Jeremías 27:19 - Bible in Tzeltal Bachajón

¹⁹ Como te Jehová te scuentahinej spisil hich yaloj sc'oblal te oyetic, te yawil ha', te scajtajibic soc spisil bintic ya xtuhun te hilemic ta pueblo ini,

Bible in Tzeltal de Oxchuc y Tenejapa

^19-21 C'alal te muc' ajwalil Nabucodonosor la yic' loq'uel ta Jerusalén te Jeconías, snich'an Joacim, muc' ajwalil yu'un Judá, la yac' ainuc ta Babilonia, soc spisil te winiquetic te muc' sc'oplalic ta Judá soc ta Jerusalén, ma la yich' bael te balal taq'uinetic, ni te mero muc'ul yawil ja' pasbil ta bronce, ni te scajtijib yawil ja'etic, ni te sobrail sbiluquil te templo. Te Cajwaltic te Spisil ya xju' yu'une la yalbey sc'oplal te bitic jilemic xan ta templo, soc ta bay spalacio te muc' ajwalil yu'un Judá, soc ta Jerusalén:

Jeremías 27:19 Referans Kwoze

2 Reyes 25:13

Te caldeohetic la swuyticlanic te toyol bahlal oyetic pasbilic ta bronce te ayic ta sna Jehová, te yawil ha'etic soc te muc'ul yawil ha' pasbil ta bronce te ay ta sna Jehová, la yich'ic bahel te bronce ta Babilonia.

2 Reyes 25:17

Te bahlal taq'uin c'axem ta waxaclajuneb (18) xuhc'ubil stoyolil, soc ta sni'il ay chahpambil sch'ahlel ta bronce, oxeb xuhc'ubil stoyolil; ta sjoyobal yich'oj lop'taybil chejchej taq'uin soc sloc'omba sit granada ta sjoyobal, spisil pasbil ta bronce. Pajal ay te yan bahlal taq'uin soc te sch'ahlele.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

1 Reyes 7:23

Soc la spas ta uhltesbil bronce jun muc'ul yawil ha' te buen sepel, ha lajuneb xuhc'ubil te smuc'ul soc ho'eb xuhc'ubil te stoyolil; te sjoylejal te sti'il ha lajuneb scha'winic (30) xuhc'ubil

1 Reyes 7:27

Soc la spas lajuneb scajtajib ha' pasbil ta bronce, chaneb xuhc'ubil jujun xuhc, soc oxeb xuhc'ubil stoyolil te jujune.

2 Crónicas 36:18

Soc spisil te biluquiletic ta sna Dios, muq'uic soc tutic, te c'ulejaliletic yu'un te sna Jehová, te c'ulejaliletic yu'un te sna ajwalil soc yu'un te príncipaletic, spisil la yich' bahel ta Babilonia.

Lamentaciones 1:10

Te scontra la shach sc'ab ta stsaquel spisil te bintic bayel sc'oblal yu'une; la yil te ochic yantic nacionetic ta ch'ul awilal yu'un, ha te la awal mandar, Cajwal, te ma me x'ochic ta tsoblej awu'une.