Jeremías 27:15 - Bible in Tzeltal Bachajón

¹⁵ Como ma ho'ucon la jticonlan, xchi te Jehová; ya yalic lotil sc'op-jalwanej ta scuenta jbihil; hich ya jtenex loq'uel soc ya xch'ayex bahel, ha'ex soc te jalwanejetic te la yalbeyex te sc'op-jalwanej, xchihon.

Bible in Tzeltal de Oxchuc y Tenejapa

¹⁵ Te Cajwaltic tulan ya yal te ma ja'uc la sticun tele; tojol c'opetic nax ya yalic ta swenta te Cajwaltique. Jich me ya slajinex spuquel bael te Cajwaltique. Ya me xlajex ja'ex soc te j'alwanejetic te la yalbeyex te c'ope —xon.

Jeremías 27:15 Referans Kwoze

Jeremías 27:10

Ya yalbeyex lotil sc'op-jalwanej, te ha ya yac' te ya xnamijex bahel ta aq'uinalic, soc te ya jtenex loq'uel soc ya xch'ayex bahele.

2 Crónicas 25:16

C'alal hich yac ta yalel a te jalwanej, la sjac' te ajwalil: ¿Yu'un bal awich'oj awa'tel ta j'ac'-o'tanil ta stojol te ajwalil? Coma aba. ¿Yu'un bal yac ac'an te ya jmilat? xchi. Scuenta slajibal hich la yal te jalwanej: Jna'oj te Dios snopoj ta yo'tan te ya slajinat yu'un te hich apasoj soc ma ba la ach'uhun te bin la jcalbat, xchi.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

San Mateo 15:14

Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

Jeremías 29:9

como lotil te sc'op-jalwanej te ya yalic ta scuenta te jbihile. Ma ba jticonej, xchi te Jehová.

Jeremías 23:21

Ma ho'ucon jticonej te jalwanejetic ini, pero ahnimajic bahel; ma ba la jc'oponlan, pero la yalic sc'op-jalwanej.

Jeremías 23:15

Ha yu'un te Jehová te scuentahinej spisil hich ya yalbe sc'oblal te jalwanejetic: Ya cac'ticlambe swe'ic ch'ahco' soc ya cac'ticlambe yuch'ic ha' te yich'oj veneno, como ta scuenta te jalwanejetic ta Jerusalén te puhc bahel ta spahmal q'uinal te ma xyich'ic ta muc' te Diose, xchi.

Jeremías 20:6

Soc ha'at, Pasur, soc spisil mach'atic ayic ta ana ya me xbahex ta chuquel ta Babilonia. Tey ya xchamat a soc tey ya xmucat soc spisil a te mach'atic jun awo'tan aba soc, te la awalbe slotil-c'op jalwanej, xchi te Jeremías.

Jeremías 23:25

Ca'iybeyej te bin ya yalic te jalwanejetique, ha te ya yalic lotil sc'op-jalwanej ta scuenta te jbihile. ¡Ay jwayich, ay jwayich! xchihic.

Jeremías 29:8

Como hich yaloj te Jehová te scuentahinej spisil, te Dios yu'un Israel: Ma me xawac' slo'loyex te jalwanejetic soc te jna'ojeletic te ayic ta awohlilique; ma xawich'ic ta cuenta te swayichic,

Jeremías 14:14

Ha yu'un hich la yalbon te Jehová: Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jc'oponej. Ha ya yalbeyex lotil nahalsitil, na'ojel, tojol c'op soc lo'loywanej te ay ta yo'tanique.

Jeremías 38:22

Spisil te antsetic te ya xhilic ta sna te ajwalil yu'un Judá ya me yich'ic loq'uesel bahel ta stojol te príncipaletic yu'un te ajwalil yu'un Babilonia; hich ya yalbat te antsetic: La slo'loyat, la stsalat te mach'atic jun awo'tan aba soc. Co bahel ta ahch'al te awoque, suht ta spatic te mach'atic jun awo'tan aba soc, xchihic.