Jeremías 27:22 - Bible in Tzeltal Bachajón

²² Ya me x'ich'otic bahel ta Babilonia, tey ya xhilic a ha to c'alal ya sta yorahil te ya xtal quile, xchi te Jehová. Hich ya quich' suhtel tal soc ya jcha'ac'ticlan ta lugar ini, xchi.

Bible in Tzeltal de Oxchuc y Tenejapa

²² —Ya me x'ich'otic bael ta Babilonia, tey me ya yich' q'uejel a, ja' to te bi ora ya jc'an quich' tel ta yan buelta ta bay q'uinal to. Jo'on Ajwalilon, jich ya cal —xi' te Cajwaltique.

Jeremías 27:22 Referans Kwoze

Jeremías 29:10

Como hich yaloj te Jehová: C'alal ya sts'acay te lajuneb schanwinic (70) ha'bil ta Babilonia, ya xtal jc'ohtes ta pasel te bin t'ujbil caloj ta atojolic, ya cac' te ya suhtex talel ta lugar ini.

Jeremías 32:5

soc ha ya x'ic'ot bahel yu'un ta Babilonia, tey ya x'ayin a ha to c'alal ya jna' xan. Teme yac awa'beyic guerra te caldeohetic, ma xhu' awu'un, te xhihate? xchi.

Esdras 7:19

Te bintic ya xtuhun yu'un te a'tel ta sna te Dios awu'unic, te awich'ojix, ya me awich' suhtel ta stojol Dios ta Jerusalén.

Esdras 1:11

Ta spisil te biluquetic pasticlambil ta oro soc ta plata ay lajunwinic schanlajunbahc' (5,400). Spisil ini la yich' bahel te Sesbasar te c'alal hahchic bahel ta Babilonia te jchuqueletic te bahtic ta Jerusalén.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

Daniel 9:2

ta shahchibal ha'bil yochel ta ajwalil a, ho'on Daniel, la jquil ta hunetic te bin halbot yu'un Jehová te Jeremías te jayeb ha'bil te ya xhalaj te jinel yu'un Jerusalén, ha lajuneb schanwinic (70) ha'bil.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Jeremías 34:5

jun awo'tan ya xchamat. Soc hich te bin ut'il la schiq'uic bintic sumet yic' c'alal chamic te me'iltatiletic awu'un, ha te ajwaliletic te nahil ay awu'un, hich me ya schiq'uic ta acuenta soc hich me ya yoq'uetayat: ¡Ay, ajwalil! xchihic, como ho'on caloj te c'op ini, xchi te Jehová.

Esdras 7:9

Ta sba c'ahc'alil yu'un te shahchibal u hahch loq'uel ta Babilonia, c'oht ta Jerusalén ta sba c'ahc'alil ta yo'ebal u, como ay ta stojol te sc'ab te Diose.

2 Crónicas 36:21

scuenta yu'un ya xc'oht ta pasel te bin yaloj te Jehová ta scuenta Jeremías, ha to c'alal ts'acay te yorahil te ya scux yo'tan te q'uinale. Te q'uinal la scux yo'tan te jayeb ora jihnem, ha to c'alal c'ax te lajuneb schanwinic (70) ha'bil.

2 Reyes 25:13

Te caldeohetic la swuyticlanic te toyol bahlal oyetic pasbilic ta bronce te ayic ta sna Jehová, te yawil ha'etic soc te muc'ul yawil ha' pasbil ta bronce te ay ta sna Jehová, la yich'ic bahel te bronce ta Babilonia.

Jeremías 20:5

Soc ya ca'be ta sc'ab scontratac spisil sc'ulejal te pueblo, spisil sit ya'tel soc spisil bintic t'ujbil yu'un, soc spisil sc'ulejal te ajwaliletic yu'un Judá; ya me spojticlanic soc ya me yich'ic bahel ta Babilonia.

Jeremías 27:7

Spisil te nacionetic ya me yac' sbahic ta a'batinel yu'un soc te snich'an soc smam, ha to c'alal ya xc'oht yorahil te slumal nix ya x'och ta mosohil yu'un bayel nacionetic soc muc'ul ajwaliletic.

Jeremías 27:21

hich yaloj te Jehová te scuentahinej spisil, te Dios yu'un Israel, sc'oblal te bintic ya xtuhun te hilemic ta sna Jehová soc ta sna te ajwalil yu'un Judá soc ta Jerusalén:

Jeremías 34:2

Hich yaloj te Jehová, te Dios yu'un Israel: Bahan, halbeya te Sedequías ajwalil yu'un Judá te hich yaloj te Jehová: Ya cac' ta sc'ab te ajwalil yu'un Babilonia te pueblo ini, ha ya schic' ta c'ahc'.

Jeremías 34:3

Te ha'ate ma ba ya xcolat loq'uel ta sc'ab, ya me xtsacotat soc ya x'ac'otat ta sc'ab. Ya me awil ta asit te ajwalil yu'un Babilonia te ya sjucat ta c'op ta asit; soc ya me xbahat ta Babilonia.