Jeremías 3:10 - Bible in Tzeltal Bachajón

¹⁰ Aunque hich c'oht ta pasel, te Judá, te yihts'in, ma ba suht tal ta jtojol soc spisil yo'tan, ha nax la spason ta lot, xchi te Jehová.

Bible in Tzeltal de Oxchuc y Tenejapa

¹⁰ Ta patil, te Judá te ma junuc yo'tane, ma ba sujt' soc spisil yo'tan ta jtojol, ja' nax la spason ta lot. Jo'on, Ajwalilon te jich ya cal —xi'.

Jeremías 3:10 Referans Kwoze

Oseas 7:14

Ma ba la yawtayon soc spisil yo'tanic te c'alal oq'uic ta swayibic; la stsob sbahic ta scuenta trigo soc vino, la stoy sbahic ta jtojol.

Jeremías 12:2

La ats'unticlan, la yac' slohp'ic; ya xmuc'ubic soc ya sitinic. Nopol ayat ta yehic, pero namal ayat ta yo'tanic.

Isaías 10:6

Ya jticon ta contrahinel jun jmulawil nación, ya jticon bahel ta stojol te pueblo te ya shachbon quilimba, yu'un ya spojbe sbiluc soc ya yich'be bintic ay yu'un, soc yu'un ya sts'o' ta teq'uel hich te bin ut'il ahch'al ta calle.

Salmos 66:3

Halbeya te Diose: ¡Mero jchahp a te a'teliletic awu'un! Ta scuenta te smuc'ul awu'el ya me squejan sbahic ta atojol te acontrataque.

Salmos 18:44

Te c'alal la ya'iybonic jc'op, la sch'uhunic spasel; te jyanlumetic soc xiwel la yich'onic ta muc'.

2 Crónicas 34:33

Te Josías la sloq'ueslan spisil te bintic ilobtic sba ta spisil sq'uinal Israel, soc la yac' te spisil mach'atic ayic ta Israel ya yac' sbahic ta a'batinel ta stojol Jehová te Dios yu'unic. Te jayeb c'ahc'al cuxul te Josías ma ba la yihquitayic te Jehová te Dios yu'un te sme'static.

Isaías 31:6

Yal-snich'nab Israel, ¡suhtanic bahel ta stojol te mach'a tulan atoyoj abahic ta stojole!

Jeremías 11:10

Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Amós 4:9

La jmajat ta c'ahc'al ic' soc ta yol, te c'ulub la slajimbat bayel bintic ts'umbil soc te ts'usubiletic awu'unic, te higuerahetic soc te olivohetic awu'unic, pero ma ba suhtex tal ta jtojol yu'un, xchi te Jehová.

Isaías 29:13

Hich la yal te Jehová: Te pueblo ini ya xnohpojic tal ta jtojol soc sc'opic soc ya yich'onic ta muc' ta sti'il nax yehic, pero namal ay ta jtojol te yo'tanic soc te ya yich'onic ta muc', ha nax smandar winic te nohptesbilic a.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Malaquías 2:11

Judá ma junuc yo'tan ta stojol Dios, la spas te bin ilobtic sba ta Israel soc ta Jerusalén, como te Judá la sbohlobtesbe sc'oblal te ch'ul awilal yu'un Jehová te c'ux ta yo'tan, te bin ut'il nuhpun soc yantsil-nich'an jun dios yu'un jyanlumetic.