Jeremías 28:13 - Bible in Tzeltal Bachajón

¹³ Bahan, halbeya te Hananías: Hich yaloj te Jehová: La awac' yugo pasbil ta te', pero ho'on la jchahpambat yugo pasbil ta taq'uin.

Bible in Tzeltal de Oxchuc y Tenejapa

¹³ —Baan, albeya te Hananías: “Te jo'on Ajwalilon ya cal: La awuy ta c'asel te yugo-te'e; ja'uc me to, jchajbanejbat jun yugo-taq'uin.

Jeremías 28:13 Referans Kwoze

Lamentaciones 2:14

Te jalwanejetic awu'un la yilbat te bin ma meleluc soc te asonsohil, ma ba la yaq'uic chicnajuc te amul yu'un hich ma ba ya xbahat ta chuquel a, ha la yalbat awa'iy lotil sc'op-jalwanej soc howil c'op.

Jeremías 27:15

Como ma ho'ucon la jticonlan, xchi te Jehová; ya yalic lotil sc'op-jalwanej ta scuenta jbihil; hich ya jtenex loq'uel soc ya xch'ayex bahel, ha'ex soc te jalwanejetic te la yalbeyex te sc'op-jalwanej, xchihon.

Salmos 149:8

scuenta schucticlanel ta cadena te ajwaliletic yu'unic, soc ta cadenahetic pasbil ta taq'uin te mach'atic ich'bilic ta muc';

Deuteronomio 28:48

ha yu'un ya me awac' aba ta a'batinel yu'un acontra te ya sticon tal ta atojol te Jehová, ha yac apas soc awi'nal, taquinti'il, mayuc ac'u' apac' soc mayuc bin ay awu'un a. Ha ya ya'bat ta anuc' jun yugo pasbil ta taq'uin, ha to c'alal jc'axel ya slajinat.

Salmos 107:16

yu'un la swuyticlan puertahetic pasticlambil ta bronce, soc la swac'ticlan te sc'atal taq'uinetique.

Isaías 45:2

Ho'on ya xnahilijon bahel awu'un soc ya jpaman te witsiltic, ya jwuyticlan puertahetic pasbilic ta bronce, soc ya jsesen te sc'atal taq'uinetic pasbilic ta hierro.

Jeremías 27:2

Hich la yalbon te Jehová: Pasa yugo soc schucojbil, ac'a ta anuc'.

Lamentaciones 1:14

Te muliletic cu'un la schucbon ta jnuc' hich te bin ut'il yugo, te Jehová ha nix ta sc'ab la schucbon ta jnuc', laj quip yu'un. ¡Te Cajwal yac'ojon ta sc'ab te mach'atic ma xhu' ya jcoltay jba ta stojolic!

Ezequiel 30:18

Ya x'ihc'ub te c'ahc'alel ta Tafenes te c'alal ya jlajimbe yip te Egipto soc te ya xlaj te stoybahil yu'un te yipe; ya xmacot ta yihc'al q'uinal, soc te mach'atic nahinemic ta tut pueblohetic yu'un ya x'ic'otic bahel ta chuquel.

2 Crónicas 10:11

Teme al te ihcatsil la ya'beyex acuchic te jtate, c'ax to xan hich yalal ya ca'beyex a te ho'one. Te jtat la smajex ta xul, pero ho'on ya jmajex ta tsequetic, xchihic.