Jeremías 28:4 - Bible in Tzeltal Bachajón

⁴ Soc ya cac' suhtuc tal ta lugar ini te Jeconías snich'an Joacim, ajwalil yu'un Judá, soc spisil te mach'atic yu'un Judá te ic'otic bahel ta Babilonia, xchi te Jehová, yu'un ya jwac'be te yugo yu'un te ajwalil yu'un Babilonia, xchi te Hananías.

Bible in Tzeltal de Oxchuc y Tenejapa

⁴ Soc ya cac' sujt'el tel li' ta lum to te Jeconías snich'an Joacim, te muc' ajwalil yu'un Judá, soc te yantic ants-winiquetic te loq'uic bael ta Judá te ic'otic bael ta mosoil ta Babilonia. Jo'on Ajwalilon, jich ya cal”, xi' ta yalel te Cajwaltique —xi' te Hananías.

Jeremías 28:4 Referans Kwoze

Jeremías 22:24

¡Cuxulon, xchi te Jehová, aunque ha jch'ocow ta jwa'el-c'ab te Jeconías snich'an Joacim, ajwalil yu'un Judá, ya jloq'ues tey a!

Jeremías 28:2

Hich yaloj te Jehová te scuentahinej spisil, te Dios yu'un Israel: Ya jwac'be te yugo yu'un te ajwalil yu'un Babilonia.

Jeremías 24:1

Te c'alal te Nabucodonosor ajwalil yu'un Babilonia yic'ojix bahel ta Babilonia a te Jeconías snich'an Joacim, ajwalil yu'un Judá, soc te príncipaletic yu'un Judá, te mach'atic ay bin ya sna'ic spasel soc te jten-taq'uinetic ta Jerusalén, te Jehová la ya'bon quil cheb moch higo te ac'bilic ta stojol te templo yu'un Jehová.

Nahúm 1:13

Ya jwuybat te yugo acuchoj soc ya jtuch'bat achucojibal, xchi.

Jeremías 30:8

Ta hich ora, xchi te Jehová te scuentahinej spisil, ya jwac'be te yugo ay ta snuc' soc ya jtuch'be schucojbil, ma ba ya xmosohinotiquix yu'un jyanlumetic.

Jeremías 28:10

Ha yu'un te jalwanej Hananías la sloq'uesbe te yugo ay ta snuc' te jalwanej Jeremías, la swac'be,

Jeremías 24:5

Hich yaloj te Jehová, te Dios yu'un Israel: Hich te bin ut'il te lequil higohetic ini, hich ya quil te mach'atic la yich'ic loq'uesel ta Judá, te la jticonlan bahel ta sq'uinal te caldeohetique.

Jeremías 22:10

Ma me xawoq'uetayic te mach'a chamen, ma me xamel awo'tan ta stojol; tulan xawoq'uetay te mach'a ya xbaht ta chuquel, como mayuquix bin ora ya suht talel soc ma ba ya yilix te q'uinal te banti ayine.

Jeremías 2:20

Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.

Isaías 9:4

Como la alajimbe te yugo yu'unic te al, ha te te' ay ta snehquelic soc te bastón yu'un te mach'a uts'inot yu'un, hich te bin ut'il ta yorahil te jihn te Madián.

Génesis 27:40

Ta scuenta te espada awu'un ya xcuxajat, soc yac awac' aba ta a'batinel yu'un te awihts'ine; pero te bin ora awich'ojix awip a, yac aloq'ues ta anuc' te yugo yu'une, xchi.

Jeremías 27:8

Teme ay nación o ajwalil te ma ba ya yac' sba ta a'batinel yu'un te Nabucodonosor ajwalil yu'un Babilonia, te ma ba ya yac' ta snuc' te yugo yu'un te ajwalil yu'un Babilonia, ya ca'be castigo ta espada, ta wi'nal soc ta jmilawal-chamel ha to c'alal ya xlaj ta sc'ab, xchi te Jehová.

Levítico 26:13

Ho'on Jehovahon, te Dioson awu'unic, te la jloq'uesex tal ta sq'uinal Egipto scuenta yu'un ma ba ya smosohinex; la jtuch'be schuhquil te yugo awu'unic soc la jcac' te atoyoj ajolic a ya xbehenex.

2 Reyes 24:14

La yic'ticlan bahel ta chuquel spisil mach'atic ayic ta Jerusalén: spisil te príncipaletic soc spisil te winiquetic te ay yipic, spisil te mach'atic ay bintic ya sna'ic spasel soc herrerohetic, ha jpic soc ho'bahc' (10,000) ta tuhl ta spisilic. Mayuc mach'a hil, ha xanix hilic te mach'atic pobrehetic ta q'uinal.

Jeremías 13:19

Te pueblohetic ta Neguev la yich'ic maquel, mayuc mach'a ya xhu' ya sjam; spisil Judá ic'ot bahel, spisilic ic'otic bahel ta chuquel.

Jeremías 29:1

Hich ya yal te carta la sticon bahel te jalwanej Jeremías c'alal ta Jerusalén ta stojol te mamaletic te cuxulic to te ayic ta yohlil te mach'atic ic'otic bahel ta chuquel, soc te sacerdotehetic, jalwanejetic soc spisil te pueblo te ic'otic bahel yu'un Nabucodonosor ta Babilonia.

Jeremías 29:2

(Ic'otiquix bahel a te ajwalil Jeconías, te snan, te mach'atic ayic ta sna ajwalil, te príncipaletic yu'un Judá soc Jerusalén, te mach'atic ay bin ya sna'ic spasel soc te ingenierohetic ta Jerusalén.)