Jeremías 30:10 - Bible in Tzeltal Bachajón

¹⁰ Ha'at, Jacob, a'batat cu'un, ma me xiwat, xchi te Jehová, ma me xnihc awo'tan, Israel, como ilawil, ho'on ya jcoltayat tal ta namal q'uinal, ha'at soc ats'umbal ta q'uinal banti chuculex. Ya suht tal te Jacob, lamal q'uinal soc jun yo'tan ya x'ayin, mayuc mach'a ya xiwtesot yu'un.

Bible in Tzeltal de Oxchuc y Tenejapa

¹⁰ “Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.

Jeremías 30:10 Referans Kwoze

Oseas 2:18

Ta hich ora ya jchap c'op ta scuenta soc te ha'mal chambahlametic, te mutetic ya xwihlic ta toyol, soc te chanetic ta q'uinal. Ya jloq'ues ta q'uinal te t'ihmalte', te espada soc te guerra, soc ya cac' te jun awo'tan ya xwayat.

Jeremías 29:14

Ya cac' jba ta tahel awu'unic, xchi te Jehová, soc ya cac' te ya suhtic talel te jchuqueletic awu'unic; ya jtsobex tal ta spisil te nacionetic soc ta banti la jpuquex bahel, xchi te Jehová. Ya cac' te ya suhtex tal ta banti loq'uex hahchele, xchi.

Isaías 43:5

Ma me xiwat, como joquinejat; ya quic'bat tal awal-anich'nabic ta stojol banti ya xloc' tal c'ahc'al soc ya jtsobat tal c'alal ta smahlib c'ahc'al.

Isaías 44:2

Te Jehová, te Jpaswanej awu'un, te mach'a la schahpanat ta yawil alal, te ya scoltayat, hich ya yal: Ma xiwat, Jacob, a'batat cu'un, ha'at, Jesurún, te tsahbilat cu'une.

Isaías 35:9

Mayuc choj tey a, soc ma ba ya xmohic tey a ti'awal chambahlametic, ma ba ya xtahotic tey a, ha nax ya xbehenic tey a te mach'atic colemic ta libre.

San Juan 12:15

Ma xiwat, yantsilel Sión; ilawil, yac ta talel te Ajwalil awu'un, mohem ta tut burro te ha yal burra, xchi.

Jeremías 33:16

Ta hich ora ya xcol te Judá soc jun yo'tan ya xnahin te Jerusalén. Hich ya x'a'bot sbihilin: Jehová, ha te mach'a cu'untic te toj yo'tan, xchi.

Jeremías 23:8

pero hich me ya yalic: Yiloj Jehová te la sloq'uesbe tal te sts'umbal Israel ta q'uinal ta stojol norte soc ta spisil te q'uinaletic banti la spucticlan bahel, xchihic. Hich ya xnahinic ta sq'uinalic, xchi.

Jeremías 23:3

Te tuminchijetic cu'un te cuxulic hilel ho'on ya jtsobticlan tal ta spisil q'uinaletic ta banti la jtenticlan bahele, ya cac' te ya suhtic tal ta aquiltic yu'unic; tey ya xmuc'ubic soc tey ya sp'ohl sbahic a.

Jeremías 3:18

Ta hich ora te sna Judá ya sjoquin te sna Israel, soc pajal ya xloq'uic tal ta q'uinal ta norte, ya xc'ohtic ta q'uinal te la jca'be yich'ic hilel te ame'atatique.

Zacarías 3:10

Ta hich ora, xchi te Jehová te scuentahinej spisil, talel c'axel yac awic' abahic ta huclej ta ye'tal ats'usubilic soc ta ye'tal higuerahetic awu'unic, xchi.

Ezequiel 38:11

Hich yac awal: Ya ca'be guerra te jsehp q'uinal te mayuc bin ya scoltay sba a, ya jcontrahin ants-winiquetic te jun yo'tanic soc te jun yo'tan nahinemic ta q'uinal. Spisilic mayuc ts'ahc banti ya xnahinic soc mayuc puertahetic soc sc'atal-te'eletic, xchihat.

Ezequiel 16:52

Ha'at te la awich'o-c'opin awihts'inab, ich'a te q'uexlal awu'un yu'un te muliletic apasoj, te c'ax hich ilobtic sba a te bin ut'il te yu'une. ¡C'ax toj xan ayic a te bin ut'ilat! Ha yu'un hich nix te ha'ate, ac'a cuhchuc awu'un pehc'anel, como mayuc smul yilel awu'un te awihts'inabe.

Jeremías 30:3

Como ya xtal sc'ahc'alel, xchi te Jehová, te ya cac' te ya suhtic tal te jchuqueletic yu'un te pueblo cu'un, ha te Israel soc te Judá. Ya quic'ticlan tal ta q'uinal te la jca'be te sme'static, ya me yu'untayic, xchi.

Jeremías 23:6

Ya xcol Judá ta sc'ahc'alel soc te Israel jun yo'tan ya x'ayin. Hich ya xc'oht te sbihil te ya x'a'bote: Jehová, te mach'a cu'untic te toj yo'tan, xchi.

Isaías 54:4

Ma me xiwat, ma ba ya xhilat ta q'uexlal; ma me xaxi' q'uexlaltesel, como ma ba yac awich' pehc'anel; ya me xch'ay ta awo'tan te q'uexlal yu'un aqueremil soc ma ba yac ana'ix te ihlayel yu'un te ame'ba'al.

Isaías 46:13

Ya me cac' te ya xnohpoj tal te bin stojil ta pasel cu'un, ma ba namal ay, soc ma ba ya xhalajix te colel cu'une. Ya cac' te colel ta Sión soc te cutsilal ta Israel.

Isaías 46:11

Ya quic' tal mut c'alal banti ya xloc' tal c'ahc'al, ya quic' tal ta namal jtuhl winic te ya spas te bintic chapal cu'une. Ho'on c'opojon, soc ya jc'ohtes ta pasel; te bin jnopoj, hich ya jpas.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Isaías 49:25

Pero hich ya yal te Jehová: Te mach'a chucul ya me xpojbot loq'uel ta sc'ab te mach'a ay yip, soc te bintic pojbil ya xpojbot loq'uel ta sc'ab te mach'a ya x'uts'inwan. Pero ya jcontrahin te mach'a ya scontrahinat, soc ya jcoltaybat te awal-anich'nabe.

Isaías 14:3

Te bin ora te Jehová ya ya'beyex acux awo'tanic yu'un awocolic, yu'un c'ux obol abahic soc yu'un tulan mosohinel la awich'ic,

Isaías 44:1

A'iya awa'iy yo'tic, Jacob, a'batat cu'un, ha'at, Israel, te tsahbilat cu'une:

Jeremías 23:4

Ya cac'ticlambe jcananetic te ya scanantayique. Ma ba ya xiwiquix, ma ba ya smel yo'tanic, soc ma xch'ay jcohtuc, xchi te Jehová.

Jeremías 29:11

Como ya jna' te bin jnopoj ta acuentahic, xchi te Jehová, ha jnopoj te lec ya xc'ohex, ma ha'uc te ya xc'ax awocolic, ya ca'beyex te bin yaquex ta smahliyele.

Jeremías 30:7

¡C'ax wocol ya xc'oht te sc'ahc'alel; mayuc yan pajal soc! Ha yorahil wocol yu'un Jacob; pero ya xcol ta libre ta stojol.

Joel 2:21

Ma me xiwat, lumq'uinal, tse'eluc awo'tan soc ayuc yutsil awo'tan, como te Jehová ay bintic muc' ya spasticlan.

Isaías 49:12

Ilawil, ya xtalic ta namal q'uinal: ay ya xtalic ta stojol norte, ay ya xtalic ta stojol smahlib c'ahc'al, soc ay ya xtalic ta banti sq'uinal Sinim.

Daniel 12:1

Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Oseas 2:20

Ya quihnaminat ta scuenta jun co'tan ta atojol, ya me ana'be sba te Jehová.

Oseas 6:11

Soc ha'at nix ta acuenta, Judá, chapalix te yac awich' tsobel, te c'alal ya cac' suhtic tal ta chuquel te pueblo cu'une.

Miqueas 4:9

Yo'tic, ¿bin yu'un hich ya x'awonat? ¿Yu'un bal mayuc ajwalil awu'un? ¿Yu'un bal ch'ay bahel te j'ac'-o'tanil awu'un, te hich ya ya'bat sc'uxul hich te bin ut'il ants te ya x'ayin yal?