Jeremías 3:17 - Bible in Tzeltal Bachajón

¹⁷ Ta hich ora ya me ya'beyic sbihilin te Jerusalén Muc'ul Huctajibal yu'un Jehová, xchi, soc spisil te nacionetic ya me stsob sbahic ta Jerusalén ta scuenta te sbihil Jehová; ma ba ya yo'tantayiquix st'unel bahel te chopol yo'tanique.

Bible in Tzeltal de Oxchuc y Tenejapa

¹⁷ Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Jeremías 3:17 Referans Kwoze

Ezequiel 43:7

Hich la yal: Snich'anat winic, ha yawil te huctajibal cu'un ini, te banti ya cac' te coc, te banti ya xnahinon ta yohlil te israeletic sbahtel q'uinal. Te sna Israel o te ajwaliletic yu'un ma ba ya sbohlobtesboniquix sc'oblal te jch'ul bihil ta scuenta te antsinel yu'unic soc te schamen baq'uetetic yu'un te ajwaliletic yu'unic ta toyol awilaletic.

Jeremías 17:12

Te huctajibal te ay yutsilal, te toyol sc'oblal c'alal ta shahchibal, ha yawil te ch'ul awilal cu'untic.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Jeremías 11:8

Pero ma ba la ya'iyic, ma ba la yich'ic ta cuenta; ha la st'unic bahel te bintic chopol la snop ta yo'tanic. Ha yu'un ya me cac' ta stojolic spisil bin ya yal te chapbil-c'op ini, ha te la jpas ta mandar te ya me sch'uhunic spasel, pero ma ba la spasic, xchi.

Isaías 66:20

Ya me yiq'uic tal spisil te awermanotac ta bayuc ta nacionetic scuenta mahtanil ta stojol Jehová ta ch'ul wits cu'un; ya xtalic ta cawuhetic, carretahetic, sillahetic te q'uechbilic, ta mula soc camellohetic, xchi te Jehová. Ya me yiq'uic tal hich te bin ut'il te israeletic ya yich'ic tal mahtaniletic yu'un harina ta pocticlambil yawiletic ta sna te Jehová.

Isaías 56:6

Soc te jyanlumetic te ya yac' sbahic ta stojol te Jehová yu'un ya yac' sbahic ta a'batinel yu'un, te c'ux ta yo'tanic te sbihil te Jehová, soc te ha a'batetic ya xc'ohtic yu'une, spisil te mach'atic ya scanantayic te sc'ahc'alel cux-o'tan te ma ba ya sbohlobtesbe sc'oblal soc te ya yich'ic ta cuenta te chapbil c'op cu'une,

Gálatas 4:26

Yan te Jerusalén ta toyol, libre ay stuquel, ha jnantic te ho'otique,

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

Jeremías 31:23

Hich yaloj te Jehová te scuentahinej spisil, te Dios yu'un Israel: C'alal ya cac' te ya suhtic tal te jchuqueletic, hich me ya yalic yan buelta ta sq'uinal Judá soc ta pueblohetic yu'un: Te Jehová ac'a ya'bat bendición, ha'at yawilat te bin stojil ta pasel, ha'at ch'ul witsat, xchihic.

Jeremías 18:12

Pero ya me yalic: ¡Tojol! como ya me jt'uncotic bahel te loc'ombahetic cu'uncotic, jujutuhlotcotic ya jpascotic te bin ya snop te chopol co'tancotic, ya me yutic.

Jeremías 16:12

Pero te ha'exe c'ax hich chopol apasojic a te bin ut'il ame'atatique. Como ilawil, tuhlultuhlex la at'unic bahel te bin snopoj te achopol-o'tanic, ma ba la awa'iybonic te jc'ope.

Jeremías 14:21

Ta scuenta yich'el ta muc' abihil ma xach'ayotic bahel, ma me xapehc'ambe sc'oblal te huctajibal awu'un te ay yutsilal. Na'a me te c'op la achap ta jtojolcotic, ma me xalajimbe sc'oblal.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,

Isaías 66:1

Hich ya yal te Jehová: Ha huctajibal cu'un te ch'ulchan, soc ha scajtajib coc te bahlumilal. ¿Banti ay te na te yac apasbonique? ¿Banti ay te awilal yu'un ya jcux co'tan a?

Isaías 59:19

Hich ya xi'ic te sbihil Jehová c'alal ta stojol smahlib c'ahc'al, soc c'alal ta banti ya xloc' tal c'ahc'al ya me yich'ic ta muc' te yutsilale; yu'un hich ya xtal te bin ut'il snojel ha' te ya xtenot bahel yu'un te hu'xiyel yu'un Jehová.

Isaías 26:8

Ya jmahliyatcotic, Jehová, ta be yu'un te chahpanel awu'une; te abihil soc te ana'ojibal, ha te bin ya sc'an te co'tantique.

Isaías 6:1

Ta ha'bil te cham te ajwalil Uzías, la jquil ta jnahalsit te Cajwaltic hucul ta huctajibal te toyol soc toybil sc'oblal, soc noj te templo ta sti'il snahtil-c'u'.

Salmos 87:3

¡Buen t'ujbil yutsil te bintic halbil ac'oblal, ha'at pueblohat yu'un Dios! Selah

Salmos 78:8

te ma hichuquix te bin ut'il te sme'static, te jcaj ts'umbalil te tulan yo'tanic soc jtoybahetic, te mayuc yip yo'tanic ta stojol Dios soc ma ba jun yo'tanic ta stojol.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

Deuteronomio 29:29

Te bintic muquen ay, ha ay ta scuenta stuquel te Jehová te Dios cu'untic; yan te bintic ac'ot ta na'el, ha cu'untic soc cal-jnich'antic spisil ora, scuenta yu'un ya jpastic spisil te bintic ya yal te mandariletic ini.

Números 15:39

Ya xtuhun awu'unic te stsihtsimal, yu'un te c'alal yac awilic tey yac ana'ic a spisil te mandariletic yu'un Jehová; hich yac ach'uhunic spasel soc ma ba yac at'unic bahel te bin ya sc'an awo'tanic soc te bin ya yil te asit, te ha la yac' te yac awac' aba ta antsinel c'ohem.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Romanos 6:14

Como ma ba ya scuentahinexix te mulil, como ma ba ayex ta scuenta te Ley, ha ayexix ta scuenta te yutsil-o'tanile.

Ezequiel 1:26

Ta sba te bin limbil ta yahc'olal te sjolic ay bin chican te hich yilel te bin ut'il muc'ul huctajibal pasbil ta t'ujbil yaxal ton; soc ay mach'a te pajal soc winic yilel hucul ta bin pajal soc muc'ul huctajibal yilele.

Isaías 66:18

Como jna'oj bin yilel te ya'telic soc te bin snopojic; ya sta yorahil te ya yich' tsobel spisil te nacionetic soc c'opiletic: ya xtalic soc ya me yilbonic te cutsilale.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Jeremías 12:15

C'alal bulbilix loq'uel cu'un a, ya jcha'na'be xan yo'bolil sbahic, soc ya cac' suhtuc tal jujutuhl ta sq'uinalic, jujutuhl ta slumalic.

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Ezequiel 48:35

Ta sjoyobal te muc'ul pueblo ha cha'pic soc ho'bahc' (18,000) xuhc'ubil. Te sbihil te muc'ul pueblo ta hich ora bahel, ha Jehová-sama, xchi te Jehová.

Zacarías 8:8

ya quic'ticlan tal yu'un ya xnahinic ta Jerusalén. Ha pueblo cu'un ya xc'ohtic, soc ho'on Dioson yu'unic ya xc'ohon ta smelelil soc ta scuenta spasel bin toj.

1 Reyes 8:41

Ha nix hich te jyanlum, te ma ha'uc te pueblo Israel awu'un, te ya xtal ta namal q'uinal scaj te abihile,

Salmos 102:23

Ha la slajimbon quip ta ohlil be, la spehc'ambon corahil.