Jeremías 30:6 - Bible in Tzeltal Bachajón

⁶ Joc'oya awa'iyic soc ilawilic, teme ay winic te ya x'alaje. ¿Bin yu'un te ya quil spisil te winiquetic te hich stsacojic sch'uhtic te bin ut'il ants te ya x'ayinix yal, te ch'ayem sch'ich'el spisil sit yelawic?

Bible in Tzeltal de Oxchuc y Tenejapa

⁶ Jojc'oya awaiyic, teme ay jtuluc winic te ya stac' ya x'alaje. ¿Bistuquix a te winiquetic ya sut sbaic ya quile, jich c'oemic yilel te ya yaiybeyic xc'uxul jichuc alajel? ¿Bistuquix a te sacuben yelaw c'ot spisilic?

Jeremías 30:6 Referans Kwoze

Nahúm 2:10

Jochol, jimbil, mayuquix bintic ay tey a, lajix yip yo'tanic, ya xnihc te sjol yacanic, c'ux sch'uhtic soc sacuben sit yelawic.

Joel 2:6

Te pueblohetic ya xiwic ta stojolic, ya sacub spisil sit yelawic.

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Isaías 21:3

Ha yu'un te bayel sc'uxul te jbaq'uetal, la stsacon te swocol te sc'uxul, hich te bin ut'il swocol te ya x'ayin yal te antse. Te mel-o'tan ma xya'bon ca'iy c'op, noj te co'tan ta xiwel te c'alal la jquile.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Oseas 13:13

Ya xtal sc'uxul ta stojol hich te bin ut'il ants te ya x'ayin yal, pero ha jtuhl nich'anil te mayuc sp'ijil, como ta yorahil ma ba la yac' sba yu'un ya x'ayin.

Jeremías 22:23

Ha'at te nahinemat ta Líbano, te apasoj apechech ta cedrohetic, ya me x'ahcanajat te c'alal ya xtal te sc'uxule, ha te sc'uxul hich te bin ut'il ants ya x'alaj.

Jeremías 6:24

La jca'iybetiquix sc'oblal, mayuc yip te jc'abtique. La yu'untayotic pich'il-o'tanil, hich te bin ut'il sc'uxul ya ya'iy te ants ya x'alaj.

Salmos 48:6

Tsacotic ta xiwel tey a, soc hich sc'uxul te bin ut'il ya x'ayin yal ants,

Daniel 5:6

Sacalub yu'un soc och xiwel ta yo'tan, laj yip yacan soc la stahticlan sba sjol yacan yu'un.

Jeremías 50:43

Te ajwalil yu'un Babilonia la ya'iybe sc'oblal, laj yip sc'ab yu'un, u'untayot yu'un tulan mel-o'tan soc sc'uxul hich te bin ut'il ants te ya x'alaj.

Jeremías 49:24

Laj yip te Damasco, ya xbaht ta ahnel, tsacot yu'un xiwel soc wocol, tsacot yu'un sc'uxul, hich te bin ut'il ants ya x'alaj.

Isaías 29:22

Ha yu'un te Jehová te la scoltay loq'uel te Abraham, hich ya yalbe te sna Jacob: Ma ba ya stahix q'uexlal te Jacob, ma ba ya xch'ay sch'ich'el yelaw.

Jeremías 13:21

¿Bin yac awal yu'un te c'alal Jehová ya yac' scuentahinat te mach'atic la anohptes te ha awamigo ya xc'ohtic? ¿Ma bal yacuc ya'beyex sc'uxul, hich te bin ut'il ants te ya x'ayin yale?

Jeremías 48:41

Ya yich'ic ochintayel te pueblohetic, soc tsalbilic te toyol ts'ahquetic. Ta hich ora hich ya xc'oht te yo'tanic te soldadohetic yu'un Moab te bin ut'il te yo'tan ants te ya x'alaje.

Jeremías 49:22

Ya me xwihl bahel hich te bin ut'il jxic, ya sjam te xic' ta stojol Bosra. Ta hich ora, te yo'tan te mach'atic ay yipic yu'un Edom hich ya xc'oht te bin ut'il te yo'tan ants te ya x'alaj, xchi.