Jeremías 27:13 - Bible in Tzeltal Bachajón

¹³ ¿Bin yu'un ya xlajat soc te pueblo awu'un ta espada, ta wi'nal soc ta jmilawal-chamel, hich te bin ut'il yaloj te Jehová ta stojol te nación te ma ba ya yac' sba ta a'batinel yu'un te ajwalil yu'un Babilonia?

Bible in Tzeltal de Oxchuc y Tenejapa

¹³ ¿Bi ya ata a teme ya xlajat ja'at soc te alumal ta scaj guerra, ta wi'nal soc ta chamel? Melel te Cajwaltic yaloj te bila ya xc'ot ta pasel ta stojol spisil te mach'a ma xyac' sba ta sc'ab te muc' ajwalil yu'un Babilonia.

Jeremías 27:13 Referans Kwoze

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

Jeremías 27:8

Teme ay nación o ajwalil te ma ba ya yac' sba ta a'batinel yu'un te Nabucodonosor ajwalil yu'un Babilonia, te ma ba ya yac' ta snuc' te yugo yu'un te ajwalil yu'un Babilonia, ya ca'be castigo ta espada, ta wi'nal soc ta jmilawal-chamel ha to c'alal ya xlaj ta sc'ab, xchi te Jehová.

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Ezequiel 18:24

Pero te mach'a toj yo'tan teme ya yihquitay hilel te bin stojil ya spas, teme ya spas te bin chopol soc ya spas te bintic ilobtic sba te ya spas te mach'a chopol yo'tane, ¿ya bal xcuxaj? ¡Mayuc junuc te bintic stojil spasoj te ya x'ich'bot ta cuenta! Ta scaj te ma junuc yo'tan, ta scaj te mulil spasoj, ya me xlaj yu'un.

Ezequiel 14:21

Ha yu'un hich yaloj te Jehová, te Ajwalil: ¡C'ax to xan hich a te c'alal ya jticon bahel ta stojol Jerusalén te chaneb castigo te xiweltic sbahic, ha te espada, wi'nal, ti'awal chambahlametic soc jmilawal-chamel, yu'un ya slajinlanic ants-winiquetic soc chambahlametic tey a!

Jeremías 38:20

La sjac' te Jeremías: Ma ba ya yac'at ta sc'abic. Ch'uhumbeya sc'op Jehová te la jcalbatix awa'iy, hich lec ya xc'ohat soc hich ya xcuxajat.

Jeremías 38:2

Hich yaloj te Jehová: Te mach'a ya xhil ta pueblo ya me xlaj ta espada, ta wi'nal o ta jmilawal-chamel; yan te mach'a ya xc'ax bahel ta stojol te caldeohetic, ya xcuxaj. Te scuxlejal hich ya xc'oht te bin ut'il bin pojbil ta guerra, cuxul ya xhil, xchi.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

Jeremías 38:23

Spisil te antsetic awu'un soc te anich'nab ya me x'ac'otic ta sc'ab te caldeohetique. Te ha'ate ma ba ya xcolat ta sc'abic, ya me x'ochat ta sc'ab te ajwalil yu'un Babilonia, te ha ya schic' te pueblo ini, xchi.