Jeremías 27:18 - Bible in Tzeltal Bachajón

¹⁸ Teme ha jalwanejetic soc teme yich'ojic te sc'op Jehová, ac'a sc'oponic te Jehová te scuentahinej spisil scuenta yu'un te bintic hilemic te ya xtuhunic ta sna Jehová soc te ayic ta sna te ajwalil yu'un Judá soc ta Jerusalén te manchuc ya x'ich'otic bahel ta Babilonia, xchi.

Bible in Tzeltal de Oxchuc y Tenejapa

¹⁸ Teme smelelil te ja' j'alwanejetic soc teme smelelil c'opojonix te jo'one, c'anbonic ta jtojol jo'on te Ajwalilon te Spisil ya xju' cu'une, te ma me xcac' bael ta Babilonia te sbiluquil templo te ay to jileme, soc ta bay spalacio te muc' ajwalil ta Judá, soc ta bay Jerusalén”, xi' te Cajwaltic —xoon.

Jeremías 27:18 Referans Kwoze

1 Samuel 7:8

Ha yu'un hich la yalbeyic te Samuel: Ma me xquehchajat ta c'op ta stojol Jehová te Dios cu'untic, te yacuc scanantayotic te ma ba ya x'ochotic ta sc'ab te filisteohetique, xchihic.

Jeremías 18:20

¿Ya bal yich' tojel ta bin chopol te bin lec, te bin ut'il la sjoc'bonic jch'enal? Na'a me te la jtehc'an jba ta atojol yu'un ya cal te bin lec ta scuentahic, yu'un ya xloc' bahel ta stojolic te awilimba.

1 Reyes 18:24

Ya me ac'oponic te diosetic awu'unic, ho'on ya jc'opon te Jehová. Te mach'a dios te ya sjac', te ya sticon tal c'ahc', ha me te mero Dios abi, xchi. Lec te bin yac awal, xchihic spisil te pueblo.

1 Samuel 12:23

Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

1 Samuel 12:19

Ha yu'un spisil te pueblo hich la yalbeyic te Samuel: C'opona te Jehová te Dios awu'un ta jcuentacotic ho'otcotic te a'batotcotic awu'un, te manchuc ya xchamotcotic, como ta spisil te jmulcotic, la jtahcotic xan yan mulil te la jc'ancotic ajwalil cu'uncotic, xchihic.

Malaquías 1:9

C'ambeyahic Dios te lecuc yo'tan ta atojolic, scuenta yu'un yacuc sna' yo'bolil jbahtic. Pero ¿bin ut'il lec yo'tan ya xc'oht ta atojolic teme hich yac apasique? xchi te Jehová te scuentahinej spisil.

Ezequiel 22:30

La jle ta yohlilic mach'a ya spas ts'ahc soc te ya stehc'an sba ta jtojol te banti jamal te ts'ahc yu'un ya xc'opoj yu'un te q'uinal scuenta yu'un ma ba ya jlajin; pero mayuc mach'a la jta.

Ezequiel 14:14

te teyuc ay ta yohlilic a te Noé, Danel soc Job, ha nax ya xcolic ta libre ta yoxebalic te hichuque, ta scuenta te toj bin ya spasic, xchi te Jehová, te Ajwalil.

Jeremías 42:2

ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Jeremías 7:16

Ha yu'un, Jeremías, ma xac'oponon yu'un te pueblo ini, ma me xhahchat ta aw yu'un yac ac'oponon, ma me xawalbon wocol yu'un, como ma ba ya ca'iybat ac'op.

2 Crónicas 32:20

Te ajwalil Ezequías soc te jalwanej Isaías snich'an Amoz la sc'oponic Dios yu'un, awonic c'alal ta ch'ulchan.

1 Reyes 18:26

Hich la yiq'uic tal te toro te a'botic, la schahpanic, soc la sc'oponic te Baal c'alal ta sab ha to ta ohlil c'ahc'al, hich yac yalbelic: ¡Baal, jac'a jc'opcotic! xchihic. Pero mayuc chicnaj sc'op, mayuc mach'a la sjac'.

Génesis 20:17

Ha yu'un te Abraham la sc'opombe Dios, hich lecubtesot yu'un Dios te Abimelec, te yihnam soc te scriadahetique; hich alajic,