Jeremías 30:13 - Bible in Tzeltal Bachajón

¹³ Mayuc mach'a ya xc'opoj awu'un, mayuc spoxil awehchen, ma xhu'at ta poxtayel.

Bible in Tzeltal de Oxchuc y Tenejapa

¹³ Ma me ayuc mach'a ya xc'opoj yo'tan ta atojol; ma'yuc mach'a ya xpoxtaybat awejch'en, ma xju'at ta poxtayel.

Jeremías 30:13 Referans Kwoze

Jeremías 46:11

¡Mohan bahel ta Galaad, ich'a bálsamo-te', yantsil-nich'anat Egipto! Tojol p'ohlem te spoxil awu'un, ma xlecubat.

Jeremías 8:22

¿Ma bal ayuc bálsamo-te' ta Galaad? ¿Ma bal ayuc jpoxtaywanej tey a? ¿Bin yu'un hiche te ma ba lecub te jlumale?

Jeremías 33:6

hich la yal: Ya cac' te ya xlecubic soc te lec q'uinal ya ya'iyic, ya jpoxtay soc ya ca'be yilic bayel lamal q'uinal soc jun-o'tanil.

Jeremías 30:17

Pero ya cac' te ya xcha'lecubat xan soc ya jc'asesbat awehchen, xchi te Jehová, como Ch'aybilat, xchi te abihile, yu'un hich la yalic: Ha te Sión te mayuc mach'a ya xna'otix yu'une, xchihic.

1 Juan 2:1

Cal-jnich'nab, hich ya jts'ihbabeyex scuenta yu'un ma ba yac alehix amulic a. Pero teme ay mach'a ya sta smul, ay mach'a ya xc'opoj cu'untic ta stojol te Tatil, ha te Jesucristo te toj yo'tan stuquel.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

Nahúm 3:19

¡Mayuc spoxil te awehchen, ma xlecub! Spisil te mach'atic ya ya'iybat ac'oblal ya smaj sc'abic yu'un ajihnel, como ¿mach'a a te ma ba c'ax swocol yu'un te achopolile?

Oseas 14:4

Ya jlecubtesbe te stoybahil, ta scuenta yutsil co'tan c'ux ya ca'iy ta co'tan, como te quilimba loc' bahel ta stojolic.

Oseas 6:1

La'ic, suhtucotic ta stojol Jehová; ha nix la stsacotic, pero ya spoxtayotic; la yehchentesotic, pero ya spotsbotic.

Ezequiel 22:30

La jle ta yohlilic mach'a ya spas ts'ahc soc te ya stehc'an sba ta jtojol te banti jamal te ts'ahc yu'un ya xc'opoj yu'un te q'uinal scuenta yu'un ma ba ya jlajin; pero mayuc mach'a la jta.

Isaías 59:16

La yil te mayuc mach'a ay, xcham yo'tan yu'un te mayuc mach'a ya xc'opoj yu'un; ha yu'un ta sc'ab nix la scoltay loq'uel, soc a'bot yip yu'un te bin stojil la spas.

Isaías 1:6

C'alal ta stahn awoc c'alal ta yohlil ajol mayuc banti lec ay, ha ehchen, siht'em, c'a'em; ma ba poxtaybil, ma ba potsbil soc ma ba c'unubtesbil ta aceite.

Salmos 142:4

Tsahtaya awil ta swa'el jc'ab, mayuc mach'a ya sc'an ya sna' bin ut'il ayon. Mayuc banti ya xhu' ya jnac' jba, mayuc mach'a ya scanantaybon jcuxlejal.

Salmos 106:23

Ha yu'un la yal te Dios te ya slajinlan te manchuc tehc'aj yu'unic ta stojol Dios te Moisés, te tsahbil yu'un, scuenta yu'un ma ba ya xlajinotic yu'un te yilimbahe.

Job 34:29

Teme ya scux yo'tan, ¿mach'a ya xhu' ya stij hahchel? Teme ya snac' yelaw, ¿mach'a ya xhu' ya yil? Pajal ya yil te nación soc te ants-winiquetic,

Job 5:18

Como ha nix te mach'a ya yac' ehchen, soc ha nix te ya spots; ya yehchentes, ha nix ya spoxtay ta sc'ab.

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Jeremías 17:14

Lecubtesawon, Jehová, hich ya xlecubon; coltayawon, hich ya xcolon, como ha'at te ya calbat yutsil ac'oblal.

Jeremías 14:19

¿Jc'axel bal ach'ayoj bahel te Judá? ¿Ap'ajoj bal te Sión? ¿Bin yu'un la awehchentesotcotic scuenta yu'un ma xhu' ya xlecubotcotic? La jmahliycotic lamal q'uinal, pero mayuc bin lec la jtahcotic. La jmahliycotic yorahil poxtayel, pero ha nax ay tulan xiwel.

Jeremías 6:7

Hich te bin ut'il spisil ora ya xloc' ya'lel te sloq'uib-ha', hich spisil ora ya xloc' schopolil; ya x'a'iybot sc'oblal uts'inel soc jinel tey a, spisil ora ay ta jtojol chamel soc ehchen.

Ezequiel 30:21

Snich'anat winic, la jwac'be sc'ab te faraón ajwalil yu'un Egipto; ma ba potsbil yu'un la yich' poxtayel, soc ma ba la yich' chucbeyel, scuenta yu'un ya yich' xan yip a yu'un ya xhu' ya stsac te espada.

Lamentaciones 2:13

¿Bin ya calbat ac'oblal? ¿Mach'a ya jpajat soc, yantsil-nich'anat Jerusalén? ¿Mach'a ya jpajat soc yu'un ya jmuc'ubtesbat awo'tan, yantsil-nich'anat Sión? Te ehchen awu'un hich smuc'ul te bin ut'il te mar, ¿mach'a ya xhu' ya slecubtesat?