Jeremías 30:16 - Bible in Tzeltal Bachajón

¹⁶ Pero ya xlajinot spisil te mach'atic ya slajinat; soc spisil acontratac ya x'ic'otic bahel ta chuquel; ya yich' pojel sbiluquic spisil te mach'atic ya spojbat abiluc, spisil te mach'atic ya yelc'anat ya cac' te ya yich'ic elc'anel.

Bible in Tzeltal de Oxchuc y Tenejapa

¹⁶ Ja'uc me to, spisil te mach'a la sbic'at c'oeme, ya xbic'ot uuc; soc spisil acontrotac ya me xbajt'ic ta mosoil ta yan q'uinal. Ya me cac' ya yich' pojel te mach'atic la spojbat abiluque; soc ac'a yich'ic elc'anel te mach'atic la yelc'anate.

Jeremías 30:16 Referans Kwoze

Jeremías 10:25

Mala cohel awilimba ta stojol te nacionetic te ma sna'bat aba, ta stojol te pueblohetic te ma ba ya sc'oponat ta abihile; como la slajinic te Jacob, jc'axel la sbiq'uic soc la sjochambeyic hilel te slumale.

Isaías 33:1

¡Ay me awocol, ha'at te ya xjinawanat, te mayuc bin ora la awich' jinele; te yac awac' ta c'abal, aunque mayuc mach'a la yac'at ta c'abal! C'alal ya xlaj awo'tan ta jinaw, ya me awich' jinel; c'alal ya xlaj awo'tan ta ac'aw ta c'abal, ya me x'ac'otat ta c'abal.

Éxodo 23:22

Yan teme smelelil yac awa'iybe sc'op soc teme yac apas spisil te bin ya calbate, ha jcontra ya xc'oht te acontratac soc ya ca'be swocol te mach'atic ya ya'bat awocole.

Zacarías 2:8

Hich yaloj te Jehová te scuentahinej spisil, te la sticonon bahel ta stojol te nacionetic te la spojbeyex abiluquic: Te mach'a ya spiquex, hich c'ohem te ya spicbe sch'uhlel jsit.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Zacarías 12:2

Ya cac' te ha copa ya xc'oht te Jerusalén te ya yac' ya x'ahnlajanic spisil te pueblohetic ta sjoyobal; soc ha nix hich ya yich' contrahinel Judá te c'alal ya yich' joytayel ta guerra te Jerusalén.

Joel 3:8

Ya jchombeyic te mach'atic yu'un Judá te aquerem-nich'nabic soc te awantsil-nich'nabic, ha ya schombeyic bahel te sabeohetic te namal slumalic; como hich yaloj te Jehová.

Isaías 14:2

Te nacionetic ya me yiq'uic bahel ta slumalic, soc ha a'batetic soc criadahetic ya xc'ohtic yu'un te sna Israel ta sq'uinal Jehová. Ya schuquic te mach'atic chucotic bahel yu'unic soc ya scuentahinic te mach'atic uts'inotic yu'unique.

Salmos 129:5

Ac'a yich'ic q'uexlaltesel soc ac'a suhtuc ta spatic spisil mach'atic ya sp'ajic Sión.

Sofonías 2:8

Ca'iybeyej te labanel yu'un Moab soc te stse'layel te amonetic te la spehc'ambeyic sc'oblal a te pueblo cu'un soc te muc' la yac' sbahic ta stojol te sq'uinalique.

Habacuc 2:16

Yac awac' te bayel yac ata q'uexlal, ma ha'uc ich'el ta muc'; ha nix hich yac awuch' ha'at soc ya xchicnaj abaq'uetal, te copa ay ta swa'el sc'ab Jehová ya xc'oht ta atojol, soc ya sutp'in ta q'uexlal te awutsilale.

Nahúm 1:8

Pero hich te bin ut'il snojel ha' ya slajinlan te mach'atic ya xcontrahinot yu'un, ha ya snuts bahel ta yihc'al q'uinal te scontrataque.

Miqueas 7:10

Ya me yil te jcontra, soc ha ya xpotsot ta q'uexlal te mach'a hich la yalbon: ¿Banti ay te Jehová te Dios awu'un? te xchihe. Tse'el co'tan ya quil te c'alal hich ya yich' ts'o'el ta teq'uel te bin ut'il ahch'al ta callehetic.

Miqueas 4:11

Yo'tic bayel nacionetic stsoboj sbahic ta scontrahimbelat, hich ya yalic: Ac'a bohlobuc sc'oblal, ac'a smulan yilel Sión te jsitique, xchihic.

Ezequiel 35:5

Te bin ut'il spisil ora acontrahinej te snich'nab Israel soc la awa'be ta stojol te yip te espada ta yorahil swocolic, ta yorahil te la yich'ic te slajibal castigo yu'un te schopolile,

Ezequiel 29:6

Spisil te mach'atic nahinemic ta Egipto ya me sna'ic te ho'on Jehovahon; como bastón jalal c'ohemat ta stojol te sna Israel.

Lamentaciones 1:21

La ya'iybonic te ahcan cu'un, pero mayuc mach'a ya smuc'ubtesbon co'tan. Spisil te jcontratac ya'iybeyejon sc'oblal te jwocole, tse'el yo'tanic yu'un te bin la apasbone. Ac'a taluc sc'ahc'alel te awalbeyej sc'oblal, ac'a te hich ya xc'ohtic te bin ut'il ayone.

Jeremías 2:3

Ch'ultesbil a te Israel ta stojol Jehová, ha sba sit sts'unubil. Spisil te mach'atic la slajinic la sta smulic yu'un; chopol bin c'oht ta stojolic, xchi te Jehová.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Isaías 54:15

Teme ay mach'a ya xtal ya'bat guerra, ma ta jcuentahuc te ya spase; te mach'a ya xtal ya'bat guerra, ya me xyahlic ta atojol.

Zacarías 14:2

Como ya jtsob tal spisil te nacionetic yu'un ya ya'beyic guerra te Jerusalén. Ya yich' ochintayel te muc'ul pueblo, ya yich'ic pojticlambeyel sbiluc ta snahic soc ya x'uts'inotic te antsetique. J'ohlil te muc'ul pueblo ya xbaht ta chuquel, pero te mach'atic hilemic ma ba ya yich'ic loq'uesel.

Zacarías 1:14

Ha yu'un te ch'ul a'bat te yac sc'opombelon, hich la yalbon: Puca ta halel: Hich yaloj Jehová te scuentahinej spisil: Bayel xut'et co'tan ta stojol Jerusalén soc Sión.

Jeremías 50:28

Ya xchicnaj sc'op te mach'atic loq'uic ta ahnel ta sq'uinal Babilonia, yu'un ya yalbeyic ta Sión sc'oblal te spacol a'botic yu'un Jehová te Dios cu'untic, te a'botic spacol yu'un te templo yu'une.

Jeremías 25:12

Te c'alal ya sts'acay te lajuneb schanwinic (70) ha'bil, ya ca'be castigo te ajwalil yu'un Babilonia soc te nación yu'un, ha te sq'uinal te caldeohetic, ta scaj smulic, xchi te Jehová, soc ya jc'atp'un ta jochol jimbil q'uinal te stalel ya xhile.

Jeremías 12:14

Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Jeremías 30:15

¿Bin yu'un ya x'awonat ta scaj awehchen? Mayuc spoxil te bin c'ux yac awa'iy, como ta scaj bayel te c'ax muc' achopolil soc bayel amul te hich la jpasbate.

Deuteronomio 30:7

Te Jehová te Dios awu'un ya me yac' c'ohtuc ta stojol acontra spisil te chopol c'oblaliletic ini soc ta stojol te mach'atic la sp'ajat soc la ya'bat awocol.

1 Samuel 17:53

Te c'alal suhtic tal ta snutsel te filisteohetic te snich'nab Israel, och yich'beyic te biluquetic ta campamento yu'unique.

Proverbios 22:23

como ya me xcoltayot yu'un te Jehová, ya me sloq'uesbe scuxlejal te mach'a ya yuts'in te pobrehetique.

Lamentaciones 1:22

Ac'a taluc ta atojol, Cajwal, spisil te bintic chopol spasojique; hich me xapasbe te bin ut'il la apasbon yu'un spisil te jmule, como bayel te ahcan cu'un soc mayuquix yip co'tan.

Zacarías 1:15

Pero bayel ilinemon ta stojol te nacionetic te jun yo'tan ayique; como te c'alal jteb nax ilinon, muc' c'oht yu'unic te bin chopole.

Zacarías 2:12

Te Jehová ya me yu'untay te Judá, ha te bin ya yich' hilel ta ch'ul q'uinal, soc yan buelta ya stsa xan te Jerusalén.