Jeremías 27:21 - Bible in Tzeltal Bachajón

²¹ hich yaloj te Jehová te scuentahinej spisil, te Dios yu'un Israel, sc'oblal te bintic ya xtuhun te hilemic ta sna Jehová soc ta sna te ajwalil yu'un Judá soc ta Jerusalén:

Jeremías 27:21 Referans Kwoze

Jeremías 20:5

Soc ya ca'be ta sc'ab scontratac spisil sc'ulejal te pueblo, spisil sit ya'tel soc spisil bintic t'ujbil yu'un, soc spisil sc'ulejal te ajwaliletic yu'un Judá; ya me spojticlanic soc ya me yich'ic bahel ta Babilonia.

Jeremías 27:20

te ma ba ich'otic bahel yu'un te Nabucodonosor ajwalil yu'un Babilonia te c'alal la yic' bahel ta Babilonia te Jeconías snich'an Joacim, ajwalil yu'un Judá, soc spisil te mach'atic ich'bilic ta muc' ta Judá soc ta Jerusalén;

Jeremías 27:22

Ya me x'ich'otic bahel ta Babilonia, tey ya xhilic a ha to c'alal ya sta yorahil te ya xtal quile, xchi te Jehová. Hich ya quich' suhtel tal soc ya jcha'ac'ticlan ta lugar ini, xchi.

2 Reyes 20:17

Ya xc'oht sc'ahc'alel te spisil bintic ay ta ana, spisil bintic tsobil yu'un te ame'atat c'alal ora, ya x'ich'ot bahel ta Babilonia, mayuc bin ya xhil, xchi te Jehová.

2 Crónicas 36:18

Soc spisil te biluquiletic ta sna Dios, muq'uic soc tutic, te c'ulejaliletic yu'un te sna Jehová, te c'ulejaliletic yu'un te sna ajwalil soc yu'un te príncipaletic, spisil la yich' bahel ta Babilonia.

Esdras 1:7

Te ajwalil Ciro la sloq'ues te biluquetic te ya xtuhun ta sna Jehová, te yich'oj ta Jerusalén te Nabucodonosor te la yac'ticlan ta sna te diosetic yu'une.

Esdras 1:11

Ta spisil te biluquetic pasticlambil ta oro soc ta plata ay lajunwinic schanlajunbahc' (5,400). Spisil ini la yich' bahel te Sesbasar te c'alal hahchic bahel ta Babilonia te jchuqueletic te bahtic ta Jerusalén.

Isaías 39:6

Ya me sta yorahil te spisil bintic ay ta ana, soc spisil bintic la stsob te ame'atat c'alal ora, ya x'ich'ot bahel ta Babilonia; mayuc bin ya xhil, xchi te Jehová.

Lamentaciones 1:10

Te scontra la shach sc'ab ta stsaquel spisil te bintic bayel sc'oblal yu'une; la yil te ochic yantic nacionetic ta ch'ul awilal yu'un, ha te la awal mandar, Cajwal, te ma me x'ochic ta tsoblej awu'une.