Jeremías 3:12 - Bible in Tzeltal Bachajón

¹² Bahan, hich me xapuc ta halel ta stojol norte: Suhtanic tal ta jtojol, toyba Israel, xchi te Jehová, ma ba soc ilimba ya quilatix, como ho'on jc'uxultaywanejon, xchi te Jehová, ma ba spisil ora ya x'ilinon.

Bible in Tzeltal de Oxchuc y Tenejapa

¹² Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Jeremías 3:12 Referans Kwoze

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

Jeremías 33:26

hich ya sp'aj co'tan te sts'umbal Jacob soc David te a'bat cu'un, yu'un ma ba ya jtsa te sts'umbal David te ha ya scuentahin te sts'umbal Abraham, Isaac soc Jacob. Ya me cac' suhtuc te jchuqueletic yu'unic soc ya me jc'uxultay, xchi.

Jeremías 31:20

Te Efraín, ¿ma bal ha'uc te jnich'an te bayel sc'oblal ta co'tan? ¿Ma bal ha'uc te alal te ya smulan te co'tane? Aunque bayel la jtsits, ya jna'ulan. Ha yu'un ya stij sba co'tan ta scuenta, bayel me ya jna'be yo'bolil sba, xchi te Jehová.

Jeremías 3:22

Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Jeremías 3:18

Ta hich ora te sna Judá ya sjoquin te sna Israel, soc pajal ya xloq'uic tal ta q'uinal ta norte, ya xc'ohtic ta q'uinal te la jca'be yich'ic hilel te ame'atatique.

Jeremías 30:11

Como ho'on joquinejat yu'un ya jcoltayat, xchi te Jehová. Ya jlajinlan spisil te nacionetic te banti la jpucticlanex bahele, yan te ha'ate ma ba ya jlajinat atuquel, aunque stojil ya ca'bat castigo; ma yu'unuc ma ba ya ca'bat castigo, xchi.

Jeremías 23:8

pero hich me ya yalic: Yiloj Jehová te la sloq'uesbe tal te sts'umbal Israel ta q'uinal ta stojol norte soc ta spisil te q'uinaletic banti la spucticlan bahel, xchihic. Hich ya xnahinic ta sq'uinalic, xchi.

Jeremías 4:1

Teme ya suhtat talel, Israel, xchi te Jehová, suhtan tal ta jtojol. Teme yac aloq'ues bahel te loc'ombahetic awu'un te ihlaybilic soc teme ma ba bayuc nax ya xbahex,

Jeremías 3:5

¿spisil bal ora ya x'ilinat? ¿sbahtel bal q'uinal ya xhalaj te awilimba? ma bal xchihucat? Hich ya xc'opojat, pero la apas spisil te bin chopol te hu' awu'une, xchi te Jehová.

Salmos 145:8

Te Jehová t'ujbil yo'tan soc ya sna' yo'bolil jbahtic, ma x'ilin ta ora soc ay bayel sc'uxul yo'tan.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

2 Reyes 18:1

Ta yoxebal ha'bil yochel ta ajwalil yu'un Israel a te Oseas snich'an Ela, och ta ajwalil yu'un Judá te Ezequías snich'an Acaz.

2 Reyes 17:23

ha to c'alal Jehová la sloq'ueslan ta stojol, hich te bin ut'il yaloj ta scuenta spisil te jalwanejetic te a'batetic yu'une. Hich te Israel ic'otic bahel ta chuquel ta Asiria c'alal ora.

Deuteronomio 30:2

teme ya suhtat ta stojol te Jehová te Dios awu'un, soc teme ha'at soc awal-anich'nab, ta spisil awo'tan soc ta spisil ach'uhlel hich yac ach'uhumbe sc'op te bin ut'il spisil bintic yac jpasbelat ta mandar ta ora ini,

Oseas 6:1

La'ic, suhtucotic ta stojol Jehová; ha nix la stsacotic, pero ya spoxtayotic; la yehchentesotic, pero ya spotsbotic.

Ezequiel 39:25

Ha yu'un, hich yaloj te Jehová, te Ajwalil: Yo'tic ya cac' suhtuc talel te jchuqueletic yu'un Jacob, soc ya jna'be yo'bolil sba spisil te sna Israel; soc ya cac' ta ilel te xut'et co'tan yu'un te jch'ul bihile.

Jeremías 31:8

Ilawil, ya cac' suhtuc tal ta q'uinal te ay ta norte, ya jtsob tal c'alal sti'il te bahlumilale. Ta yohlilic ay ts'o'sitetic soc coxo'etic, ay ants te swoloj yal soc ay ants te ayinemix yal; ¡c'ax bayelic te ya suhtic talele!

Jeremías 3:14

Suhtanic talel, toyba al-nich'anex, xchi te Jehová, como ho'on amamalalon; ya me quiq'uex, jujutuhl ta jujun pueblo soc cha'cha'tuhl ta jujuchahp ats'umbal, ya quiq'uex talel ta Sión.

Jeremías 3:7

Hich la jcal: C'alal pasbilix yu'un spisil ini, ya me suht tal ta jtojol, xchihon; pero ma ba suht talel. Te yihts'in, ha te toyba Judá,

Jeremías 3:1

Ay hich ya yalic: Teme ay mach'a ya yihquitay hilel yihnam, ya xloc' bahel te ants soc ya xnuhpun soc yan winic, ¿ya to bal scha'ic'ot xan yu'un te winique? ¿Ma bal jc'axeluc ya xbohlob te q'uinal yu'un? Pero ha'at la awac' aba ta antsinel soc tsobol mach'atic jun awo'tan aba soc, ¿ya to bal suhtat tal ta jtojol? xchi te Jehová.

Isaías 44:22

Hich la jmes bahel te ac'axun-c'opic te bin ut'il tocal, te muliletic awu'un hich te bin ut'il sahb ha'. Suhtanic tal ta jtojol, como la jcac'at ta libre, xchi.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Salmos 103:17

Yan te sc'uxul yo'tan Jehová sbahtel q'uinal ay ta stojol te mach'atic ya yich'ic ta muc', soc stojil bin ya spas ta stojol te cajalcaj yal-snich'nabic,

Salmos 103:8

Te Jehová ay sc'uxul yo'tan soc lec yo'tan, ma orahuc ya x'ilin, ay bayel sc'uxul yo'tan.

Salmos 79:5

¿Bin to ora, Jehová? ¿Ya bal x'ilinat spisil ora? ¿Hich bal ya xtihl te xut'et awo'tan te bin ut'il c'ahc'?

2 Crónicas 30:9

Yu'un teme ya suhtex tal ta stojol te Jehová, te awermanotac soc te anich'nabic ya me stahic c'uxultayel yu'un ta stojol te mach'atic chucbilic bahel yu'unic, soc ya me suhtic talel li' ta q'uinal ini; como te Jehová te Dios awu'unic lec yo'tan soc ha jc'uxultaywanej stuquel, ma yanuc banti ya yil bahel ta atojolic teme ya suhtex tal ta stojol, xchi.

2 Reyes 17:6

Ta sbalunebal ha'bil yu'un te Oseas, te ajwalil yu'un Asiria la yich' te Samaria. La yic'ticlan bahel ta chuquel ta Asiria te israeletique. La yac'ticlan nahinicuc ta sq'uinal Halah, ta ti'ti'ha' Habor te muc'ul-ha' ta Gozán, soc ta pueblohetic yu'un te medohetique.

2 Reyes 15:29

Te c'alal ay ta ajwalil yu'un Israel a te Peka, tal te Tiglat-pileser ajwalil yu'un Asiria, la stsal te Ijón, Abel-bet-maaca, Janoa, Cedes, Hazor, Galaad, Galilea soc spisil te sq'uinal Neftalí; la yic'ticlambe bahel ta chuquel ta Asiria te mach'atic nahinemic tey a.

Génesis 4:7

Teme lec bin yac apas, ¿ma bal lecuc ac'oblal ya xc'ohat yu'un? Yan teme ma lecuc bin yac apas, ay ta ti'nahil te mulile; ha ya sc'anat, pero ha'at ya me atsal, xchi.

Levítico 26:40

Yan teme jamal ya yalic te smulic soc te smul sme'static, ha te la stoy sbahic ta jtojol soc te la scontrahinonic,

Salmos 103:9

Ma spisiluc ora ya yalbotic jmultic, soc ma ba stalel ya sq'uej ta yo'tan te yilimbahe.

Jeremías 11:6

Hich la yalbon te Jehová: Puca ta halel spisil te c'opetic ini ta pueblohetic yu'un Judá soc ta callehetic yu'un Jerusalén, hich me xawal: A'iybeya awa'iyic sc'oblal bin ya yal te chapbil-c'op ini soc ch'uhunahic spasel.

Jeremías 12:15

C'alal bulbilix loq'uel cu'un a, ya jcha'na'be xan yo'bolil sbahic, soc ya cac' suhtuc tal jujutuhl ta sq'uinalic, jujutuhl ta slumalic.

Lamentaciones 3:22

Ha ta scuenta sc'uxul yo'tan Jehová te ma ba lajemotic, como mayuc bin ora ya xlaj te sc'uxul yo'tane;

Ezequiel 11:17

Ha yu'un hich xawalbe: Hich yaloj te Jehová te Ajwalil: Ho'on ya jcha'tsobex xan tal ta pueblohetic, ya jcha'iq'uex xan tal ta q'uinaletic te banti puhquemex bahele, ya ca'beyex te sq'uinal Israel.

2 Crónicas 29:10

Ha yu'un yo'tic ho'on jnopoj te ya jchap jc'op soc Jehová te Dios yu'un Israel scuenta yu'un hich ya xloc' bahel a te yilimba ta jtojoltic.

Isaías 31:6

Yal-snich'nab Israel, ¡suhtanic bahel ta stojol te mach'a tulan atoyoj abahic ta stojole!

Jeremías 31:21

A'beya señahiletic ta be, a'beya señahiletic te ya stojobtesat bahel; ilawil ta lec te be, te be te banti behenemat bahele. Suhtan tal, ach'ix Israel, suhtan tal ta pueblohetic awu'un.

Zacarías 1:4

Ma me hichuquex te bin ut'il ame'atatic te hich halbotic yu'un te nahil jalwanejetic: Hich yaloj te Jehová te scuentahinej spisil: Ihquitayahic hilel te chopol behetic awu'unic soc te chopol awa'telic, te xchihique, pero ma ba la ya'iyic soc ma ba la yich'onic ta cuenta, xchi te Jehová.