Jeremías 3:24 - Bible in Tzeltal Bachajón

²⁴ Te loc'ombahetic te q'uexlaltic sba la slajimbeyic sit ya'tel te jme'jtatic, c'alal ta jqueremiltic: ha te tuminchijetic soc wacaxetic, te queremetic soc ach'ixetic yu'unic.

Bible in Tzeltal de Oxchuc y Tenejapa

²⁴ Te loc'ombaetic te q'uexlaltic sbae, ja' la xch'aybotic te bi la staic te jme'-jtatic, ja' to c'alal alalotic to ae: ja' te chijetic soc wacaxetic, soc te yal-snich'nabique.

Jeremías 3:24 Referans Kwoze

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Oseas 10:6

Ya x'ich'ot bahel ta Asiria te jcolel toro scuenta smahtan te muc'ul ajwalil. Ya xhil ta q'uexlal te Efraín, te Israel ya xq'uexaw yu'un te j'ac'-o'tanil yu'une.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

Ezequiel 16:63

scuenta yu'un ya xtal ta awo'tan soc ya xq'uexawat, soc mayuquix bin ora yac ajam awe ta scaj aq'uexlal, te c'alal ya jpasbat perdón yu'un spisil te bintic apasoj, xchi te Jehová, te Ajwalil.

Ezequiel 16:61

Hich me yac ana' a bintic la apas soc ya me xq'uexawat c'alal ya ca'bat scuenta awantsil-alatac te awihts'inab soc awixiltac, pero ma ha'uc ta scuenta te chapbil-c'op awu'un,

Jeremías 11:13

Ha'at, Judá, hich yipal diosetic awu'un te bin ut'il pueblohetic awu'un; soc ha'at, Jerusalén, te scajtajib ta chiq'uel mahtaniletic yu'un q'uexlal te la apasic scuenta schic'beyel pom te Baal, hich yipalic te bin ut'il te callehetic awu'une.

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Jeremías 22:21

La jc'oponat te c'alal ay bayel bintic ay awu'un, pero hich la awal: ¡Ma ba ya ca'iy! xchihat. C'alal ta aqueremil hich ay te atalele, mayuc bin ora la awa'iybon te jc'ope.

Jeremías 44:7

Ha yu'un, hich yaloj te Jehová te scuentahinej spisil, te Dios yu'un Israel: ¿Bin yu'un te ha'ex nix yac awac' taluc ta atojolic te bin chopol te c'ax muc', ha te ya xlajic winiquetic, antsetic, ach'ix-queremetic soc tut alaletic ta Judá, te mayuc mach'a ya xhil awu'unique?

Jeremías 9:18

¡Ac'a suj sbahic, ac'a yoq'uetayotic! ¡Ac'a nojuc ta ya'lel te jsitique, ac'a maluc loq'uel ha' ta stsotsel jsitic!

Ezequiel 16:19

Ha nix hich te we'elil te la jca'bat, te lequil harina, aceite soc chab te la jmac'linat a, la awac' ta stojolic scuenta sumet yic'; hich ay, xchi te Jehová, te Ajwalil.

Ezequiel 16:20

Soc la awic'ticlan te aquerem-nich'nab soc awantsil-nich'nab te la awalataybon, la awa'be ta milbil smahtan scuenta swe'elic. Ma tic'uc la awa'iy a te la awac' aba ta antsinel,