Jeremías 27:7 - Bible in Tzeltal Bachajón

⁷ Spisil te nacionetic ya me yac' sbahic ta a'batinel yu'un soc te snich'an soc smam, ha to c'alal ya xc'oht yorahil te slumal nix ya x'och ta mosohil yu'un bayel nacionetic soc muc'ul ajwaliletic.

Bible in Tzeltal de Oxchuc y Tenejapa

⁷ Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Jeremías 27:7 Referans Kwoze

Jeremías 52:31

Ta shuclajunebal scha'winic (37) ha'bil sbahel ta chuquel a te Joaquín ajwalil yu'un Judá, ta shahchibal ha'bil yochel ta ajwalil yu'un Babilonia a te Evil-merodac, la ya'be yil yutsil yo'tan te Joaquín ajwalil yu'un Judá, la sloq'ues ta cárcel ta ho'eb scha'winic (25) c'ahc'al yu'un te slahchayebal (12) u.

Apocalipsis 16:19

Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

Apocalipsis 14:8

Tap'al tal ta spat yan ch'ul a'bat te hich la yal: Jihnemix, jihnemix te muc'ul Babilonia, ha te la ya'be yuch'ic spisil nacionetic te vino yu'un te antsinel yu'une, xchi.

Habacuc 2:7

¿Ma bal orahuc ya xtal te mach'atic ay abet yu'un, soc te ya xwic' sitic te mach'atic ya yac' te ya xnihcat? Pojbil ya xc'ohat yu'unic.

Isaías 21:9

¡Ilawil, yac ta talel winiquetic cajajtic, cha'cha'tuhlic scholoj sbahic! xchi. Patil hich la yal: ¡Yahlix, yahlix te Babilonia! Te loc'ombahetic yu'un te diosetic yu'un wuyiquix ta lum, xchi.

Isaías 13:1

Ha te bin halbil sc'oblal te Babilonia te a'bot sna' te Isaías snich'an Amoz:

Salmos 37:13

Pero ya me stse'layot yu'un te Cajwaltic, como na'bil yu'un te nopol ya xlajix yorahil.

Jeremías 27:22

Ya me x'ich'otic bahel ta Babilonia, tey ya xhilic a ha to c'alal ya sta yorahil te ya xtal quile, xchi te Jehová. Hich ya quich' suhtel tal soc ya jcha'ac'ticlan ta lugar ini, xchi.

Jeremías 34:1

Ha te sc'op Jehová te tal ta stojol Jeremías c'alal la ya'beyic guerra te Jerusalén te Nabucodonosor ajwalil yu'un Babilonia soc spisil te soldadohetic yu'un, spisil te nacionetic te cuentahimbilic yu'un soc spisil te pueblohetic yu'un, hich la yal:

Jeremías 44:30

Hich yaloj te Jehová: Ya cac' te faraón Hofra ajwalil yu'un Egipto ta sc'ab te mach'atic ya slehbe scuxlejal, hich te bin ut'il la jcac' te Sedequías ajwalil yu'un Judá ta sc'ab te Nabucodonosor ajwalil yu'un Babilonia, ha te scontra te lehbot scuxlejal yu'une, xchi.

Jeremías 46:13

Te sc'op Jehová te la yalbe te jalwanej Jeremías sc'oblal te ya xtal te Nabucodonosor ajwalil yu'un Babilonia yu'un ya yochintay te sq'uinal Egipto:

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Habacuc 2:8

Te bin ut'il la apojbe sbiluc bayel nacionetic, spisil te yantic pueblohetic ya me spojbat abiluc, ta scaj smalbeyel sch'ich'el ants-winiquetic soc te uts'inel ta q'uinal, ta pueblohetic soc ta stojol spisil mach'atic nahinemic tey a.

Ezequiel 30:24

Ya ca'be yip sc'ab te ajwalil yu'un Babilonia, soc ya ca'be ta sc'ab te espada cu'une; pero ya jwac'be sc'ab te faraón, soc ya x'ahcanaj ta stojol hich te bin ut'il mach'a ehchenaj yu'un lajel.