Jeremías 3:3 - Bible in Tzeltal Bachajón

³ Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Bible in Tzeltal de Oxchuc y Tenejapa

³ Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Jeremías 3:3 Referans Kwoze

Levítico 26:19

Ya jlajimbe te yip atoybahilic, ya cac' te taq'uin ya xc'oht te ch'ulchan soc bronce ya xc'oht te aq'uinale.

Jeremías 14:4

Ya sjam sba te q'uinal ta scaj te ma ba la yac' ha'al; te j'a'teletic ma sna' bin ya spasic, ya smuc sjolic yu'un.

Jeremías 14:22

¿Ay bal loc'ombahetic yu'un te nacionetic te ya xhu' ya yac' tal ha'al? ¿Ya bal sticon tal ha'al te ch'ulchan ta stuquel nax? ¿Ma bal ha'ucat, Jehová, te Diosat cu'untique? Ha'at nax atuquel te yac aticon talel, ha yu'un ya jmahliyatcotic como ha'at yac apas spisil ini.

Jeremías 5:24

Ma hichuc la yal ta yo'tanic: Ya quich'cotic ta muc' te Jehová te Dios cu'untic, te ya yac' tal ha'al ta yorahil ya sicub q'uinal soc ta yorahil ya xyaxub q'uinal, soc te ya ya'botic yorahil stsobel sit awal-ts'unubil, ma xchihuquex.

Isaías 5:6

Ya cac' te jochol taquin q'uinal ya xc'oht; ma ba ya yich' c'abayel o aq'uintayel, ya xcol ch'ixetic soc ha'maletic tey a. Ya jpas ta mandar te tocaletic te ma me xyaq'uic ha'al ta stojol.

Deuteronomio 28:23

Te ch'ulchan ay ta yahc'olal ajol ha bronce ya xc'oht, soc te lum ay ta ye'tal awoc ha hierro ya xc'oht.

Hageo 1:11

La jquic' talel te sq'uepelal q'uinal ta stojol te lumq'uinal soc ta witsiltic, ta stojol te trigo, vino, aceite soc spisil bintic ya xcol ta lumq'uinal, ta stojol te ants-winiquetic soc te chambahlametic, soc ta stojol spisil ya'tel ac'ab, xchi.

Amós 4:7

Ha nix hich la jcom ha'al oxeb u te ma to sta yorahil a te ya xloc' sit te awal-ts'unubil; la jcac' tal ha'al ta jun pueblo, ma ba la jcac' ta yan pueblo; jsehp nax q'uinal banti la yac' ha'al, soc jsehp banti ma la ya yac', hich taquij.

Jeremías 9:12

¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Jeremías 8:12

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Sofonías 3:5

Ha toj stuquel te Jehová te ay ta yohlil, mayuc bin chopol ya spas; ta jujun sab ya yac' chicnajuc te stojil ya'tel, ma ba ya spas falta; yan te mach'a chopol, ma sna'be sba te q'uexlale.

Ezequiel 3:7

Pero te sna Israel ma ba ya sc'an ya ya'iybat ac'op, como ma sc'an ya ya'iybonic te jc'ope; como spisil te sna Israel tulan sit yelawic soc macal yo'tanic.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

Jeremías 14:3

Te mach'atic ay sc'oblalic ya sticonic bahel te a'batetic yu'unic ta yich'el tal ha'; ya xbahtic ta yawil ha', pero ma ba ya stahic ha' tey a. Jochol yawil ha' yu'unic ya suhtic tal; ya xq'uexawic, ma sna'ic bin ya spasic, ya smuc sjolic yu'un.

Jeremías 36:2

Ich'a balbil hun, ts'ihbaya tey a spisil te bintic la jcalbat ta scontrahinel Israel, Judá soc spisil te nacionetic, c'alal bin ora hahch jc'oponat, ha te c'alal ay ta ajwalil a te Josías c'alal yo'tic.

Sofonías 2:1

Tsoba abahic, jun xawac' abahic, ha'at nación te mayuc aq'uexlal,

Génesis 19:34

Ta yan c'ahc'al, te wixil la yalbe te yihts'in: La joquin ta wayel ahc'abe te jtatique. Ha nix hich yo'tic ta ahc'abal ya ca'betic yuch' vino, ha'at me ya x'ochatix bahel, yac ajoquin ta wayel scuenta yu'un ay sts'umbal ya xc'oht a te jtatic, xchi.

Proverbios 21:29

Te mach'a chopol yo'tan tulan ya yac' sba, yan te mach'a toj yo'tan ya stsahtay te be yu'une.

Jeremías 5:25

Ta scaj achopolilic te yanijem spisil ini; ta scaj amulic ma ba la atahic bintic lec.

Jeremías 14:1

Ha te sc'op Jehová te tal ta stojol Jeremías sc'oblal te ya xtaquij te q'uinale:

Amós 4:8

Ha yu'un talic che'oxeb pueblohetic ta yan pueblo yu'un ya yuch'ic ha', pero ma ba ch'ay staquinti'il; pero ma ba suhtex tal ta jtojol yu'un, xchi te Jehová.