Jeremías 30:21 - Bible in Tzeltal Bachajón

²¹ Ya xloc' ta yohlilic te príncipal yu'unic, tey nix ya xloc' tal ta yohlilic a te ajwalil yu'unique. Ya cac' te ya xnohpoj tal ta jtojol, hich ya xtal ta jtojol, como ¿mach'a ya c'an nohpojuc tal ta jtojol ta stuquel nax? xchi te Jehová.

Bible in Tzeltal de Oxchuc y Tenejapa

^21-22 Ya xloc' ta yolilic te jtsobwanej yu'unique; tey nix ya xloc' ta yolilic jtul ajwalil. Ya me cac' te ya xnoptsaj ta jtojol; ¿ay bal mach'a ya xju' xnoptsaj bael ta jtojol? Ja'ic me te lum cu'une, soc jo'on me Dioson yu'unic. Jo'on Ajwalilon, jich ya cal —xi' te Cajwaltique.

Jeremías 30:21 Referans Kwoze

Números 16:5

La yalbe te Coré soc spisil te mach'a sjoquinejic: Pajel te Jehová ya me yac' ta ilel mach'a a te ha yu'un soc te ch'ultesbil, ha ya yac' te ya xnohpoj tal ta stojol. Te mach'a tsahbil yu'un, ha ya yac' ya xnohpoj tal ta stojol.

Ezequiel 37:24

Ha ajwalil yu'unic ya xc'oht te ca'bat David, jtuhl nax jcanan ay yu'unic spisilic. Ya st'unic te mandariletic cu'un soc ya sch'uhunic spasel te chapbil mandariletic cu'une.

Hechos 5:31

Dios la yaq'uix ta ich'el ta muc' ta swa'el-c'ab scuenta Jtsobaw soc Jcoltaywanej, scuenta yu'un ya ya'be suhtes yo'tan te Israel soc yu'un ya spasbe perdón yu'un smulic.

1 Juan 2:2

Ha te milbil mahtanil yu'un stojel jmultic; ma ho'ucotic nax jmultic, ha la stojbe smul spisil te ants-winiquetic ayic ta bahlumilal.

Jeremías 30:9

Ya me yac' sbahic ta a'batinel yu'un Jehová, te Dios yu'unic, soc ta stojol David te ajwalil yu'unic, te ya jchicnajtesbe.

2 Samuel 7:13

Ha ya spasbon na yu'un te jbihile, soc ho'on ya ca'be yich' yip sbahtel q'uinal te shuctajib te ban c'alal scuentahinej.

Deuteronomio 33:5

Ay ajwalil ta Jesurún te c'alal la stsob sbahic te jtsobawetic yu'un te pueblo, soc spisil te jchahp yu'un Israel.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.

San Mateo 27:37

La ya'beyic ta yahc'olal sjol te ts'ihbabil te bin smulinej: HA JESÚS INI, TE AJWALIL YU'UN JUDÍOHETIC, xchi.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

San Mateo 2:2

hich hul yalic: ¿Banti ay te ajwalil yu'un te judíohetic te ayinemixe? Como te ec' yu'un la jquilcotic ta banti ya xloc' tal c'ahc'al, ha yu'un talemotcotic ta sch'uhuntayel, xchihic.

Jeremías 50:44

Hich te bin ut'il ya xloc' tal choj ta pimil q'uinal yu'un Jordán soc ya xbaht ta yaxal c'unil ha'maletic, ora nax ya cac' ahnuc loq'uel tey a te Edom, soc ya cac' tey a te mach'a tsahbil cu'une, como ¿mach'a pajalon soc? ¿Mach'a ya xhu' ya stsalon? ¿Mach'a jcanan-tuminchij te ya xhu' ya scontrahinon?

Jeremías 49:19

Hich te bin ut'il ya xloc' tal choj ta pimil q'uinal yu'un Jordán soc ya xbaht ta yaxal c'unil ha'maletic, ora nax ya cac' ahnuc loq'uel tey a te Edom, soc ya cac' tey a te mach'a tsahbil cu'un, como ¿mach'a pajalon soc? ¿Mach'a ya xhu' ya stsalon? ¿Mach'a jcanan-tuminchij te ya xhu' ya scontrahinon?

Génesis 18:27

La sjac' xan te Abraham: Hahchemonix ta c'op soc te Cajwal, aunque ts'ubilumon soc tanon.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Romanos 8:34

¿Mach'a c'an ya'be stoj smul? ha nix te Cristo te laj, soc xan ha cha'cuxaj, soc ayix ta swa'el-c'ab te Dios, te ha nix ya xc'opoj cu'untic.

San Lucas 24:26

¿Ma bal hichuc la sc'an te ya xc'ax swocol te Cristo, soc patil ya x'och ta utsilal yu'un?

Jeremías 33:15

Ta hich sc'ahc'alel soc ta hich ora ya cac' puhlinuc ta stojol David te Spuhl te toj yo'tan, te stojil ya schahpanwan soc toj bin ya spas ta q'uinal.

Isaías 63:1

¿Mach'a a ini te yac ta talel ta Edom, ta Bosra, te slapoj tsajal cu'ul? ¿Mach'a a ini te buen t'ujbil sc'u' slapoj, te yac ta behel soc smuc'ul yip? Ho'on me, te toj ya xc'opojon, te ay cu'el ta coltaywanej.

Salmos 89:29

Ya cac' te spisil ora ay sts'umbal, soc te hich ya xhalaj te shuctajib te bin ut'il ya xhalaj te ch'ulchane.

Nehemías 7:2

La jca'be scuentahin Jerusalén te quermano Hanani, soc te Hananías te jtsobaw yu'un te ahnibal ts'ahc (como ha winic te jun yo'tan soc yich'oj ta muc' te Diose, c'ax hich a te bin ut'il yantic),

Esdras 2:2

Te mach'atic talic soc te Zorobabel: ha te Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana. Hich ay te jaytuhl winiquetic yu'un te pueblo Israel:

Génesis 18:32

La yalbe xan: Ma me x'ilinat, Cajwal, teme ya jc'oponat jun xan buelta: ¿Ha xan teme ay lajuntuhl (10) tey a? xchi. Halbot yu'un: Ma ba ya jlajin ta scaj te lajuntuhl (10), xchi te Jehová.

Génesis 18:30

Te Abraham la yalbe xan: Ma me x'ilinat, Cajwal, teme ya jc'oponat xane. ¿Ha xan teme ay lajuneb scha'winic (30) ta tuhl tey a? xchi. Ma ba ya jpas teme ay lajuneb scha'winic (30) ta tuhl ya jta tey a, xchi te Jehová.

Números 16:40

scuenta shultesojibal yo'tanic te snich'nab Israel te ma me ayuc mach'a yan ya xhu' ya xnohpoj tal ta stojol Jehová ta yaq'uel pom teme ma ha'uc sts'umbal Aarón, scuenta yu'un ma ba ya xc'oht ta scuenta te bin c'oht ta scuenta te Coré soc te smohloltac, hich te bin ut'il yaloj Jehová ta scuenta Moisés.

Éxodo 3:5

Hich halbot yu'un Dios: Ma xnohpojat tal; chola atep, como te banti ayat, ha ch'ultesbil q'uinal, xchi sc'oblal.

Deuteronomio 17:15

ya me awac' scuentahinat te ajwalil te ya stsa te Jehová te Dios awu'une. Ha nix alumal yac awotses ta ajwalil te ya scuentahinat; ma me xawac' scuentahinat jtuhl jyanlum winic te ma ha'uc alumal.

Salmos 65:4

Bayel me yutsil te mach'a tsahbil awu'un soc te yac awic' tal ta ats'ehl yu'un ya xnahin ta amaq'uetic awu'un. Bayel bintic ya jtahcotic yu'un te bintic ay ta Ana, ha te ch'ul Templo awu'une.

Oseas 1:11

Ya me stsob sbahic te snich'nab Judá soc Israel, soc ya me slehic jtuhl jtsobaw yu'unic; soc ya me xhahchic ta q'uinal, como muc' ya xc'oht sc'ahc'alel te Jezreel.