Jeremías 26:24 - Bible in Tzeltal Bachajón

²⁴ Pero te Ahicam snich'an Safán c'opoj ta scoltayel te Jeremías scuenta yu'un ma ba ya x'och ta sc'ab te pueblo yu'un ya smilic.

Bible in Tzeltal de Oxchuc y Tenejapa

²⁴ Te Ahicam snich'an Safán c'opoj ta scoltayel te Jeremías, jich ma ba och ta c'abal yu'un te lum te ya smilique.

Jeremías 26:24 Referans Kwoze

Jeremías 39:14

la sticonic ta iq'uel tal te Jeremías te ay ta yamaq'uil te cárcel. La ya'beyic ta sc'ab te Gedalías snich'an Ahicam, snich'an Safán, yu'un ya yic' bahel ta sna. Hich nahin te Jeremías ta yohlil te slumale.

1 Reyes 18:4

Como te c'alal te Jezabel hahch smilticlan te jalwanejetic yu'un Jehová, te Abdías la yic' bahel ho'winic (100) ta tuhl jalwanejetic, lajlajuneb yoxwinic (50) ta tuhl la snac'ticlan ta ch'en, soc la yac'ticlambe pan soc ha'.

Apocalipsis 12:16

Pero ha coltayot yu'un te q'uinal te antse; la sjam sba te q'uinal, la yuch' te ha' te la smal loq'uel ta ye te dragón.

Hechos 27:43

Pero te capitán-soldado yo'tanuc ya scoltay te Pablo, ha yu'un la scom te bin snopojic, la yal mandar te mach'atic ya sna'ic nuxel, ha nahil ac'a sch'oj ochel sbahic ta ha', ac'a stahic c'ohel te lumq'uinal;

Hechos 23:10

Hahch bayel c'op yu'unic, ha yu'un te comandante la xi' te ya yich' butsticlanel te Pablo, hich la sticon ta iq'uel tal te soldadohetic yu'un ya sloq'uesic ta yohlilic soc ya yiq'uic bahel ta cuartel.

2 Crónicas 34:20

La spas ta mandar te Hilcías, te Ahicam snich'an Safán, te Abdón snich'an Micaías, te Safán te secretario, soc te Asaías te a'bat yu'un te ajwalil, hich la yalbe:

2 Reyes 25:22

Te Nabucodonosor ajwalil yu'un Babilonia la yotses ta gobernador te Gedalías snich'an Ahicam, snich'an Safán, yu'un ya scuentahin te mach'atic hilemic ta sq'uinal Judá.

Jeremías 29:3

La sticon bahel te carta ta sc'ab te Elasa snich'an Safán soc te Gemarías snich'an Hilcías, te ticombilic bahel yu'un te Sedequías ajwalil yu'un Judá ta Babilonia, ta stojol te Nabucodonosor ajwalil yu'un Babilonia. Hich la yal te carta:

Jeremías 36:10

Ta sna Jehová, ta stsahlul-na yu'un Gemarías snich'an Safán te jts'ihbajel, ta amac' te ay ta ahc'ol ta yochibal te Yach'il Puerta yu'un te sna Jehová, te Baruc la yil ta stojol spisil te ants-winiquetic te sc'op Jeremías te ts'ihbabil ta hun.

Jeremías 36:11

Te Micaías snich'an Gemarías, snich'an Safán, c'alal la ya'iy spisil te sc'op Jehová te ts'ihbabil ta balbil hun,

Jeremías 36:12

co bahel ta sna te ajwalil, ta stsahlul-na yu'un te jts'ihbajel, tey la sta a huculic spisil te príncipaletic: ha te Elisama te jts'ihbajel, Delaía snich'an Semaías, Elnatán snich'an Acbor, Gemarías snich'an Safán, Sedequías snich'an Hananías soc spisil te yantic príncipaletique.

Jeremías 36:19

Ha yu'un te príncipaletic hich la yalbeyic te Baruc: Bahan, nac'a abahic, ha'at soc Jeremías; ma me ayuc mach'a ya sna' banti ayex, xchihic.

Jeremías 36:26

Te ajwalil la spas ta mandar te Jerameel snich'an ajwalil, te Seraías snich'an Azriel, soc te Selemías snich'an Abdeel te ya me stsaquic te Baruc te jts'ihbajel soc Jeremías te jalwanej. Pero nac'bilic yu'un Jehová.

Ezequiel 8:11

Tey ta stojolic ay lajuneb schanwinic (70) ta jtuhl mamaletic ta sna Israel, soc te Jaazanías snich'an Safán ay ta yohlilic. Jujutuhl stsacoj ta sc'abic schic'ojibal pom, yac ta hahchel mohel sch'ahilel pom.