Jeremías 27:16 - Bible in Tzeltal Bachajón

¹⁶ Hich nix la jcalbe te sacerdotehetic soc spisil te pueblo ini: Hich yaloj te Jehová: Ma me xawa'iybeyic sc'op te jalwanejetic te hich ya yalbeyex: Te bintic tuhun ta sna te Jehová ora me ya yich'ic suhtel tal ta Babilonia, te xchihique, yu'un lotil te sc'op-jalwanej yu'unique.

Bible in Tzeltal de Oxchuc y Tenejapa

¹⁶ Jich nix la jtojlin ta c'op te sacerdoteetic soc spisil te lume, jich la calbey: —Ja' la yal Cajwaltic: “Ma x'awich'beyic ta muc' sc'op te j'alwanejetic, te mero smelelil yaiyele, te ora nax ya xcha'sujt' tel ta Babilonia te sbiluquil templo. Te bila ya yalbeyexe, lotil me.

Jeremías 27:16 Referans Kwoze

Jeremías 28:3

Ma sta cheb ha'bil ya cac' te ya suht tal ta lugar ini spisil te bintic ya xtuhun ta sna Jehová te la yich' bahel ta Babilonia te ajwalil Nabucodonosor.

2 Reyes 24:13

Te Nabucodonosor la sloq'ues spisil te c'ulejalil ta sna Jehová soc ta sna ajwalil, hich te bin ut'il la yal te Jehová, soc la swuyticlan spisil te biluquetic pasticlambil ta oro te ay ta sna Jehová te pasticlambil yu'un Salomón ajwalil yu'un Israel.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

Jeremías 27:10

Ya yalbeyex lotil sc'op-jalwanej, te ha ya yac' te ya xnamijex bahel ta aq'uinalic, soc te ya jtenex loq'uel soc ya xch'ayex bahele.

Jeremías 27:14

Ma me xawa'iybeyic sc'op te jalwanejetic te hich ya yalbeyex: Ma ba yac awac' abahic ta a'batinel yu'un te ajwalil yu'un Babilonia, te xchihique, yu'un lotil te sc'op-jalwanej yu'unique.

Isaías 9:15

Te sjol, ha te mamaletic soc te mach'atic ich'bilic ta cuenta, te sne, ha te jalwanejetic te ya yaq'uic ta nopel lot.