Jeremías 3:19 - Bible in Tzeltal Bachajón

¹⁹ Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Bible in Tzeltal de Oxchuc y Tenejapa

¹⁹ “Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Jeremías 3:19 Referans Kwoze

Jeremías 3:4

¿Ma bal yach'iluc to hich la awalbon: Jtat, ha'at joquinwanejat cu'un c'alal to ta jqueremil,

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

Isaías 63:16

¡Pero ha'at tatilat cu'uncotic! Aunque ma sna' jbahcotic te Abraham, soc ma sna'otic te Israel, ha'at Jehová, tatilat cu'uncotic; J'ac'awat ta libre cu'uncotic, xchi te abihil c'alal ta namey.

Hebreos 10:39

Pero te ho'otique, ma ho'ucotic te ya suhtotic ta jpatic yu'un ya xch'ayotic, ho'otic ay sch'uhunel co'tantic yu'un hich ya xcol jch'uhleltic.

Efesios 1:5

Ta scuenta te sc'uxul yo'tan namey chapal yu'un te ya yal-snich'aninotic ta scuenta te Jesucristo, hich te bin ut'il la sc'an te yutsil sc'anojel yo'tan,

Gálatas 3:26

Apisilic yal-snich'anex Dios ta scuenta bin ut'il ach'uhunejic te Cristo Jesús,

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Daniel 11:45

Ya spas te nahilpaq'uetic yu'un ajwalil ta ohlil yu'un te mar soc te ch'ul wits te ay yutsilal; pero tey ya xlaj a, mayuc mach'a ya xcoltayot yu'un.

Daniel 11:41

Ya me x'och ta q'uinal te ay yutsilal, bayel ta jsehp q'uinal ya xyahlic ta stojol; pero ya xcol stuquelic te Edom, Moab soc jteb ma spisiluc te sts'umbal Amón.

Daniel 11:16

Te mach'a tal ta contrahinel ya me spas te bin ya sc'an yo'tan, mayuc mach'a ya xhu' ya stsac sba soc. Ya xhalaj ta t'ujbil q'uinal te ya xlajinot yu'un te yipe.

Daniel 8:9

Ay tut xulub te loc' tal ta jun xulubil, te nahtub bahel ta stojol sur, ta stojol banti ya xloc' tal c'ahc'al, soc ta stojol te t'ujbil q'uinale.

Ezequiel 20:6

Te bin ora la jach jc'ab, te la jcal jba ta jamal te ya quic'ticlan loq'uel tal ta sq'uinal Egipto yu'un ya xbahtic ta q'uinal te tsahbil cu'un, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Jeremías 31:20

Te Efraín, ¿ma bal ha'uc te jnich'an te bayel sc'oblal ta co'tan? ¿Ma bal ha'uc te alal te ya smulan te co'tane? Aunque bayel la jtsits, ya jna'ulan. Ha yu'un ya stij sba co'tan ta scuenta, bayel me ya jna'be yo'bolil sba, xchi te Jehová.

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Jeremías 5:7

Hich ya yal te Jehová: ¿Bin ut'il ya jpasbat perdón yu'un spisil ini? Te anich'nabic la yihquitayonic, soc la yalic ta jamal ta scuenta te bin ma diosuc. La jcac'ticlambe spisil te bintic tuhun yu'unic, pero la ya'iyic antsiwej soc la stsob sbahic ta sna j'antsinel antsetic.

Isaías 64:8

Pero ha'at jtatatcotic, Jehová; ho'otcotic ahch'alotcotic, ha'at jpac'ojomat, ta jpisilcotic ya'telotcotic ac'ab.

Proverbios 3:35

Te mach'atic p'ij yo'tanic ya x'ich'otic ta muc', yan te mach'atic ma sna'ic q'uinal ma x'ich'otic ta cuenta stuquel.

Salmos 106:24

Patil la yihlayic te lumq'uinal te buen t'ujbil; ma ba la sch'uhunic te bin la yal te Diose.

1 Pedro 1:17

Teme yac awal te ha Atat te mach'a pajal ya yich' ta c'op ta tuhlutuhl ha chican bin yilel ya'tel, ha yu'un socuc me xiwel ya xcuxajex te jayeb c'ahc'al jbehyomex ta q'uinal;

Salmos 16:6

Te mojonetic cu'un c'ohemic ta t'ujbil lugaretic, buen t'ujbil te bin c'oht ta jcuenta te ya quich' hilele.

Salmos 89:26

Ya me yawtayon: Ha'at jtatat, ha'at Diosat cu'un, soc muc'ul tonat yu'un te jcolele, xchi.

Jeremías 3:17

Ta hich ora ya me ya'beyic sbihilin te Jerusalén Muc'ul Huctajibal yu'un Jehová, xchi, soc spisil te nacionetic ya me stsob sbahic ta Jerusalén ta scuenta te sbihil Jehová; ma ba ya yo'tantayiquix st'unel bahel te chopol yo'tanique.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Deuteronomio 14:1

Te ha'ex yal-snich'nabex Jehová te Dios awu'unic, ma me xawehchentes abaq'uetalic, soc ma me xajoch stsotsel ajolic ta ati'bahic ta scaj te ay mach'a cham.