Jeremías 3:25 - Bible in Tzeltal Bachajón

²⁵ Ac'a jmehtsan jbahtic ta jq'uexlaltic, ac'a smucotic te pehc'anel cu'untique; como jtahoj jmultic ta stojol Jehová te Dios cu'untic, ho'otic soc te jme'jtatic, c'alal ta jqueremiltic c'alal ora ini, soc ma ba la jch'uhumbetic sc'op te Jehová te Dios cu'untique, xchihic.

Bible in Tzeltal de Oxchuc y Tenejapa

²⁵ Ac'a me jpejc'an jbatic yu'un q'uexlal jiche, ac'a me spotsotic te jq'uexlaltique. Melel ja' to ta calaliltic soc asta c'alal ora yo'tic, te jo'otic soc te jme'-jtatic jtaoj jmultic ta stojol Cajwaltic te Dios cu'untique, soc ma ba jch'uunejbeytic sc'op —xiic ta yalel.

Jeremías 3:25 Referans Kwoze

Jeremías 22:21

La jc'oponat te c'alal ay bayel bintic ay awu'un, pero hich la awal: ¡Ma ba ya ca'iy! xchihat. C'alal ta aqueremil hich ay te atalele, mayuc bin ora la awa'iybon te jc'ope.

Jeremías 2:26

Hich te bin ut'il ya xq'uexaw j'elec' te c'alal ya xchicnaj, hich ya xq'uexawic te sna Israel, ha'ic soc te ajwaliletic, príncipaletic sacerdotehetic soc te jalwanejetic yu'unic,

Romanos 6:21

Pero ¿bin la atahic a te yo'tic ya xq'uexawexix yu'un? Como ya yaq'uex ta lajel stuquel.

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Ezequiel 36:32

Na'a me te ma ha'uc hich ya jpas ta acuentahic, xchi te Jehová, te Ajwalil. ¡Q'uexawanic soc mela awo'tanic yu'un te achopolilique!

Ezequiel 7:18

Ya me slapic ch'ixal-pac' soc ya xmucotic yu'un tulan xiwel; ay q'uexlal ta spisil sit yelaw, soc quits'bil spisil stsotsel sjolic.

Lamentaciones 5:16

Ch'ay cohel ta joltic te corona. ¡Obol jbahcotic como jtahoj jmulcotic!

Lamentaciones 5:7

La sta smulic te jme'jtatcotic soc wayemix sbaq'uetalic, pero ho'otcotic ya jcuchbecotic te castigo yu'unique.

Jeremías 6:26

¡Pueblo cu'un, lapa ch'ixal pac' soc balana aba ta tan! Tulan me ya x'oc'athich te bin ut'il ya yich' oq'uetayel hip jtuhl querem, como ta jts'ihn ya xtal ta jtojoltic te jlajinwanej.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Isaías 50:11

Pero apisilic te yac atsunic ac'ahq'uic, te yac achahpan tsumbil c'ahc' awu'unic: behenanic ta sacal q'uinal yu'un te c'ahc' awu'unic, soc ta yohlil te tsumbil c'ahc' awu'unique. Hich ay te bin yac awich'ic ta jc'ab: ta scuenta tulan wocol yac awich'ic muquel.

Isaías 48:8

Mayuc bin ora awa'iyej soc mayuc bin ora ana'beyej sc'oblal, mayuc bin ora jamal achiquin. Como jna'oj te ma junuc awo'tan, soc te toybahat c'ohem abihil c'alal ta awayinab.

Proverbios 5:13

Ma ba la jca'iybe sc'op te mach'atic la snohptesonic, ma ba la jquich' ta cuenta te jp'ijubteswanejetic cu'une.

Salmos 109:29

Ac'a sc'u'inic q'uexlal te mach'atic ya slehbonic jmul; ac'a mucotuc yu'un q'uexlal hich te bin ut'il muc'ul c'u'ul.

Salmos 106:7

Te c'alal ayic ta Egipto a te jme'jtatcotic, mayuc sc'oblal c'oht ta yo'tanic te yutsil awa'tel; ma ba la sna'ic te bayel sc'uxul awo'tan, la stoy sbahic ta sti'il te Mar Rojo.

Jueces 2:2

te ha'exe ma me xachap ac'opic soc te mach'atic nahinemic ta q'uinal ini, ya me ajimbeyic te scajtajib ta chiq'uel mahtaniletic yu'unic, xchihon. Pero ma ba la awa'iybonic te jc'ope. ¿Bin yu'un hich la apasic?

Salmos 106:6

Jtahoj jmulcotic, hich te bin ut'il jme'jtatcotic; la jpascotic te bin chopol, la jpascotic te bin ma lecuc.

Jeremías 3:13

Na'a me hiche te achopolil, como acontrahinej te Jehová, te Dios awu'un, soc la awac' aba ta antsinel ta stojol yantic diosetic ta ye'tal spisil pimil ya'binal te'etic, ma ba la awa'iybon te jc'ope, xchi te Jehová.

Jeremías 8:14

¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 14:20

Jehová, jna'ojcotic te bin chopol jpasojcotic soc te smul te jme'jtatcotic, como jtahoj jmulcotic ta atojol.

Jeremías 20:18

¿Bin yu'un loc'on tal ta sch'uht jnan yu'un yilel wocol soc sc'uxul soc te ya xlaj jcuxlejal ta q'uexlal?

Jeremías 31:19

C'alal la jpitix jba, la jsuhtes co'tan; c'alal la jna'ix te ay jmul, la jmajulan jtahn yu'un. Q'uexawon soc pehc'ajon, como la jcuch te q'uexlal yu'un te jqueremil, xchi.

Ezequiel 2:3

Hich la yalbon: Snich'anat winic, ya jticonat bahel ta stojol te snich'nab Israel, ta stojol te toyba nación te stoyoj sba ta jtojole. Ha'ic soc te sme'static ta cajalcaj stoyoj sbahic ta jtojol c'alal ora.

Proverbios 13:18

Te mach'a ya sp'aj te tojobtesel, pobre ya xc'oht soc ya sta q'uexlal, yan te mach'a ya sch'uhun te tojobtesel, ya me x'ich'ot ta muc'.

Jeremías 7:19

¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Jeremías 9:18

¡Ac'a suj sbahic, ac'a yoq'uetayotic! ¡Ac'a nojuc ta ya'lel te jsitique, ac'a maluc loq'uel ha' ta stsotsel jsitic!

Jeremías 11:13

Ha'at, Judá, hich yipal diosetic awu'un te bin ut'il pueblohetic awu'un; soc ha'at, Jerusalén, te scajtajib ta chiq'uel mahtaniletic yu'un q'uexlal te la apasic scuenta schic'beyel pom te Baal, hich yipalic te bin ut'il te callehetic awu'une.

Jeremías 12:13

La sts'unic trigo, pero ch'ix la stsobic; tulan a'tejic, pero mayuc bin la stahic a. Ya me xq'uexawic yu'un te sit ya stsobic, ta scaj sc'ahc'al yilimba te Jehová.

Ezequiel 44:13

Ma xhu' ya xnohpojic ta jtojol ta a'tel scuenta sacerdote, soc ma xhu' ya xnohpojic tal ta stojol te bintic ch'ultesbil cu'un o te bintic mero ch'ultesbil, ya me yich'ic sq'uexlalic soc te bintic ilobtic sba te la spasique.

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Sofonías 1:17

Ya ca'be swocol te ants-winiquetic, hich ya xbehenic te bin ut'il ts'o'sitetic, como la sta smulic ta stojol Jehová. Ya xmalbot sch'ich'elic hich te bin ut'il ts'u'lum, soc te sbaq'uetalic hich te bin ut'il tsa'.