Jeremías 3:21 - Bible in Tzeltal Bachajón

²¹ Chicnaj aw ta toyol t'axal witsiltic, ha te oq'uel yu'un sc'anel coltayel te israeletic, como la showiytesic te be yu'unic, la sch'ay ta yo'tanic te Jehová, te Dios yu'unique.

Bible in Tzeltal de Oxchuc y Tenejapa

²¹ “Ay c'opetic chican ta witstiquil ta jochol taquin q'uinal: Ja'ic te israeletic, te ya x'oq'uic ta sc'anel te yacuc xna'bot yo'bolil sbaique. Jowejic bael a ta bay toj be, soc la xch'ayon ta yo'tanic, jo'on te Ajwalilon te Dioson yu'unique.

Jeremías 3:21 Referans Kwoze

2 Corintios 7:10

Como te mel-o'tan te ya sc'an te Dios ya yac' suhtesel-o'tanil scuenta colel, soc mayuc mel-o'tan tey a; yan te mel-o'tan yu'un te bahlumilal ya x'ac'awan ta lajel.

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

Jeremías 3:2

Toya mohel asit ta toyol t'axal q'uinal, ilawil teme ay banti ma ba la awac' aba ta antsinel. La ahuhcan aba ta ti'be ta smahliyel te mach'a yac awac' aba ta antsinel yu'un, hich te bin ut'il jtuhl árabe ta jochol taquin q'uinal. La abohlobtes te q'uinal ta scuenta te antsinel awu'un soc achopolil.

Jeremías 2:32

¿Ya bal xch'ay ta yo'tan te ach'ix te sch'ahlele? o te ach'ix te ya xnuhpun, ¿ya bal xch'ay ta yo'tan te sch'ahlel sc'u'e? Pero te pueblo cu'un bayelix c'ahc'al te ch'ayon ta yo'tane.

Isaías 17:10

Como la ach'ay ta awo'tan te Dios te la scoltayat, ma ba la ana' te Muc'ul Ton yu'un ahnibal awu'un. Ha yu'un aunque yac ats'un t'ujbil ts'unubiletic soc yac ats'un ts'unubiletic te talemic ta yan q'uinal,

Isaías 15:2

Te mach'atic yu'un Dibón mo bahel ta templo, ta toyol awilaletic yu'un ya x'oq'uic tey a; te Moab ya yoq'uetay te Nebo soc Medeba. Spisilic ya yich'ic loq'uesbeyel stsotsel sjolic soc ya yich'ic loq'uesbeyel spisil yisimic.

Miqueas 3:9

A'iya awa'iyic ini, jtsobawex yu'un te sna Jacob, capitanex yu'un te sna Israel, te yac ap'ajic stojil chahpanel soc te yac ajinic spisil te bintic toj,

Oseas 13:6

Noj sch'uhtic ta aquiltic, c'alal noj sch'uhtic hahch toybahil ta yo'tanic; hich ch'ayon ta yo'tanic.

Oseas 8:14

Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Ezequiel 23:35

Ha yu'un hich yaloj te Jehová, te Ajwalil: Te bin ut'il la ach'ayon ta awo'tan soc la awalac'patiyon, ha yu'un ya me awil awocol yu'un te castigo yu'un te bin chopol la amulan soc te la awac' aba ta antsinel, xchi.

Ezequiel 7:16

Te mach'atic cuxul ya xhilic hich ya xloq'uic ta ahnel ta witsiltic te bin ut'il stsuhmutetic yu'un te spamlejetic, spisilic ya x'ahcanajic ta scaj te smulique.

Proverbios 19:3

Te sonsohil te winic ha ya xhowiytesot ta be yu'un, patil ya yilintay te Jehová.

Proverbios 10:9

Te mach'a toj ya xbehen, jun yo'tan ya xbehen, yan te mach'a st'unoj chopol be, ya me xpehc'anot.

Job 33:27

Hich ya yal ta c'ayoj ta stojol ants-winiquetic: La jta jmul, la jimbe sc'oblal te bin toj ay, pero ma ba la jquich' castigo yu'un.

Números 22:32

Te ch'ul a'bat yu'un Jehová hich la yalbe: ¿Bin yu'un te la amajix oxeb buelta te aburrahe? Ho'on tal jmacat ta be, como te banti yacat ta bahel ma ba lec ya ca'iy.

Isaías 57:11

¿Mach'a yac axi', mach'a la xiwtesat, te la alo'loyon, te ma ba la ana'on, ni ma ba tal ta awo'tan? ¿Ma bal ha'uc yu'un te ch'abon ta namey tal, te hich ma ba axi'ojon?

Jeremías 7:29

¡Jerusalén, loq'uesa stsotsel ajol, ch'oja bahel, c'ayojtaya mel-o'tan c'ayoj ta toyol q'uinaletic, como te Jehová la sp'ajix soc la yihquitay te jcaj ts'umbalil te ilintayot yu'une!

Jeremías 12:12

Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Jeremías 13:25

Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Jeremías 18:15

¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.