Jeremías 27:12 - Bible in Tzeltal Bachajón

¹² Ha nix hich la jcalbe te Sedequías ajwalil yu'un Judá spisil te c'opetic ini: Ac'a ta anuc' te yugo yu'un te ajwalil yu'un Babilonia; ac'a aba ta a'batinel ta stojol soc ta stojol te pueblo yu'une, hich me ya xcuxajex a.

Bible in Tzeltal de Oxchuc y Tenejapa

¹² Jo'on, Jeremíason, la calbey spisil Sedequías te muc' ajwalil yu'un Judá, soc jich la calbey xan: —Ac'a abaic ta sc'ab te muc' ajwalil yu'un Babilonia soc te lum yu'une, jich me ya xcuxinex.

Jeremías 27:12 Referans Kwoze

Jeremías 38:17

Ha yu'un te Jeremías la yalbe Sedequías: Hich yaloj te Jehová te scuentahinej spisil, te Dios yu'un Israel: Teme yac awac' aba ta sc'ab te príncipaletic yu'un te ajwalil yu'un Babilonia, hich ya xcuxajat soc te mach'atic ay awu'un, soc ma ba ya yich' chiq'uel te pueblo ini.

Jeremías 28:1

Ha nix ta ha'bil, ha ta shahchibal te ay ta ajwalil yu'un Judá te Sedequías, te jalwanej Hananías snich'an Azur te talem ta Gabaón, hich la yalbon ta sna Jehová ta stojol te sacerdotehetic soc spisil te pueblo:

Jeremías 27:8

Teme ay nación o ajwalil te ma ba ya yac' sba ta a'batinel yu'un te Nabucodonosor ajwalil yu'un Babilonia, te ma ba ya yac' ta snuc' te yugo yu'un te ajwalil yu'un Babilonia, ya ca'be castigo ta espada, ta wi'nal soc ta jmilawal-chamel ha to c'alal ya xlaj ta sc'ab, xchi te Jehová.

Proverbios 1:33

Pero te mach'a ya ya'iybon jc'op jun me yo'tan ya xcuxaj stuquel, mero jun yo'tan, ma ba ya xi' te bin chopol, xchi te p'ijil-o'tanile.

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

Jeremías 28:2

Hich yaloj te Jehová te scuentahinej spisil, te Dios yu'un Israel: Ya jwac'be te yugo yu'un te ajwalil yu'un Babilonia.

Jeremías 42:11

Ma me xaxi'ic te ajwalil yu'un Babilonia, te yac axi'belic ta ora ini. Ma me xaxi'ic, xchi te Jehová, yu'un ya joquinejex yu'un ya jcoltayex soc ya jloq'uesex ta libre ta sc'ab.

Jeremías 21:9

Te mach'a ya xhil ta pueblo ini ya me xlaj ta espada, ta wi'nal, o ta jmilawal-chamel; yan te mach'a ya xloc' bahel soc ya yac' sba ta sc'ab te caldeohetic te yac sjoytaybelexe, ya me xcuxaj; hich ya xcol te scuxlejale.