xlaj yipic.

Jeremías 31:5

Ya me ats'un xan ts'usubiltic ta witsiltic yu'un Samaria; te mach'atic ya xts'umbajic ya me smulambeyic te site.

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.

Jeremías 32:14

Hich yaloj te Jehová te scuentahinej spisil, te Dios yu'un Israel: Ich'a te shunal ta chonel, ha te yich'oj sello soc te ma ba yich'oj sello, xoja ochel ta oxom scuenta yu'un ya xhalaj bayel c'ahc'al.

Ezequiel 28:26

Jun yo'tanic ya xnahinic tey a, ya me spas snahic soc ya me sts'un sts'usubilic. Jun yo'tan ya xnahinic tey a, te c'alal ya ca'be castigo spisil te mach'atic ayic ta sjoyobal te pojbot sbiliquic yu'unique. Ya me sna'ic te ho'on Jehovahon te Dios yu'unic, xchi te Jehová.

Jeremías 32:25

¡Ah, Cajwal Jehová! aunque ya x'ac'otix ta sc'ab caldeohetic te pueblo, ¿hich bal yac awalbon: Mana te q'uinal soc ayuc me testigohetic, xchihat bal? xchi ta sc'oponel Dios te Jeremías.