Jeremías 27:10 - Bible in Tzeltal Bachajón

¹⁰ Ya yalbeyex lotil sc'op-jalwanej, te ha ya yac' te ya xnamijex bahel ta aq'uinalic, soc te ya jtenex loq'uel soc ya xch'ayex bahele.

Bible in Tzeltal de Oxchuc y Tenejapa

¹⁰ Te bila ya yalique, lotil me. Ja' nax ya yac'beyex ataic a te ya jyantesbeyex alumalique, soc te ya jpuquex bael te ya xlajexe.

Jeremías 27:10 Referans Kwoze

Jeremías 32:31

C'alal hahch ta spasel te pueblo ini ha to c'alal ora yo'tic ha nax la shachbon te sc'ahc'al co'tan soc quilimba; ha yu'un ya jloq'ues bahel ta jtojol

Lamentaciones 2:14

Te jalwanejetic awu'un la yilbat te bin ma meleluc soc te asonsohil, ma ba la yaq'uic chicnajuc te amul yu'un hich ma ba ya xbahat ta chuquel a, ha la yalbat awa'iy lotil sc'op-jalwanej soc howil c'op.

Jeremías 28:16

Ha yu'un hich yaloj te Jehová: Ya jloq'uesat bahel ta sba te lumq'uinale. Ya me xchamat ta ha'bil ini, como la awal toyba-c'op ta scontrahinel te Jehová, xchi.

Jeremías 27:14

Ma me xawa'iybeyic sc'op te jalwanejetic te hich ya yalbeyex: Ma ba yac awac' abahic ta a'batinel yu'un te ajwalil yu'un Babilonia, te xchihique, yu'un lotil te sc'op-jalwanej yu'unique.

Jeremías 23:25

Ca'iybeyej te bin ya yalic te jalwanejetique, ha te ya yalic lotil sc'op-jalwanej ta scuenta te jbihile. ¡Ay jwayich, ay jwayich! xchihic.

Éxodo 22:18

Te j'ac'-chamel-ants ma me xawac' cuxajuc.

Deuteronomio 18:10

Ma me xchicnaj ta awohlilic te mach'a ya yac' c'axel ta c'ahc' te squerem o yantsil-nich'an, o te mach'a ya x'a'tej ta jna'ojel, te mach'a ya spasbe seña sna'el te bin chopol ya xc'oht ta pasel, te mach'a ya sna' spasel chopol señahetic, j'ac'-chamel,

Jeremías 8:19

A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Jeremías 14:14

Ha yu'un hich la yalbon te Jehová: Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jc'oponej. Ha ya yalbeyex lotil nahalsitil, na'ojel, tojol c'op soc lo'loywanej te ay ta yo'tanique.

Jeremías 23:16

Hich yaloj te Jehová te scuentahinej spisil: Ma xawa'iybeyic sc'op te jalwanejetic te ya yalbeyex sc'op-jalwanej; ya ya'beyex smuc'ul awo'tanic te toyol ay. Ya yalbeyic sc'oblal snahalsitic te talem ta yo'tanic, ma ha'uc te bin halbotic yu'un te Jehová.

Jeremías 27:15

Como ma ho'ucon la jticonlan, xchi te Jehová; ya yalic lotil sc'op-jalwanej ta scuenta jbihil; hich ya jtenex loq'uel soc ya xch'ayex bahel, ha'ex soc te jalwanejetic te la yalbeyex te sc'op-jalwanej, xchihon.

Jeremías 27:16

Hich nix la jcalbe te sacerdotehetic soc spisil te pueblo ini: Hich yaloj te Jehová: Ma me xawa'iybeyic sc'op te jalwanejetic te hich ya yalbeyex: Te bintic tuhun ta sna te Jehová ora me ya yich'ic suhtel tal ta Babilonia, te xchihique, yu'un lotil te sc'op-jalwanej yu'unique.

Jeremías 28:11

hich la yal ta stojol spisil te pueblo: Hich yaloj te Jehová: Li' ta cheb ha'bil hich nix ya jwac'be te yugo yu'un te ajwalil Nabucodonosor ta Babilonia te ay ta snuq'uic spisil te nacionetic, xchi. C'alal hich la ya'iy, baht te Jeremías.

Daniel 4:7

Talic te jpas-señahetic, jmonawetic, caldeohetic soc jna'ojeletic, la jcalbe ya'iyic te jwayich, pero ma ba hu' yu'unic te ya yalbonic te sc'oblale.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Zacarías 10:2

Te loc'ombahetic ya xlo'loywanic soc te jna'ojeletic ya yilic te bin lotil; ya yalbe sc'oblal wayichil te mayuc scuentahil soc tojol te sc'opic scuenta smuc'ubtesel q'uinal ya'iyic. Ha yu'un bayuc nax ya xbahtic te pueblo hich te bin ut'il jtsohb tuminchijetic, soc ay swocolic ta scaj te mayuc jcanan yu'unique.