Jeremías 30:15 - Bible in Tzeltal Bachajón

¹⁵ ¿Bin yu'un ya x'awonat ta scaj awehchen? Mayuc spoxil te bin c'ux yac awa'iy, como ta scaj bayel te c'ax muc' achopolil soc bayel amul te hich la jpasbate.

Bible in Tzeltal de Oxchuc y Tenejapa

¹⁵ ¿Bistuc ya x'ajc'anajat yu'un te awejch'ene? Te xc'uxule ma'yuc xpoxil. Ta scaj bayal te bila amen apasoj soc te ma x'ajtabaj te muliletic awu'une, ja' yu'un jich la jpasbat.

Jeremías 30:15 Referans Kwoze

Jeremías 30:14

Spisil te mach'atic smulanejat ya xch'ayat ta yo'tanic; ma ba ya slehat, yu'un la jquehchentesat hich te bin ut'il acontra, ha te castigo yu'un j'uts'inwanej, ta scaj te c'ax muc' achopolil soc te bayel amul.

Jeremías 30:12

Hich yaloj te Jehová: Ma xhu' ta lecubtesel awehchen, mayuc spoxil te ac'a'emal.

Miqueas 7:9

Ya xcuhch cu'un te yilimba te Jehová, como jtahoj jmul ta stojol, ha to c'alal ya xchahpanon soc ya spas te bin stojil ta jtojol. Ha ya yic'on bahel ta sacal q'uinal, ya me quil te bin stojil ya spas.

Miqueas 1:9

Como mayuc spoxil te yehchen, c'ohtix c'alal ta Judá; c'ohtix c'alal ta pueblo cu'un, c'alal ta Jerusalén.

Lamentaciones 4:13

Ha ta scaj smulic te jalwanejetic soc te schopolil te sacerdotehetic yu'unic, te tey nix ta yohlil te Jerusalén la smalbeyic sch'ich'el te mach'atic toj yo'tanic.

Lamentaciones 3:39

Te mach'a cuxul ¿bin yu'un ya x'och wulwonel yu'un te castigo yu'un te smule?

Lamentaciones 1:5

Te scontratac ha príncipaletic c'ohtic, lec c'ohtic te mach'atic p'ajotic yu'un, como te Jehová la ya'be swocol yu'un bayel te smule. Te yal-snich'nab bahtic ta chuquel ta stojol te contrahe.

Jeremías 46:11

¡Mohan bahel ta Galaad, ich'a bálsamo-te', yantsil-nich'anat Egipto! Tojol p'ohlem te spoxil awu'un, ma xlecubat.

Jeremías 30:17

Pero ya cac' te ya xcha'lecubat xan soc ya jc'asesbat awehchen, xchi te Jehová, como Ch'aybilat, xchi te abihile, yu'un hich la yalic: Ha te Sión te mayuc mach'a ya xna'otix yu'une, xchihic.

Jeremías 15:18

¿Bin yu'un te spisil ora ay bin c'ux ya ca'iy soc te mayuc spoxil te quehchen, te ma xlecub? ¿Hich bal ya xc'ohat ta jtojol te bin ut'il be-ha' te ya xlo'loywan, te ma staleluc ay ya'lele?

Jeremías 11:13

Ha'at, Judá, hich yipal diosetic awu'un te bin ut'il pueblohetic awu'un; soc ha'at, Jerusalén, te scajtajib ta chiq'uel mahtaniletic yu'un q'uexlal te la apasic scuenta schic'beyel pom te Baal, hich yipalic te bin ut'il te callehetic awu'une.

Jeremías 6:13

Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Isaías 5:2

La shotbe slumil, la sloq'uesbe stonal soc la sts'un te tsahbil ts'usubetic. Ta yohlil la spas toyol ilo-q'uinal soc la spasbe yawil spits'ojbil. La smahliy te ya sitin lequil ts'usub, pero la yac' ha'mal ts'usubetic.

Job 34:29

Teme ya scux yo'tan, ¿mach'a ya xhu' ya stij hahchel? Teme ya snac' yelaw, ¿mach'a ya xhu' ya yil? Pajal ya yil te nación soc te ants-winiquetic,

Job 34:6

Lot ya xc'oht teme ya cal te ay jmul; mero c'ux te quehchen, aunque mayuc bin jmulinej, xchi.

Esdras 9:13

Te c'alal c'ax spisil bintic c'oht ta jcuentacotic ta scaj te chopol ca'telcotic soc te muc'ul mulil cu'uncotic, ha'at, Diosat cu'uncotic, ma ba hich la awa'botcotic castigo te bin ut'il te jmulcotic, soc ay mach'atic la awihquitaybotcotic hilel hich te bin ut'il ini.

Salmos 107:17

Ay la sta swocolic te mach'atic ma sna'ic q'uinal ta scaj te behenic ta be yu'un toybahil soc ta scaj schopolilic;

Jeremías 30:16

Pero ya xlajinot spisil te mach'atic ya slajinat; soc spisil acontratac ya x'ic'otic bahel ta chuquel; ya yich' pojel sbiluquic spisil te mach'atic ya spojbat abiluc, spisil te mach'atic ya yelc'anat ya cac' te ya yich'ic elc'anel.

Isaías 1:6

C'alal ta stahn awoc c'alal ta yohlil ajol mayuc banti lec ay, ha ehchen, siht'em, c'a'em; ma ba poxtaybil, ma ba potsbil soc ma ba c'unubtesbil ta aceite.

Lamentaciones 2:13

¿Bin ya calbat ac'oblal? ¿Mach'a ya jpajat soc, yantsil-nich'anat Jerusalén? ¿Mach'a ya jpajat soc yu'un ya jmuc'ubtesbat awo'tan, yantsil-nich'anat Sión? Te ehchen awu'un hich smuc'ul te bin ut'il te mar, ¿mach'a ya xhu' ya slecubtesat?

Nahúm 3:19

¡Mayuc spoxil te awehchen, ma xlecub! Spisil te mach'atic ya ya'iybat ac'oblal ya smaj sc'abic yu'un ajihnel, como ¿mach'a a te ma ba c'ax swocol yu'un te achopolile?